Ka Nupepa Kuokoa, Volume LXII, Number 33, 16 ʻAukake 1923 — Huliamahi Ko Honolulu Nei Poe Ma Ke Anaina Hoomanao Ikeia na Hoailona o ke Kaumaha Kui'o ma ka Huakai Hoolewa no ka Hoomanao Ana i ka Peresidena Harding ma ka Poalima Nei [ARTICLE]

Huliamahi Ko Honolulu Nei Poe Ma Ke Anaina Hoomanao

Ikeia na Hoailona o ke Kaumaha Kui'o ma ka Huakai Hoolewa no ka Hoomanao Ana i ka Peresidena Harding ma ka Poalima Nei

No ka manawa mua loa, ma ka moolelo o Hawaii nei, i huliamahi ae ai na kanaka o na lahui like ole, na pualikoa kaua aina me kaua moana, na luna aupuni ame na makaainana, no ke komo pu ana iloko o ke anaina hoolewa o ka Peresidena Harding, nia ke kakahiaka o ka Poalima aku la i hala, a aia hoi maluna o na kaukani o na kaukani o ka poe i hoea ae ma ke anaina hoomanao maloko o ka pa'lii, na hiona o ke kaumaha no ka pauaho ana mai o ke alakai o ke aupuni o Amerika Huipuia i keia ola ana.

Me na mokulele e hookikakaha I ana iluna o ka lewa, me na kaukani hoi o na kanaka e ka'i ana iloko o ka liuakai, a ma kela ame keia aoao o ke alanui, i hoike ma iai keia kulanakauhale, me he mea la, o ke kino wailua pu kekahi o ka Pperesidena Harding maanei, i kau a mea o ke anoano, ka ilihia onie ke kaumaha maoli no o na hiona i hekau iho inaluna o ka lehulehu. Maloko o ka paHii ma kekahi wahi e hoea aku ai i na anuu o ke alapii, ua kukuluia kekahi ])iramida i uhiia me ka lole eleele, nialaila i hoahuia aleu ai na pua, ame na lei i hele a ku ka paila, he mau mea hoohiwahiwa i haawiia mai e na makaainaiia, na ahahui ame na luna oihana kiekie o na aupuni Jike ole, e noho nei maanel. Ee Kaihuakai Mamua ae o ke kani an,a o ka hora umi o kela kakahiaka, ua hele oluna o ka awai i kukuluia ma na anuu o ke alapii, a piha i na malihini ko'iko'i i konoia e ke kiaaina, e laa na luna oihana o ke aupuni, mai ko ke Teritore, ko ke kulanakauhale ,ame ke nupuni federala, na aliikoa o ka oihana knua aina me kaua moana, na kanikela o na aupuni like bīe| iloko o ko lakou mau aahu piha o. ka lakou oihana pakahi. Oiai o hookokoke ae ana ka manawa i ka hora umi, ia wa i hoea mai ;ii ke kaa o Kiaaina Farrington, me ka lele ana mai o Mrs. Farrington, a lawe mai la e waiho i kana lei makana, iluna o ka piramida. I ke kani ana ae o ka hora umi, ia wa i hoea mai ai ra mokulele, me ka hookahakaha ana maluna ae o ka pa'lii, a iloko no hoi o ia manawa hookahi i hoomaka mai ai ke ka'i ana o ka huakai, mailalo mai o Aala Paka, me kani ana o ka pu, mailunn mai o Puowaina. Ku Maoll i ke Kaumaha Ua hele na aoao o ke alanui Moi mailalo mai o Aala Paka ahiki i ka pa'lii, a piha i na kanaka, pela no hoi maloko ponoi iho o ka pa'lii, ke hekau la na hiona ilihia o ke kaumaha maluna o na mea apau, oiai hoi ka bana e hookani ana i na mele kanikau ku i ka hoanoano, na ia mea i heoi loa mai i ke kulana kaumaha o na mea apau, i kupono maoli no i ke ano o kela huakai nui. Ma ke poo o ka huakai na makai i ukaliia aku e ka Bana Hawaii, a i ka hoea ana o ka makamua 0 ka huakai i ka puk'&-pa, ia wa i ku ai na mea apau iluna, he hoailona no ke komo ana o ka lehulehu iloko o ke kanikau; a oiai ua hoea ae la i ka hapalua o ka hora umi i kela manawa, ia wa i kiolaia iho ai he welu eleele mailuna mai o kekahi mokulele, he hoailona no ke ku nialie ina o na mea apau, a kulou ko lakou mau poo ilalo, no na. minuke e;ua, no ka hoomanao ana no ka me? i hala. I ka pau ana o kela mau minuke elua i 'uoomau mai ai ke ka'i ana o ka huakai noloko o ka pa'lii, a no hookahi hora okoa i ka'i ai ka huakai ahiki i ke komo ana o ka maka hope loa o kela huakai nui. Komo na Koa Pelekane O keia kekahi huakai nui i komo like msi ai na mahele like ole o na keena aupuni, pela hoi na mahele like o'€ o ka oihana kaua aina ame kaua moana, na pualikoa kiai lahui, a pela hoi me na koa luina o ka mokukaua Pelekane Curlew am.e na koa marina, Ua komo pu na luna oihana federala ame na limahana federalia ilo ; ko o ka huakai, na limahana ame na luna oihana o ke kalana, na ahahui like ole no hoi. O kekahi mea ano nui i hoomaopopoia ma keia kaihuakai, o kela puali o na koa luina Pelekane, ame na koa marina, i komo pu ai iloko ,o ke kaihuakai, i ka manawa o ka Peresidena Harding i hoea ai no Portland. Oregon, ma kana hu«ikai makaikai i Alaska, o lakou no keia 1 komo mai ai, ma keia kaihuakai hoolewa. nolaila he haawina ilihia maoli ka i kau aku maluna o kela

