Ka Nupepa Kuokoa, Volume LXII, Number 31, 2 August 1923 — Page 8

 

BOARDING/CHARMAIN WONG

Ka Nupepa Kuokoa

KE KILOHANA POOKELA NO KA LAHUI HAWAII.

AOAO NO NA MANAO PEPA

SOLOMON HANOHANO, LUNAHOOPONOPONO

 

HOOLELA KA PONO MAKAAINANA O NA KEPANI.

            I kulike ai me ka olelo hooholo i hoopukaia ae e ka aha kiekie o Kapalakiko ma ka hihia o kekahi Kapani o Ichizo Sato ka inoa, i loaa mua iaia ka pono makaainana malalo o ka hookupa ana, i kana olelo hooholo.  E hoole ana i ka loaa ana o ka pono makaainana i na Kepani. 

            Mamuli o kela olelo hooholo, e hooneleia kekahi heluna nui o na Kepani maanei nei.  I loaa ia lakou ka pono makaainana mamua aku nei, ma o ka hookupa ana, malalo o ke kanawai, e haawi ana ia pono, i na lahuie, i komo iloko o ka oitana koa ame ka oihana kaua. 

            Ua ala mai ka hoopii koi a kela Kepani maloko o ka aha kiekie ok Kapalakiko.  I kona kuleana makaainana Amerika, mamuli o ka hooleia ana mai.  O kana noi, e hoopaa i kona inoa no ke koho baloka ana, e ke kakauolelo o ka aha o Kapalakiko. 

            Ua komo o Sato iloko o ka oihana koa o Amerika.  I ka makahiki 1918, a pau kona noho ana iloko o kela oihana i ka 1919, ma Honolulu nei.  A i kulike ai me ke kanawai hoopuka makaainana, o ka 1919.  Ua loaa iho la i kela Kepani ame na Kepani e ae, i komo iloko o ka oihana kaua ame ka oihana koa, ia pono hookahi, a ma kahi o ka ekolu haneri ka nui o na Kepani, i haawi ia ka pono makaainana ia lakou ma Hawaii nei, e ka Lunakanawai Federala Vanghan i make. 

            He hookahi wale no aha hookelekele i koe, in a no ka manao o Sato, e hohalahala i kela olelo hooholo, e ia ka aha kiekie o Amerika, oiai nae.  Ua kulike na olelo hooholo, o kekahi mau mokuaina ma Amerika.  I haawi ae ai ma@n ahiahi o keia ano, no ka pono makaainana o na Kepani.

            Ma ke ano o kela mau olelo hooholo apau, e hoole loa ana ia.  I ka loaa ana o ka pono hookupa i na Kepani, a lilo i mau makaainana Amerika, e ka manao o ke kanawai hookupa o ka 1919, ua pili ia i na lahui e ae, mawaho o na kumukanawai o Amerika, o ka manao o ke kanawai hookupa o ka 1919, ua pili ia i na lahui e ae, mawaho o na Kepani, a ke ku mau la ke kumukanawai o Amerika Kaipuia ma ke ano aole ma Kepani he lahui ili keokeo, e hiki ai e loaa ka pono hookupa makaainana ia lakou.

 

HAPAIIA KA NINAU PILI LAHUI E IA KANAKA PELEKANE

 

He haole Pelekane nona ka inoa o George Browing, he kanaka bo-u aila no ka enekini o ka mokuahi City of Los Angeles, a he makaainana Pelekane hoi ka i hoea ae i ke keena o ka Advertiser makai o ʻSabatiʻ nei a hoike ae la i kona kuhalahala loa i na hana lokoino a ke oihana makai o Honolulu nei iala ma ka manawa on a e paa ana maloko o ka halepaahao kalaua, a o keia malalo nei kana mau hoakaka.  Wahi ana, ma ka Poaha o ka pule i laila ua hele aku la oia a ka Uwapo 26 no ka ninau ana in a he hana kekahi e loaa ana iaia maluna o ka makuahi Albion Star.  Ua kipakuia mai ka oia e ke kanaka kiai e ku ana ma kahi o ke alapii e hookaawale ma kahi e.  He mau olelo hahana ka i panaiia mawaena o laua ia manawa a iaia e haalele aku ana i ke alapii o ka moku o kona paa iho la no ia i ka hopuia e kekahi makai. 

