Ka Nupepa Kuokoa, Volume LXII, Number 32, 9 August 1923 — Nuhou Kuwaho [ARTICLE]

Nuhou Kuwaho

NI? lOKA, Augate 2.—0 ka Peresidena Harding ka eono o na peresidena o ka lahui i make oiai e paa ana i kela kulana oihana, a o ka ekolu hoi o na mai Ohio # mai, i make pela. O William Henry HarrĪßon ka mea mua loa i make oiai oia e noho peresidena

MARION, Ohio, Augate 2.—TJa aneane loa e maule o Kauka George Harding, ka luaui makuakane hapauda o ka pereßidena, i ka wa i loaa aku ai ka nuhou kaumaha no ka inake ana o kana keiki. Ua hoi aku oia e hiamoe, ma ka man«iva i hoea aku ai kekahi elele no ka .Wke ana aku i ka nuhou hoolelehauli.

NU lOKA, Augate 3.—0 Benjainin F. Felt o Bosetona, he hoaloha pilipaa 110 ka Peresidena Coolidge ka i nianaoia e hookoliuia mai ana i kakauolelo na ka perosidena i kulike ai me ka lono i hoounaia mai i kc Tribune i koia po.

LANADA, Augate 3. —Ua hoouna aku nei ka Moi Keoki, ka Ela o Curzon ame ke Kuhina Stknley Baldwin ho mau lioiko no ko lakou mau manao kaui\iaha ia Mts. Harding.

WAKINEKONA, Augate 5.— Apuni ka aina mai ka Moana Akelanika ahiki i ka Pakipika, ua hoakoakoa ae na kanaka ia lakou iho maloko o na luakini no ka pule ana e loaa ka ikaika i ka Peresidena Coolidge, a e hooluoluia mai hoi na manao kaumaha o Mrs. Harding. PAGO PAGO, Augate 5.—0 ka paa ana o ke kanaka hope loa, o na kanaka aikanaka elia i ka hopuia, ka poe i mahuka ai Inai ka Mokupuni aku o Upolu i ka 1890, a pae ma ka Mokupuni o Tutuila, o ka nohoalii ana ia, o ka maha iloko o na kamaaina i kau mau ka u*eli iloko o na inakahiki ho kana-kolu-kuinamalua ae nei i hala, no keia poe kanaka aikana. Na kekahi paahao i holo mahuka, i hopu a paa i keia kanaka ahiu.

BOKEKONA, Augate, 6.—Ma kahi o ka 2500 a oi aku mau keiki kuai nupepa e kau ana i na. kanikau maanei, me na huaolelo e olelo ana: "No ka Hoomanao Ana ika Peresidena Harding."

TOKIO, lapana, Augate 6.—Ma kalii o ka' 900 mau aliikoa o na kulana like ole, i hoikeia ae i keia la, no ke kaawale ana mai ka oihana aku, i kulike ai me ka hooponopono hou i lawelaweia iloko o ka oihana koa-

WAKINEKONA, Augate 7.-Ma ka hora 10:22 o keia po, i hoea mai ai ke kaaahi hoolewa e halihali ana i ke kino wailua o ka Peresidena Harding i make, a oiai he eiwa hora ka loihi o kona hoea ana mai, ua liiki aku ma kahi o na kaukani poe i hele a liookeke ma ka hale hoolulu union i ka wa i komo mai ai ke kaaahi.

NU lOKA, Augate B—Ua haawi ae nei ke Kenorala McCray i ke kauoha i hookahi aliikoa ame iwa-kalua-kumamalima mau kanaka malalo ona, no ke kiai ana i ka luapao e waihoia ai o ke kino o ka Peresidena Harding, ahiki i ka paa ana o ka halelua i manaoia nona.