Ka Nupepa Kuokoa, Volume LXII, Number 34, 23 ʻAukake 1923 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUAKAI KAMAHAO A NA KAMAHELE I KA HIKINA

_________________

(Hoomauia mai)

 

            Ua hoonanea iki iho la na kama i ele ma ia kapakai a nana ae la ma o a maanei, he kuanea wale no he nui ka wela, a i ahona wale no i ka malumalu o ke kiawe, o ia ka laau nui e ulu ana malaila, a ua like po paha ia me na kapakai o Galilaia ke hoohalike ae, kahi a ka Haku i kaahele ai, a wae mai la mailoko mai o na kanaka lawai'a i kana poe hoomana i ka pa e ana aku o kona @@@ @@ E hahai mai olua ia'u, a e hoolilo no au ia olua i mau lawai'a kanaka."

            Me ia mau nanaina ame ia mau ano haalele iho ai na kamahele ia kapakai, lululima me na hoaloha, a @ ka hao aku la no ia o ke kapena i nana hana, aia no ka pahu hopu i ka home, kahi o na kamahele i hoohipaia ai me ka hauoli e na makua puuwai hamama, Mr. ame Mrs. McDugall, ma ko laua home nani.

            Ua pae mai la ka leo o ke kamaaina lululima pu iho la me na haawina maikai o ke aloha, hoolaunaia aka la ma na umi kahi e hoaumoe ai, kuu iho la ka luhi oiai ua hiki i ka home o na kamaaina.

            Mahope iho o ka hoonanea ana, ua kipa aku la iluna o ka papaaina i @@@makaukauia, no ka hoopiha ana i na mea e oluolu ai ke ola kino, a hoopiha iho la i na mea maikai, oiai ua hiki mai la no o Hanale e imi ana ia Keoni Bulu, a mahope ua hoomakaukau iho la no ke anaina o ia ahiahi elike me ka papa hana a ke komite i hoomakaukau ai no ia pule.      

KA PAPAHANA I HOOMAKAUKAUIA NO NA HANA

            Oiai ua hiki mua kamahele o ko mokupuni o Maui i ka poalua o ka la 2, a ua hoomaka no laua e ka pule aka i hala, o ia ka moku o hana,  ma ke komo ana i na home ma na apana o ke kihapai o Kohala Akau, me ka malama pu ia o na halawai, ma na apana o Makapala, Halawa, Kaauhuhu, ame ke kula hanai o na kaikamahine o Kohala, no ka mea, o ia iho la no ka hana a ke @omite hoeueu e hana ai.

            Mamuli o keia hana i hanaia e ke komite, a ma ke anaina o ke Sabati la 6, ua hele a ohuohu ke anaina o ia kakahiaka, e lohe i ka euanelio o ke Akua mai Kana kauwa aku; o ka poe i hele pule ole mamua aku, ua hiki ae kekahi o ia poe, a he mea hauoli no hoi ia o ka manao, elike me ka olelo i palapalaia, "he mea hauoli nui no na puali anela o ka lana ka hoi hou ana mai o kekahi hipa i nalowale."

            Ua hoike mai na kamahele ua komoia e laua na hale, ua kiei a ua halo i kela me keia home o kahi a laua i kipa ai, a oia ke kumu o keia anaina i piha ai; a na ke Sabati o ka la 13 e hoike mai i ka oiaio o keia mea.

            Nolaila, ma ia kakahiaka Sabati o ka la 6; ua kaa aku ka malamaia ana o na hana haipule i ke komite hoeueu, Rev. M.M. Kahiapo, ke kahu o ka Ekalesia o Paia, kekahi hoi o na kamahele mai ka mokupuni o Maui, maluna o ke kumuhana "Ua kipa mai ke ola i keia hale."

            He nui ka nani a piha hauoli na manao a ka lohe ana aku i ke kahe mai o ka wai o ke ola mai ia punawai hoola mai o ka ke Akua hana; a ua hoi ke anaina me na manao hauoli; a ua ola no hoi na uhani i ka pipiia e na hunawai ola o ka punawai e pipii ana i ke ola mau loa (Baibala).