            Ua laweia mai oia ahiki i ka halewai a hoopaaia aku maloko o kekeahi rumi paahao.  Ma ke ahiahi Toa ana iho o ia la ua nokeia oia i ka ninau e na makaikiu no kona hoike ana aku in a paha he kanaka holo mahuka oia mai ka oihana koa Amerika mai. 

            Ua hoike mai ka oia i na makaikiu he makaainana Pelekane oia a @na e aeia ana oia e kau aku maluna o ka mokuahi Los Angeles e loaa aku ana na pepa e hooiaio ana i ka oiaio o kana mau hoakaka ma loko o kona mau lole maloko o kona paiki.  Aohe manaoio o na makaikiu i keia mau hoakaka ana, elike me kana o ka hoike ana ae i ka Advertiser.  Ma kahi o kona aeia aku ua hoopaa hou ia aku la oia i lohe hou no kona hihia ahiki i ka Poalima mai.  Ua noi ae ka oia i kawele no ka holoi ana i kona mau maka, o ka pane i loaa aku iaia aohe haawiia o ke kawele i na lawehala e ninauia aku ana. 

            Ma ka po Poalima mai i ninau hou ia ai oia o na makai me ke koikoi pu aku e hoike mai in a he koa holo mahuka oia mai ka oihana koa mai, a i kona manawa i hoole ai ua hoopaa hou ia iku la oia iloko o ka rumi paahoa.  Ma ka po o ka Poaono mai i hookuuia ae ai oia.  Ia manawa hookahi i haalele mai ai ka mokuahi City of Los Angeles me kona mau lole, kona uku o ka hana ana apau, a noho iho la oia ma Honolulu nei me ka nele i ka hana. 

 

Ma ka la 13 o ka mahina o Okatoba ae ne, e malamaia ai ke koho ba oka wae moho apuni na kalana lehulehu, a ma ka Poalua elua o ka mahina o Nevemba, e malamaia ai ke koho baloka lauala. 

           

KA HUAKAI KULUKULU AHAHUI KAAHUMANU I WAILUKU, AME LAHAINA MAUI.

Ua haalele iho makou i ke awa o Kou, i ka hora 8 p.m. o ke ahiahi Poaha, Iulai 5, 1923, ma ka mokuahi Mauna Kea.

            Malie ka moana a ku wale i Kahului, i ke kakahiaka Poalima, me ka maikai o na mea apau. 

            Ia ku ana o ka moku, ua kau aku la na ohua apau ma ke kao (barge) ia pili ana i ka uwapo e ku mai ana na lunanui o ka ahahui pokii o Wailuku, Mrs. Sarah Buck, Mrs. Aoe Holstein, Mrs. Keoho Ross, Miss Hattie Maule, Miss Rebecca Akana, Mrs. Carl Rose. 

            Kau aku la ma na kaa otomobile i hoomakaukauia e na kamaaina lokomaikai o ka malu he kuawa, hiki aku la ma ka home o Mr. ame Mrs. Carl Rose, ka home i hoomakaukauia ai no keia mau malihini, me na olelo aloha i waihoia mai e na kamaaina nona ka hale eia ka home no oukou, e noho me he la no oukou no keia home, ua haawi hemolelo ia mai e na kamaaina mai ke poo a ka hiʻu. 

            Poaono, Iulai 7, 1923, hora 1 p.m., hoomaka na hana kukulu i keia ahahui pokii; i ko makou hiki ana i ka halepule o Kaahumanu, e akoakoa mai ana na lunanui ame na lala o keia ahahui.  Ua alakaiia aku la makou a na noho omua. 

            Ua weheia na hana me ka pule a Mrs. Kaumeheiwa, mahope o ka pau ana o na hana kukulu a hoolaa i ka ahahui, ua komo mai na lala komo hou i keia la, he hookahi haneri (100) a oi mau lala o keia ahahui pokii i keia la, ku ke anaina a himeni i ka lei o Kaahumanu, hoomakaia ka hoolei ana i na lala apau i na lei ilima pepa i hoolako ia no keia la, o Mr. H.L. Holstein kekahi kokua nui o keia ahahui. 