mau kanaka o ke aupuni o Pelekane. Ke Analna Halpule I ka akoakoa ana o na mahele like ole o ka huakai maloko o ka pa'lii, i hoomakaia ai na hana haipule hoomanao, ma ka heluheluia ana mai o kekahi mau pauku mailoko mai o ka Baibala e ka Bev. M. 0. Beobe 0 ka oihana koa, a mahope o ka heluhelu Baibala ana, i kalokalo ae ai ka Bihopa John D. LaMothe i kekahi mau leo pule i ke Akua. Mahope o ka pau ana o ka pule i meleia ae ai ka himeni "Lead KindIy Light," ke mele punahele loa i ka Peresidena Harding; alaila kaa aku la i ka Kev. Albert W. Paliner ka haiolelo, e pili ana i ke kulana ame na hana a ka Peresidena Harding. Wahi ana, o kekahi o na ano kila kila loa o ka Peresidena Harding o ia no kona hoohoaloha, aole ona nana ae i kona kohoia ana lie peresidena, a lilo ia i kumu nona e kikoo ole ku ai i kona mau hoa paonioni, aka ua kikoo aku oia ia lakou, a hoonoho ae ma na poo o na keena oihana o ke aupuni, a ua lawe mai ia lakou i mau hoa kukakuka nona, ma na hana e holomua ai ke aupuni. Mawaho ae o kona ano hoohoaloha aia pu iloko ona ke koa ame ka maka'u ole, no ka mea wahi hou ana, aole i hopo iho ka Peresidena Harding, i ka hoike okoa ana aku i kona mauao, ma kekahi haiolelo ana i haawi ai ma Denvcr, Colorado, c ahewa ana i ka poe waiwai, no ko lakou lilo i poe ku-e i ke kanawai, ma ko lakou hoo'.ako ana ia lakou iho mo ka waiona, ma ka hana ana pela, ua kapa aku oia i kela poe waiwai; o lakou na enemi o na miliona.o ha miliona makaainana, a he Wau enemi ino 3oa laS<tu«o ka aina, a lie poe lioi e inii ana e hoohiolo 1 ke ola o ka lahui. Aole malaila wale iho la no pau kona mau ano kilakila, aka iaia i kohoia ai i peresidena, a kakauinoa aku i ke kanawai hookapu waiona, ua haalele loa aku oiai i ka hoopa ana i ka waiona ,aole loa he waiona ikeia ma na paina i haawiia maloko o ka Hale Keokeo, a oki loa aku.hoi kona hoopa hou ana ia mea, oiai no nae he inu liilii no oia i ka v aiona mamua aku. Maluna ae nae o kona mau ano kilakila apau, wahi hou a ka Eev. Palmer, he Kristiano oiaio ka Peresidona Harding, o keia kekahi mea nana i kokua nui niai, i kona hooko ana i kana mau hana apau me ka pololei e ola ana me na ano oiaio 0 ke kanaka no kana wahine, kona okalesia ame kona Akua. . Mahope o ka haiolelo pokole a ka Tiev. Palmer i mele ai na mea apau 1 ke mele lahui, alaila hookuu kela anaina hoolewa hoomanao, me ka pule mai ka Rev. Akaiko Akana mai.