KE ANAINA MA KOKOIKI

            Ma ka poalua la 8, ua hoea ke kamahele Jas. H. S. Kaleo, elike me na mea i hoakaka mua ia ae nei, a oia no hoi kekahi o na lala o ka papa kahuwaiwai a lunahooia hoi o na C.E. mahele o na Hawaii, no ke komo pu ana aku i na hana hoolaa no ka waiwai ame ka hale i haawi makana ia mai e Mr. ame Mrs. W.P. McDougall a hui pu aku la me ke komite hoeueu ma na hana o ia po, hora 6:30, he anaina nui i akoakoa ae no ka hoolohe ana no i ka euanelio nani a ka haku.

            Ua piha kela anaina mamuli o ka lohe ana o kekahi poe i hele i ka pule ana o kekahi poe i hele i ka pule ma ke sabati, a lohe i na olelo o ke ke'a i haiia a hui pu iho no @@i no ka mea he poe malihini keia a e kamailioia ana e na kanaka ia mau la no ke kahu o Paia Mo@@ Kahiaka, akahi no lakou a ike ia kanaka.

            Ua waiho mai la ke komite hoeueu i ka olelo o ia po na'u e alakai no laila ua lawe au i ka olelo heluhelu ma Pilipi 3:1-14.

            Kumuhana, "O keia hookahi ka'u e hana nei." Na mahele, I, ke hoopoina nei au i na mea mahope: 2, ke kikoo aku nei au i na mea omua.

            Ua piha ke anaina i ka hauoli i ka ua mea o ka nani o ka Euanelio i ha'i ia aku i a lakou e na kauwa a ke Akua, oia o J. H. S. Kaleo, J. Kahaawinui ame Rev. Moses M. Kahiapo, na kamahele hoi i ka hikina. hele kela a kau i ka lewa na mea apau i ka hapaiia e ka euaneho.

            Malaila ae ka hope makai nui ame ke kapena maikai o Kohala no ka hoolohe ana i ka enanelio; na Mr. R. K. K. Naipo i alakai me ka eleu o na himeni o ia po, a hoi kela ame keia me ka hauoli no na olelo o ke @@@ mai ke ke'a mai.

            Hoi aku la no hoi na kamahele no ko lakou wahi hele mai ai, no na hoomaha ana a hooulu hoi no @@ keena po, a no ka hoomakaukau ana no hoi no kekahi la ae, elike me ka papa hana.

KE ANAINA MA MAHUKONA

            Ma ka Poakolu la 9 a ma ka hora 6:30 p.m., ua malamaia ka halawai ma Mahukona, o keia ka apana waho loa o ka Ekalesia o Kalakikiola, a ka makua Rev. Wm, Kamau e noho nei, he leo maoli no keia wahi, ahonui no na hoahanau e hele nei i ka pule, ua heleia ka pule i kekahi manawa, a o ka hapanui o ka manawa, ma ka home no. Aole no paha ke kahu kamau i hiki ia apana on a, aka, ua kipa na kama-hele a lawelawe i ka hana malaila me na kamaaina.

            Ua alakaiia na hana o ia po e J. H. S. Kaleo, kekahi o na kamahelem ma ka Euanelio a Mataio, mok. 5:1-16, o ke poolele aia no ma ka pauku 2, "Owaka ae la Kona waha a a'o mai la oia ia lakou i mai la." Kumuhana, "Ke a'o ana a ka Euanelio." Manao 1, he a'o ana e ike ai a e naauao ai; 2, he a'o ana e pomaikai ai 3, he a'o ana e loaa ai ke ola. He nui ka hauoli i na olelo a'o a ka Euanelio i luia aku ma na kapakai o Galilaia (Mahukona) e na paahana o ke Akua, no ka nani o Kona aupuni, a i hipuuia mai hoi e ko kahu Moses M. Kahiapo; a i ka hookuu ana o ke anaina, ua kiiia mai la ke Kahu Moses M. Kahiapo no ka pilikia kino o kekahi bebe; a ua haawiia aku na kokua; ka laau lapaau ma ka home, ka olelo a ke Akua.