            Ua noi mai ka Peresidena Mrs. Sarah Buck i ka Peresidena nui Miss Lucy K. Peabody e haawi ae i kekahi mau olelo paipai i keia mau hoahanau hou, a peia pu ia Mrs. Alai Akana, peresidena nui o Hilo, a me Mrs. Mileka Kahele, peresidena hoohanohano o Kauai, o ka hope o Mrs. Lahilahi Webb. 

            Ua lawelaweia na hana me ka hauoli ame ka maikai.  O ka palena ame ka maikai.  O ka palena o na hana, ua meleia o Hawaii Ponoi, ame ka pule hookuu a Mrs. Inaina. 

            Ua kaheaia mai la e naue i ka papaaina nui o ekolu pakaukau loloa i piha pono i na mea ono like ole i hoomakaukauia e Mrs. Aoe, Holstein, puuku o keia ahahui pokii, a komite o na hana o keia papaaina, me kona mau hoa hana nui hewahewa ua lokomaikai a keia mau hoahanau ia makou. 

            I ka Lapule ae, hele makou apau i ka pule ma Kaahumanu Halepule.  Pau ka pule ua hele aku la makou ma Pihanakalani ma ke kono a Mr. ame Mrs. Henry Long, ia hiki ana aku ua makaukau ka papaaina i luluu i na meaai like ole, ua ai a lawa i ka lokomaikai o keia mau kamaaina, ia ahiahi hiki ma Kahului ma ka home o Mr. ame Mrs. Kauwenaole, nanea malaila me keia mau kamaaina o ke kaiholu o Kahului. 

            Poakahi, la 9, ma ke kono a Mrs. DR. Osn@ers o Wailuku me ia ko makou aina awakea ia la.  Ike aku la i ka home nani o keia kaikamahine Hawaii, o Miss Emma Napoliona oia mamua o kona mare ana. 

            Pau k aluana ana fma kona home, kani ana ke kelepona ua hoea mai la pa komite me na kaa otomobile mai Lahaina mai, hiki makou i kauhale e noho mai ana o Mrs. Maria Pali Mrs. Kaula Richardson ame Mrs. Kaehukai Kaae, me na makaukau apau no ko makou holo ana no Lahaina. 

            Haalele makou ia aWiluku hora 2 p.m., hiki ma ka home nani a ouluolu o Mr. ame Mrs. Phillip Pali, ame ka laua mau kaikamahine oluolu, nana makou i hookipa aku me ke ohohia, ua makaukau na rumi o kela me keia, a noho akoakoa no makou apau ma ia home.

            Poalua Iulai 10, 1 p.m., ua holo aku la makou apau no ka halepule o Wainee, no ka hana kukulu i ka Ahahui Kaahumanu i Lahaina, malalo o ka leo kahea o ko Lahaina mau kini.

            Hora 1:30 p.m., hoomaka na hana kukulu ahahui.  He pule na Rev. Davis, a he mele himeni., kahuhipa maikai e, ua hoomaka na hana kukulu a hoolaa i ka ahahui e na luna nui o ka ahahui makua o Honolulu ma ke kahea inoa o na luna nui ame na lala 89 ka nui i akoakoa ae i keia la. 

            Ua hoomaka ka hoolei ana i na lei ilima i na lala apau iluna a himeni i ka lei o Kaahumanu.  Ua ku ka Peresidena Nui Miss Lucy K. Peabody a haawi he mau olelo pokole, a peia pu me Mrs. Mileka Kahele, peresidena hoohanohano o Kauai.  Mrs. Alai Akana, peresidena nui o Hilo, ame Lahilahi Webb, kakauolelo nui o ka ahahui makua ame Mr. Phillip Pali; nui ka mahalo ame ke ohohia i ka ike ana aku i keia mau hoahanau pokii, i komo pu mai la iloko o ke apo, "Lokahiʻ, me ka nohona "Kuikahi," o kekahi me kekahi, i papahiia e ke aloha, ka mea i oi ae mamua o na mea apau. 

            Eia o Kaahumanu ahahui he puuhonua, no ka la o ke ola ame ka pilikia.  Ua hookuuia na hana o keia la me ka mele ana, Hawaii Ponoi, ame ka pule na Rev. Davis.  Ua naue aku la na malihini, na hoahanau pokii hou, ame na luna nui o ko Wailuku ahahui, Mrs. Buck, peresidena; Mrs. C. Rose, hope peres.  Mrs. Keoho Ross, kakauolelo, ua kono pu ia na kane o ka ahahui Kahekili i hele ae e iki i na hana o keia la, e ai pu me na kaikuahine Kaahumanu.

