Ka Nupepa Kuokoa, Volume LXII, Number 32, 9 ʻAukake 1923 — KAPAEIA KA OLELO HOOHOLO OKI MARE. [ARTICLE]

KAPAEIA KA OLELO HOOHOLO OKI MARE.

Mahope o ka ninaninau hou o ka Lunakanawai Desha, i ka hihia oki mare ana o ka hooholo mua ana, e hookaawale ana i ka wahine mai kana kane mai, i kapae ae ai oia i ka olelo hooholo, ma ka hihia oki mare, o Mjaria Constantina Freitas ame John Freitas. Ma ka manawa i hoopuka ai ka Lunakanawai Desha, i kana olelo hooholo, e apono ana, no ka hookaawaleia o ka wahine mai kana kane aku, nia ke kauawai ua manaoio oia, ma ka manawn o hooloheia ana kela hihia, - pepehi, ke kumu i makemaleo ~x o ka wahine e hookaawnle iaia mai kana kane mai, aka nae, ina ka elua o ka manawa o ka ninaninauia ana o ka wahine, akahi no a maopopo iaia, he kuniu okoa ko ka wahine i hoopii ai i kana kane, i hiki ai i ke kane ke mare aku me kana kaikamahine o umi-kumamaha makahiki, pela iho la i kapaeia ae ai kela olelo No na mea e pili ana i na kumu hoolialahala e ku-e ana i ka Lunakanawai Soares, ka loio o Mrs. Freitas, ma ka hihia oki mare, ua hoole loa ae ka Lunakanawai Desha, no >kona kuleana ia ninau, me he mea la nae, o ka aha kiekie, ke kuleana e pili ana i na hoohalahala nona, oiai ua hoounaia na oleloike apau o kela hihia, i ka aha kiekle. Ua hopuia o John Freitas, malalo o ke kumu hoopii, o ia no kona launa hewa, me ke kaikamahine umi-kumamaha makahiki, a kana wahine mare; a no kela kaikamahine ua hoihoiia oia no ke kula hoopololei o na kaikamahine mawaho ae nei o Kamoiliili.