            Ua haalele ia Mahukona ia po, hora 9, hui aloha me na kamaaina, hai aku la ia lakou no ka hiki ae i ka halawai o ke Sabati la 13, na ke Kahu Akaiko Akana e malama ia halawai kakahiaka, a pela hoi me ke anaina no ka hoolaa ana i ka hale o na C. E., a huli hoi aku la ia poeleele, he mea ole wale no nae ia i ke kapena R. K. K. Naipo, ke pailaka nana e hookele ana i ko makou kaa, he aloalo wale ia no na apuupuu ame na haalu o ke alanui, ahiki ana i ka home, hora 10; kuu iho la ka luhi o na kamahele; hooluolu iho la ka luhi o na kamahele; hooluolu iho la ia koena po, no ka hoomakaukau ana no na hana o kekahi la ae elike me ka papahana.

KA HELE ANA I KA MAKAIKAI

            Poaha, la 10, a mahope iho o ka pau ana o ka aina kakahiaka, ua haalele iho la na kamahele i ka home, a komoe aku la ke alahele no ka Hikina e hiki aku ai i ke awawa kaulana o Pololu, i pailakaua e ke kalaiwa Rev. Moses M. Kahiapo.   

            Hala ae la o Kapaau, Halawa, Kaiopihi, Makapala, Niulii, a huli aku ai ke alahele no ke awawa o pololu. kahi a na kamahele e kau nui ana mana e ike.

            Ua oleloia, mai keia awawa aku i laweia ai na pohaku o ka heiau o Mookini, ma Kokoiki, aole i kana mai ka loa o keia wahi. O ka poe nae na lakou i halihali i na pohaku, oia no na mea menehune, alaila, ua kupono ka kakou olelo ana, o kini o ke akua, ka mano o ke akua ame ka lehu o ke akua, pela wale no e hiki ai, no ka mea, o ke kululuia ana o kela heiau mai ka po no a ao, ua paa na mea apau, nani no ke kupaianaha o na hana!

            Hiki aku la ma keia aoao o ka pali o Pololu, a nana aku la ialalo, he nana a maikai maoli; aia no ka i'a makai, a o ka ai no mauka, ua ola maoli no ka nohona. O ka hapa maka, ua paa i ka laiki, a o ka hapa mauka a komo loa aku iloko, e ulu ana ke kuawa, he laau hoowaiwainui e hana kele ia, a i ole puhi lanahu, e ohi ana no i na kenikeni ua like no kona nanaina me Honomanu o Koolau, Maui.

            He aina aupuni keia i hoolimalimaia, a eia ka malalo o senatoa Akina. Nana aku la ia kuahiwi o Awini, hoomanao ae la ke kamahele i kahi oi ohana i noho ai Mr. ame Mrs. Perry. He mamao maoli kela kuahiwi i nohoia ai, eia nae, ua aloha ia no paha ia mau wahi ke kumu i nohoia ai.

KA HALE KULA HANAI O KOHALA

            Haalele aku la ia Pololu, a huli hoi mai la ma ke ala no i hele aku ai, a no ka halekula ka pahu hopu. Ua hiki aku malaila, a launa me na kumukula oluolu o ia hale hoonaauao. Alakai aku la ke kumu no ka makaikai ana i na hale, o ia no ka hale moe, ka haleaina, ka halekuke, kahi holoi, aia ma ka halekula  kahiko kahi moe o na kaikamahine, a o ia ko lakou hale ma'i. He maikai ke kulana o keia halekula imi naauao; koe wale no keia, aole paha i lawa lakou me ka haawina dala no keia mua aku.

            Haalele aku la no ia home hoonaauao, a huli hoi mai la; a ma ia huli hoi mai la; a ma ia huli hoi ana mai i hoomaopopo loa ae ai na kamahele i ke kulana o ka luakini o Kalhikiole, ua manao maoli mai ke alanui hele aku, a ua ku no i ka hoomanawanui ka hele ana o na haipule; ua kupono no paha ia manawa ke kukuluia ana o ka halepule, aka, he okoa loa i keia manawa holomua o ka aina, ma na wahi pili alanui e pono ai.

            Kipa aku la ma ka hale hookolokolo o Kapaau, a noho iki malaila me ka Lunakanawai W. P. McDougall, na makai ame ka Loio Moses Mahelona,  a aia makai o ka hale hookolokolo e ku ana ke kii o Kamehameha ka Na'i Aupuni kaulana, e huli ana ke alo i ke kai.