            Poakolu, ua laweia aku la na malihini e makaikai e Mrs. Ivy Buehanan ma kona kaa no Honolua; a hoi mai a ka home o Mr. ame Mrs. Albert Cockett, auau kai, a ai pu i ka lokomaikai o keia mau opio. 

            Poaha, auwina la, hoomakaukau no ka hoi no Wailuku, na na komite mua no i hoihoi a noho i Wailuku, a hoi mai lakou, nui ka lokomaikai palena ole o keia mau kamaaina o Lahaina o Mr. ame Mrs. Phillip Pali. 

            Poalima, ua kahea mai la keia puuwai aloha o Miss Rebecca Akana, ia Lahilahi Webb, e hele pu me ia i ke Kula Sanitarium e makaikai, nui ka hauoli i keia leo kono, oiai, o Miss Akana kekahi o na alakai, (directors) o keia haukapila, a i ko maua aina awakea ilaila me na nurses o ka haukapila, nui ka nani o keia wahi, ame ka malamaia ana o na maʻi. 

            Poaono ua konoia mai la e Mr. ame Mrs. George Cummings, e hele aku ko makou aina awakea i ko laua home ma Waikapu i hoomakaukauia e kekahi mau hoahanau o ko Wailuku ahahui.  Ua piha ka papaaina i na ono like ole a ka Hawaii; ua laweia mai ko ke kuahiwi ame ko ke kahawai mau ono a kokoke. 

            Ua nui pu na kokua ia mai e Mr. ame Mrs. Joseph Clark o Kihei me ka pahu huamoa ame na mea like ole; Mr. ame Mrs. Edmund Hart, me ka ice cream ame ka meaono; a nui wale aku na kokua a na makamaka like ole Mr. and Mrs. Chas. Wilcox, Miss Lucy Wilcox, Mrs. K. Ross ame Mrs. Buck, Mrs. Alai Silva. 

            Ahiahi Poaono, hooliuliu ka lawe i na paiki no ka Mauna Kea, o Kahului ka pahuhopu; ua hiki mai he leo kono na Mr. ame Mrs. Geo.  Kauwenaole o Kahului ilaila ko makou aina ahiahi, mamua o ke kau ana aku i ka moku, nui a lehulehu na hoaloha i hiki ae, nui a lehulehu na hoaloha i hiki ae, nui ka mahalo i keia makamaka lokomaikai.

            He ohana o Mr. Kauwenaole no Mrs. Kahele, hora 9:30 o ia po, kau aku la me na kaa otomobile no ka uwapo, e piha mai ana i na makamaka he nui a lehulehu, haawi ke aloha lululima, ua himeniia ka Lei o Kaahumanu, Hawaii Ponoi, ame na mele e ae ahiki wale i ka haalele ana o ka moku i ka uwapo. 

            Ke haawi ae nei makou i ko makou hoomaikai nui i na hoaloha ame na makamaka i haawi mai i na kokua no ko makou noho ana ame ka malama ana ma na ano apau.  O Maui no ka Oi!

            Na luna nui âme ua lala o ka ahahui ma keia huakai, Miss Lucy K. Peabody peresidena; Mrs. J. Alai Akana, peresidena o Hilo; Mrs. Mileka Kahele, peresidena o Kauai; Mrs. Lahilahi Webb, kakauolelo nui; Mrs. Helen Kamaiopili, hope peres., Mrs. Esther Kelle, puuku nui, Mrs. Caroline Wallace, Mrs. Paakonia Kahanamoku, Mrs. Kalanikiekie Henriques, Miss Miriam K. Kinney, Mrs. Holoaumoku Gittel, Mrs. Molly Cummings. 

            Kou Oiaio;

            LAHILAHI WEBB,

            Kakauolelo. 

 

NA MARE.

            Santiaga D. Alcazar ia Agnes Foster, Iulai 21.

            Manuel Raymond ia Josephine Souza. Iulai 25.

 

NA HANAU.

            Na Joseph Lima âme Rebecca Likua, he keikikane, Iulai 8. 

