Ka Nupepa Kuokoa, Volume LXII, Number 34, 23 ʻAukake 1923 — NA HUNAHUNA MEAHOU O KA OIHANA HOOMALU. [ARTICLE]

NA HUNAHUNA MEAHOU O KA OIHANA HOOMALU.

O ī. Masolvi, i hopuia ai e ka makai no ke kalaiwa i ke kaa oto me ka laikni ole, a no kona hiki ole ana ae imua o ka aha ma ka manawa o ke kaheaia ana mai o kona hihia .ua lilo mauwale na dala bela he $25 ana i ke aupuni ma ke kakahiaka Poalua nei. 0 E. Fenton i hopuia ai' ma ke Sabati aku nei no ka loaa ana aku o kekahi omole o.kolehao malalo o kona malu, a no kona.hiki ole ana ae 1 imua o ka aha hoomalu ma ka manawa o kona hiha i kaheaia mai ai ua lilo kana mau dala bela he 25 1 'ke aupuni. Ua laki o J. M. Soares no kona hoopai paahao a dala ole ia ana mai mamuli o kona ae okoa ana ae i ka pili o ka hewa hoeha iaia, no kona hoeha ana ia Mrs. Gloria Kipi. Ua hoomaluia mai nae oia he 13 mahina, a ina no kona hana hou aku ia hewa o ka halepaahao wale no kona wahi e noho ai. No ka waawaa o ke poo o Joaquin Nicholas i laweia ae ai oia i ka halema'i o na poino ulia no ka lapaauia ana a mahope i hoihoiia ae ai i ka Halema'i Moiwahine. He limaliana keia no ka Hui Mahi Halakahiki n Libby & MeNeill ma Kailua, a mamuli o kekahi hana hemahema ma kona aoao ua ku oia i ke peku a ka hoki ma kona poo a o 'ke kumu hoi o kona eha ana.

No ka lele naaupo ana o Eddie Camara, he keiki o 16 makahiki iloko o kahi papau o ke kai ma ka auwina la Sabati nei, i moku ai kona ilipoo a no ia pilikia ili wale mai i moeuhane mua ole ia i laweia ae ai oia i ka halema'i o na poino ulia no ka lapaau ana ia wahi ona i eha. O Emma Apana, o ke alanui llokele, ka i hoao e hoopokole i kona j mau la o ke ola ana ma o kona inu ana ae i ka laaumake ma ka auwina j la Sabati nei eia nae, aole oia i j make elike mo kana i makemake ai. j Ua laweia ae oia i ka halema'i 0 na poino ulia a mahope o ka Iraawiia ana o ka laau ua kauohaia aku oia e lioi i kona hale. , Ia Joe Fragass e kau ana maluna I o ka pale mua o ka huila o ke kaa otomobile ma ka po Sabati nei, a e nana ana i ka oni ana o ka enekini, ua haule aku la oia iluna o ke alanui i ka manil'wa o ka huli pokole ana ae o ke kaa, a moku kona ilipoo, a maloko o ka halema'i o na poino ulia i lapaauia ai oia. Ma 'ka hoike a ka makai o ka hoihoiana j ae ua kahiohio ka kela Pukiki opio ma kona manawa i haule ai. No ke kalaiwa o Helen Wright 1 ke kaa otomobile me ka laikini ole i paa ae ai oia i ka hopuia : e ke Kapena Makai Poaha ma ka po Sabati i hala, a no ka holonui hoi o Paul i kona kaa, me ka nana ole i ko hai pono maluna o ke ala- ! nui Moi mahope koke iho o ka hora j 9 o ka po Sabati nei, i paa ae ai oia, i ka hopuia e ka Makai Boyd a hookomoia ae he hoopii nona no ia hewa. No ke kalaiwa ana o F. Whitemore i ke kaa otomobile me ka holonui a me ka loaa ole iaia o Ka laiki; ni i paa ae ai oia i ka .hopuia e na makai mokokaikala Gonsalves ame Waiolama. He ohua ke kau ana iluna o ke kaa a Whitemore e kalaiwa ana; i ka manawa i ike mai ai o Toneton, oia ka inoa o ka ohua i na makai ua kiola aku la oTa i kekahi omole okolehao iloko o kekahi pa waiho wale. Ua paa oia i ka hopuia a hoopiiia ae no ke ku-e kanawai waiona.