            Ua puka ae kekah mau olelo i ka manao o kekahi poe, no ka huli ana o ke alo o ke kii i kai ame ke noi ana o na lima, o ia ka ke kumu i pau ai na kanaka o ka aina e noho ana makai o ke alanui i ka hele a lilo no hoi ka aina, in a ka i hoohuli pono ia ke alo o ke kii i ke alanui.

E HOLO MOHO LUNAKIAI ANA O S. P. CORREA.

            Ua ku okoa ae nei o Sylvester P. Correa, kekahi hoa kahiki o ka ahaolelo kuloko, iwaho, a hoike ae, oia kekahi moho no ka papa lunakiai e holo nei ma ka aoao Repubalika, ma ke kau koho baloka wae moho e hoea mai ana, a i hooia no ia holo moho on a, ua hookomo ae oia i kona palapala noi holo moho, me ke kakauolelo Kakauokalani, a o ka mea mua loa hoi i waiho aku i kona palapala holo moho, me ike kakali ole a kokoke mai i ka wa e pau ai ka hookomo ana i na palapala elike paha me kekahi mau moho e ae e kakali mai nei.

            I ka hoike ana ae, i ke kumu o kona lilo ana he moho no ke kulana lunakiai o ke Kulanakauhale a Kalana o Honolulu nei, mamuli no ia o na koi ikaika ana mai a na mana koho baloka, e lilo ana ka hapanui o na mana koho baloka o Honolulu nei, i poe kakoo iaia ma keia kau koho wae moho.

            Wahi ana, in a e loaa ana iaia ka waeia, ma keia kau koho wae moho, a kohoia oia i hoa no ka papa lunakiai, ma ke koho baloka aku o ka mahina o Novemaba, alaila, o ka iini nui iloko ona, o ia no ka hele nui, e moe ana i ka Hikina hema, o ke noi ana pela, o ia ke alahele e komo mai ai ka pomaikai ia Kohala, a pela hoi kela olelo kaulana a Keopulupulu, e olelo ana: "I nui ke aho a oa ka ili i ke kai, a no ke kai mai lakou, a pela pu hoi me na pomaikai e laweia mai nei.

            Ua olelo iho la ka "Liona o Kona," o ke kuikahi panailike, o ke alahele ia o ka hoohui aina," a o ia no ka hooko ana i kela olelo i kahiko loa, i hoolloia ai ka aina no ke kai; ame keia mau kamailio ana, huli hoi aku la na kamahele no ka home, no ka hooluolu ana, a hoomakaukau no hoi no na han ao ia po.

NA HUNAHUNA MEAHOU O KA OIHANA HOOMALU

            O I. Masoka, i hopuia ai e ka makai no ke kalaiw i ke kaa oto me ka laikini ole, a no kona hiki ole ana ae imua o ka aha ma ka manawa o ke kaheaia ana mai o kona hihia ua lilo mauwale na dala bela he $25 ana i ke aupuni ma ke kakahiaka Poalua nei.

            O E. Fenton i hopuia ai ma ke Sabati aku nei no ka loaa ana aku o kekahi omole okolehao malalo o kona malu, a no kona hiki ole ana ae imua o ka aha hoomalu ma ka manawa o kona hiha i kaheia mai ai ua lilo kana mau dala bela he 25 i ke aupuni

            Ua laki o J. M. Soares no kona hoopa paahao o dala ole ia ana mai mamuli o kona ae okoa ana ae i ka pili o ka hewa hoeha iaia, no kona hoea ana ia Mrs. Gloria Kipi. Ua hoomaluia mai nae oia he 13 mahina, a in a no kona hana hou aku ia hewa o ka halepaahao wale no kona wahi e noho ai.