            Na Parker Cummings âme Mabel Gahan, he keikikane, Iulai 15. 

            Na Mr. ame Mrs. Alexander, he keikikane, Iulai 19.

            Na Adam Kaukau âme Emily Paiaina, he keikikane, Iulai 20.

            Na Louis Morton ame Elsie K. Akana, he kaikamahine, Iulai 22.

            Na Mr. ame Mrs. David Kaawa; he kaikamahine, Iulai 22.

            Na John M. Luka ame Elizabeth Kaulia, he kaikamahine, Iulai 22. 

            Na John M. Luka ame Elizabeth Kaulia, he kaikamahine, Iulai 22.

            Na Barney Joy âme Rillie Mersberg, he keikikane, Iulai 25.

            Na Henry Kanoa Jr. ame Emma T. Watson, he keikikane, Iulai 26.

            Na Kona Kau ame Lily Makalena, he kaikamahine, Iulai 28. 

           

Nuhou Kuloko

            Ma ke Sabati iho nei, i huli hoi mai ai o Mr. B.N. Kahalepuna, ka hope kakauolelo ekahi o ka aha kaapuni, mai Kauai mai, mahope o ka hoohala ana i kona mau pule hoomaha elua ma ka Mokupuni Kaili La.  

           

            I kulike ai me na lono kelekalapa i loaa mai ai keia kulanakauhale iloko iho nei o keia mau la, aia ka Peresidena Harding iloko o ke kulana maʻi kupilikii e waiho mai la, me ka hopohopo o kona mau kauka, no kona hopena.

 

            O ka hamumu o ke aheahe malie na mea e loheloheia nei iloko o keia mau la no na moho e alualu mai ana i na kulana kohoia, o ke Kulanakauhale a Kalana o Honolulu nei, he kakaikahi loa ka poe i ku okoa ae nei i waho a hoike no ko lakou kulana holo mohe. 

 

            I kulike ai me kekahi mau hoike i loaa mai i Honolulu nei, aia he manaolana nui, no ka hoea mai i ka wa e paa maoli ai ka mea, a i ole ka poe paha i komo iloko o ke karaima pepehikanaka, ka mea nana i hoopokole ae i ke ola ana o Mr. Conant o Molokai. 

 

            Ua waiho ae ne o Mr. Adams, i kona noho lunanui ana no ka mahiko o Kahuku, a ua lilo kona kaawale ana mai kela mahiko mai, i mea hookaumaha aku i ka manao o na limahana, ka poe i ike a i kamaaina i na ano maikai iloko o keia makamaka o na limahana. 

 

            Ma keia la i weheia ai ka aha euanelio o ka Mokupuni o Hawaii a Kailua, ua hala aku ka papa himeni o Kalihi-Moanalua.  no ke komo pu ana i loko o na hana hoomanao a kela aha, no ka piha ana he haneri makahiki o ke kipa mua ana ae o na misionari ma Kailua. 

           

            Mailoko mai o na makuheihei cono, o ka haalele ana i ke kiaha makana, ma ka huakai heihei no Honolulu nei, eha wale no mau moku i hiki ke hoomau mai i ke alahele no ka Paredaise o ka Pakipika, a he mau la ku wale no keia o kela mau moku no keia awa. 

 

            Ahiki mai i keia manawa, aia no ke waiho hakahaka mai la ke kulana lunahoomalu o ka papa lunakiai o ke Kalana o Hawaii, me he mea la, aole e hoopihaia ana kela kulana oihana, ahiki i ke koho maoli ia ana o kekahi mea ma ia wahi, e na mana koho o Hawaii ma keia kau koho baloka iho.

 

            Ma ka home o Mr. J.B. Kini Kapo, ka halawai a ke Kalapu Repubalika o ka mahele 11, apana 4, ma ka bapalua o ka hora ehiku o keia ahiahi, ma Waikiki aku o ka Atkinson Paka, uo ka waiho ana ae i na inoa o na lala o ke komite kalana, e hele ae na lala apau o ke kalapu ma ia halawai. 

 

            No ka loaa nui ole o kahi kaawale o ka nupepa, ua hiki ole ke hoopukaia aku na palapala a na makamaka, e waiho nei ma keia keena no kekahi mau pule ae nei i hala, me he mea la nae, ke ole e loaa na kuia, alaila he mau puka ana aku koe alaila pau loa na kanawai o ke kau ahaolelo aku la i hala, i ka hoopukaia maloko nei o ka nupepa. 