            No ka waawaa o ke poo o Joaquin Nicholas i laweia ae ai oia i ka halema'i o na poino ulia no ka lapaauia ana a mahope i hoihoiia ae ai i ka Halema'i o na poino ulia no ka lapaauia ana a mahope i hoihoiia ae ai i ka Halema'i Maiwahine. He limahana keia nō ka Hui Mahi Halakahiki a Libby & McNeiil ma Kailua, a mamuli o kekahi hana hemahema ma kona aoao ua ku oia i ke peku a ka hoki ma kona poo a o ke kumu hoi o kona eha ana lawelaweia o na hana o ke kulanakauhale maluna o ke alahele pili oihana aohe e hoomaunauna wale ia na dala a ka poe uku auhau; e hoao ana oia e loaa ke ana haahaa o na auhau; e kokua no oia i na hana hou apau e hoopomaikaiia ai ka lehulehu, a ma ke ano nui ke olelo ae, e lawelawe no oia i na hana apau o ka papa, elike me ia i manaoia mai ai o na mana koho baloka, e hana aku no ko lakou pono.

            He hoa o Sylvester P. Correa noloko o ka hale o na lunamakaainana i ka 1907, 1909, 1911, mai ka apana elima mai, a he hoa hoi no ka aha senate i ka makahiki 1917 ame ka 1919. Mamua aku o kona kohoia ana he hoa no ka aha senate, oia kekahi o na lala o ka papa kimisina makai, ua waiho aku nae ia hana, no kona lilo ana i senatoa.

            He peresidena oia, a he hoa no ka papa hooko, o ka Hui Pioneer, kekahi o na hui nui e ku nei ma keia kulanakauhale; a no na makahiki he 28, i noho hana ai oia me ka hui pa'i nupepa ka Advertiser Publishing Company.

            Ua hanauia o Sylvester P. Correa ma Honolulu nei i sept. 12, 1876. He lala oia no ka Hui Kamehameha, ka hui o na Mamakakaua, ka hui Camoes, ka Hui Lunalilo, ka Hui St. Antonio ame ka Hui Phoenix.

            No ka lele naaupo ana o Eddie Camara, he keiki o 16 makahiki iloko o kahi papau o ke kai ma ka auwina la sabati nei, i moku ai kono ilipoo a no ia pilikia ili wale mai i moeuhane mua ole ia i laweia ae ai oia i ka halemai'i o na poino ulia no ka lapaau ana ia wahi ona i eha.

            O Emma Apana, o ke alanui Hokele, ka i hoao e hoopokole i kona mau la o ke ola ana ma o kona inu ana ae i ka laaumake ma ka auwina la Sabati nei eia nae, aole oia i make elike me kana i makemake ai. Ua laweia ae oia i ka halema'i o na poino ulia a mahope o ka l@aawiia ana o ka laau ua kauohoia aku oia e hoi i kona hale.

            Ia Joe Fragass e kau ana maluna o ka pale mua o ka huila o ke kaa otomobile ma ka po Sabati nei, a e mana ana i ka oni ana o ka enekini, ua haule aku la oia iluna o ke alanui i ka manawa o ka huli pokole ana ae o ke kaa, a moku kona ilipoo, a maloko o ka halema'i o na poino ulia i lapaauia ai oia. Ma ka hoike a ka makai o ka hoihoi ana ae ua kahiohio ka kela Pukiki opio ma kona manawa i haule ai.

            No ke kalaiwa o Helen Wright i ke kaa otomobile me ka laikini ole i paa ae ai oia i ka hopuia e ke Kapena Makai Poaha ma ka po Sabati i hala, a no ka holonui hoi o Paul Pease i kona kaa, me ka nana ole i ko hai pono maluna o ke alanui Moi mahope koke iho o ka hora 9 o ka po Sabati nei, i paa ae ai oia i ka hopuia e ka Makai Boyd a hookomoia ae he hoopii nona no ia hewa.

            No ke kalaiwa ana o F. Whitemore i ke kaa otomobile me ka holonui a me ka loaa ole iaia o ka likini i paa ae ai oia i ka hopuia e na makai mokokaikala Gonzalves ame Waiolama. He ohua ke kau ana iluna o ke kaa o Whitemore e kalaiwa ana; i ka manawa i ike mai ai o Teneton, oia ka ino o ka ohua i na maka ua kiola aku la oia i kekahi omole okolehao iloko o kekahi pa waiho wale. Ua paa oia i ka hopuia a hoopiiia ae no ke kue kanawai waiona.

KE MAKAALA LOA MAI NEI KA OHANA MAKAI

            Ma ke akahele loa ka oihana makai e hookukui mai ne i na pauku kaulahao o na oleloike no ka hoopuni ana i ka pe i komo pu iloko o ke karaima pepehikanaka kohu holoholona i make ai o Franciss Wright ma Kalihi ma ka po Sabati i hala iho la. Ke paaia mai nei e ka Makai Nui Rose kekahi apana paipu keleawe aneane elua kapuai ka loa a he ekolu hapaha inaiha ke anawaena, he paipi i loaa aku ma kahi kokoke i pepejiia ai o Wright. Ma ka manaoio o ke Makai Nui Rose, o keia paipu keleawe i loaa aku ai me ia paipu i hahauia ai ke poo o Wright e kekahi o na Pilipino mahope o ke alualu ia ana mai ke ki mau ia ma o Wright me ka pu panapana ahiki i kona hina ana ilalo a hahauia iho me keia paipu.

            I kulike me ia a ka Makai Nui Rose o ka hoike ana ae ma ka Poalua nei o kekahi o na Pilipino ewalu e paa mai la iloko o ka halepaahao ka i hoike ae ma kona manawa o ka ninaninauia ana iaia keia paipu kahi i paa ai iloko o ka manawa o ka hakaka ana, a na keia Pilipino i kuhikuhi i kahi o keia paipu ana o ke kiola ana i ka manawa ana o ka hoio ana mai kahi aku o ke karaima i hanaia ai.

            O na Pilipino ewalu i paa ae ai i ka hopuia a hopaaia aku maloko o ka halepaahao ua hookaawale loa ia lakou mai kahi aku o na paahao e ae, me ko lakou noke mau ia aku i ka nienieleia, a me he mea la mamuli o ia nieniele mau ia ana i hoike okoa mai ai kekahi oia poe i kahi o keia paipu e loaa ai. Ua loaa ka manaoia i ka Makai Nui Rose, mamua o ka pau ana o keia pule e lawa loa ana na oleloike oiaio e hiki ai ke ahewaia ka poe i hawahawa maoli na lima i ke koko o Wright a o ia poe oluna o ka amanalikanaka kahi kupono loa e uku ai no lakou pakahi.

E PANIKULA ANA NA WAHI KUAI WAIONA

            No ka lawe ana mai i na kumu hoohalike, e lawelaweia mai nei ma kekahi wahi ma Amerika, o ia ke panukuia, ua lawe ae ka Loio Amerika Carden, he mau hoopii papa imua o ka Lunakawai De Bolt, ma ka Poaono aku la i hala, a ua hoopuka mai ka aha i ke kauoha, no ka hooloheia o na hoopii eono i hookomoia aku e ka Loio Amerika Carden, e kue ana i kekahi poe ona waiwai, he eono ka nui, ma ka la 3 ae nei o ka mahina o Sepatemaba.

            Mawaho ae o kela mau hoopii eono i hookomoia ae iloko o ka aha, ua maukaukau ka Loio Amerika Carden, me kekahi mau hoopii e ae, i hiki aku ka nui i ka elua haneri, e kue ana i na on a, no lakou na waiwai ame na hale, i loaa aku ai e kuaiia ana ka okolehao maloko olaila.

            O na hale i komoia ai e na luna oihana federala, a hopuhopu i ka okolehao , a i ala mai ai hoi na hoopii kue i ua ona no lakou ia mau wahi, o ia kekahi halekuai ma ka aoao ewa o ke alanui Kekaulike, mawaena o na alanui Moi me Hokele, he halekua ma ke alanui Aala, he hale ma ke alanui Frances, ma ke alanui Mille, ma ke alanui Moiwahine.

ALOHA WALE!

            E Mr. Lunahoopono, Aloha kaua:------ Ua ike iho au ma kekahi o na kolamu o kau nupepa kaulana, e olelo ana me ka moakaka lea o Mrs. Kilipohe Smith, ua hala i ke ala hoi ole mai. O kela kekahi hoahanau kupaa ma ka pono ahiki i ka waiho ana o na iwi o Kamahele.

            Ua noho kahu au no ka Ekalesia o Ewa iloko o ewalu makahiki i hala, pela i maopopo ai ia'u keia makuahine haipule. O kuu aloha ame kuu u pu ana me ka ohana ame na kini haipule o Ewa.