 

NA LEKA I KII OLE IA MAI AHIKI I IULAI 28, 1923.

Aiona, Miss HelenKalawe, David Akau, Mrs. Kawai Kalohelani, Miss maka Beckie Hipa, Mrs. Kane-Kaleihoʻa, Mrs. akama Mary H. Hulama, Mrs. Lono, Miss Maria Luisa, Manuia, Willies Kaahanui, Mrs. E. Makiui, Mrs. M.

            E ninau ma na leta i hoolahaia ke kii mai.

D.H. MacADAM,.

Lunaleta.

 

NA MAKE.

            Joseph Kanekoa, ma ka Halemaʻi Moiwahine, Iulai, 22.

            Joseph Keouli, ma ke alanui Kula Akau, Iulai 24.

            J.K. Koahuli, ma Moanalua, Iulai 24.

            Ellen Tau-a, ma ke kihi o na alanui Viuia ame Muliwai, Iulai 23.

            Emily Freeman ma ka Halemaʻi Moiwahine, Iulai 25.

            Elizabeth Naone, ma ke Kuea Hustace, Iulai 26.

            Rose Kaai Stockbroker, ma ka Halemaʻi Moiwahine, Iulai 30.

            Carrie P. Pauole, ma ka Halemaʻi Moiwahine, Iulai 30.

 

Nuhou Kuwaho

 

            KAPALAKIKO, Iulai 29. -Ma ka po i hala aku la, ka hoike ana ae o ka Peresidena Harding i kona hoopau ana i kana papahana holookoa i hoolala ai no Kaleponi.  Mahope iho o ke kuka ana on a me na kauka i loaa ai keia olelo hooholo mamuli o ka hooholo ana o na kauka ua loaa ka oia i ka maʻi kokoino. 

                       

            KAPALAKIKO, Iulai 29, -Na ka Biridegia-Kenerala Sawyer, ko ka peresidena kauka pili kino, i hoopuka ae i ka hoike o ka olelo hooholo no ka hoopau ana i ko ka peresidena komo ana aku iloko o na hana i hoolalaia no Kaleponi mamuli o kekahi mau hiohiona maʻi hou i oili ae iloko o ka la a e hoike ana i ke komohia o ke ano maʻi hou iloko o ka peresidena.  Ua kaheaia kekahi ahakuka a na kauka a mahope o keia kuka ana ua hooholoia e hoopukaia aku kekahi mau pepa e hoike ana no ke kulana maʻi o ka peresidena i mea no ka lehulehu e ike mai ai.  

 

            PASADENA, Cal. Iulai 29. - Ma ka la aku la i nehinei i hoopaʻi paahoaia ai o Edythe Sterling, he wahine nona ke kii i hanaia no ke kiionioni, e ka Lunakanawai o ka aha hoomalu Kenneth Newell, elima la iloko o ka halepaahao no ka holonui i kona kaa otomobile, a he elua la no kona hoowahawaha i ka aha me ka uku pu i ka hoopaʻi o $25.  I kulike me ka hoakaka a na makai na laua i hopu iaia e holo ana kona kaa me ka mama loa he 45 mile i ka hora.  I kona manawa i laweia ae ai mamua o ka aha na kamailio ae oia i ka lunakanawai ma ke ano pakike a he elua la hou i pakuiia iho i kona hoopaʻi o $25. I kulike me ka hoakaka a na makai na laua i hopu iaia e holo ana kona kaa me ka mama loa he 45 mile i ka hora.  I kona manawa i laweia ae ai mamua o ka aha ua kamailio ae oia i ka lunakanawai ma ke ano pakike a he elua la hou i pakuiia iho i kona hoopaʻi paahoa no ka hoowahawaha aha. 

 

            LUSANNE, Iula 29. - Aole i loaa ka olelo hooholo maikai iloko o na kuka ana mawaena o na Amerika ame na Tureke.  Ma ka Ismet Pasha hoakaka, ke poo o na elele Tureke, aole hiki ia Tureke ke hana i kekahi hana no ka hoopakele a hoomalu ana i na kanaka Dristiano e noho nei maloko o Tureke oiai lakou he mau makaainana no ke aupuni Ottoman.  Ua hoakaka pu mai o Ismet o na koi a na Amerika no na po@o i aelike ole ia e waihoia aku i kekahi aha uwao. 