            E Mr. Lunahooponopono, e oluolu hou man no oe ia'u, he lono lauhea ka i hiki mai i o'u nei, o ia mau keiki aloha a'u o ua one kuilima laula nei o Ewa, oia o Mrs. Ema Mossman ame J. K. Keonaona Jr., ua ukali pu aku la no ma ke alahele a kilipohe i hele mua aku la. Aloha wale lakou ekolu. Aloha wae na hoa o ka la welawela o Makana ke noho a.

            O keia mau ion hope elua noloko laua o ka ohana Mahi. Ia'u i hiki malihini ai i Ewa, ma ke ano he Kahu Ekalesia no Ewa, ma ke ano je Kahu Ekalesia no Ewa, ko'u ike ana i na lehulehu apau o ia kaha. O keia J. K. Keonaona opio, ola ke alakai himeni ia wa, he u'i opio ma ka leo kani kiekie, he nani no ke hoolohe aku. Ua lohe mai au ua hala oia.

            Ke hoomanao nei au no ka hana a kona Haku aloha ana i aloha ai;

            Hana mau kakou apau,

            Ma keia hana maikai,

            Oia no ka mea nana,

            E hoolauna mau ia kakou. Ua pau ka launa pu ana ma ka luakini Kahikuonalani. Aloha no na kini haipule o ke one kuilima laula o Ewa e. Ua hoi aku lakou me ko lakou Haku aloha e launa mau ai no ka manawa pau ole. Ke hooki nei ai i keia me na kuluwaimaka aloha no lakou apau.

WILLIAM KAMAU Kalahikiola, Kohana, Aug. 17, 1923

NA MARE

Robert Akiona ia Emma Moloka, Aug, 2

John Adams Cummins ia Anita K. Meyer, Aug, 4

Dean W. Munion ia Emily Kaleikinim Aug. 6.

Kealoha Kinney ia Harriet Ana, Aug. 7

Andrew M. Richmond ia Dolly A Lee, Aug. 9

NA HANAU

Na F.K. Lee ame Caroline K. Kealaka, he kaikamahine, Iulai 25

Na Wm. H. Carlisle ame Annie Green, he keikikane, Aug. 8

Na Henry Aki ame Elizabet kanehaialaka, he keikikane, Aug. 11

Na John Ahuna ame Julia Hiapo, he kaikamahine, Iulai 12

Na Edward Kalei ame Imela Welakaili, he kaikamahine, Aug. 12

Na Francis K. Beamer ame Loise F. Walker, he kaikamahine, Aug. 12

Na Henry Williams ame Abigail Kule, he kaikamahine, Aug. 12

Na Nelson Robinson ame Katherine Caroline, he keikikane, Aug. 15.

Na W. K. Cleveland ame Violet Leong, he kaikamahine, Aug, 17

Na Jacob Akana ame Norma Alama, he keikikane, Aug, 17.

NA MAKE

Louisa Kahoano, ma ka home Leahi, Aug. 11

Kanokula, ma ka Halema'i Moiwahine, Aug. 12

Kaninau Kekahu ma ka Halema'i o na Kamalii, Aug. 13

J.W. Holokahiki ma ka Halema'i Moiwahine, Aug 14

Jas. Keawe, ma ka Home Lunalilo Aug. 14

John Hilo ma ka Halemai'i kepani Aug 14

Monica Aki, ma ka Halema'i Moiwahine, Aug 17

Kaluahine Kaua, ma ke alanui 9, Kaimuki Aug. 17

Albert Keaunui, ma kalihi-kai, Aug. 17

John Kaheakua, ma ka Halema'i o na Kamalii, Aug. 18

Jacob Akana Jr., ma ke alanui Akina Aug 19

J. Kanakanui ma ka Halemai Moiwahine, Aug 19.

Elizabeth Kukila ma ka Halemai o na kamalii, Aug 21

            No kekahi mau hora o ka wanaao Sabati ne, he hahai loloa ana o na Maka Mokokaiala Carreira ame Boyd mahope o kekahi kanaka aihue kaa otomobile, aohe nae he wahi mea a pili mai mahope o ka mea aihua, a oiai ke kaa e kalaiwaia ana me ka mama loa ma ke alanu Lunalilo ua haule iho la ke kaa iloko o kekahi  auwaha a pakele ka mea kolohe.