           

            AMOY, Iulai 30. -O ka papu e hoopakele ana i keia kulanakauhale ua ki poka pa-huia mai i keia auwina la ma ka hora 2:30 e elua mau mokukaua me na pu kuniahi a ke aupuni o ka hapa akau, na moku i komo mai ai iloko o keia awa.  Ua panaia aku na pu a na moku i ki mai ai e na pu kuniahi mai ka papu aku, a mahope o ke ki ana aku a ki mai ua emi hope aku la na moku no ka imi i puuhonua no laua mahope aku o kekahi mokuahi maloko o ke awa.  Aohe mau ola i poino, aole no hoi he mau waiwai i poino i hanaia.  Ua manao wale ia e haawipio wale aku ana ka papu.  He lono ka i holopuni Quemoy ma ka po o ka Poalima i hala i na mokukaua o ka akau. 

 

            LADANA, Iulai 30.- He lono ka i loaa ae i ke aupuni Pelekane no ka hoaoia mai la e kukulu ae i aupuni Repubalika maloko o ke aupuni Helene, elike me ka hoike i hoopukaia ai e Roland Maeneill, ka hope kakauolelo o ke keena o na aina e maloko o ka hale on na lunamakaainana i keia la.  Ua kukalaia ae maloko o ke keena oihana o ke aupuni Helene ka oiaio ole o ka lono e hoike ana no ka hana hookahuli aupuni i hoolalaia maloko o Helene.  He liilii loa na kumu e hoopuiwaia ai ka noonoo no ka onipaa o ka nohoalii o Helene, oiai nae aia no he mau hana i hoolalaia no ke kukuluia ae on a aupuni repubalika oia ka manao iloko o ka hoike i waihoia ae i na elele aupuni Pelekane. 

 

            LADANA, Iulai 30 -I kuiike me ka hoakaka a ka lono kelekalapa o ka loaa ana ae i ka Nupepa Central News maanei i keia la ua maopopo loa ka waiho ana aku o ka aha kuhina Kelemania i noho poo ia o Chancellor Cuno, i ko lakou mau kulana.  E hoakaka ana ma ia lono o na poo o ke aupuni hou ma Berolina oia ana o Paul Loebe, ka peresidena o ka aha senate ame Dr. Gustave Stressemann, ke alakai o ka aoao kalaiaina a ka lahui. 

 

            Ina e loaa io ana na kokua mai ka Ahaolelonui mai o Amelika, no ka loaa ana o na dala nui kupono no ke kii ana kela mau wai e lele wale la no ma ka aoao Hikina o Molokai, e loaa nui io mai ana na kupono i ka mahi ia.  Ma ka hoike a ka Enekinia, e loaa ana he 10,000 eka malalo o ke kanawai la, me ka @@@ ana o na @@@@ i @@@ aʻo aku i ka kakou mau keiki, a moopuna pu, i mea e malama mau ia ai ka maemae, a ke ike nei au i kekahi mau he i papaina puna ia, ame kekahi mau kiahoomanao me he la, akahi no paha a hanaia, mai ka waiho ana o kau maumea aloha. 

            Nolaila he hoike oiaio loa keia, aole e hanaia in a aole i maemae keia pailina, i aha ai, i kupono ai kau mau mea i makemake ai e kukulu, i lilo ai i mea e hahaloia aku ai. 

            No laila ke ike nei kakou o na hunahuna liilii a oiukou i houluulu ai, ame ke akahele e kahaha nei, i ka loaa wale o na mea apau, a hoomoe ia oe mek a maikai o kou lilo makahiki wale no $1.20 elua dala puka-pa, no ka mea hookahi; kekahi keia o na mea makai i loaa la oukou aʻu no hoi e haawi nei i koʻu mahalo piha i ka lunahoohana nui o ko oukou pa ilina nei, i ka lawe ana i ke koʻikoʻi me ka lawelawe ana a kona mau lima, aʻu no hoi i heluhelu mau ai ma ka nupepa. 

            No laila ke hooiaio mai nei keia mau mea apau, ame keia pa e hoopuni i keia kahua, e alai aku ana i ka poe i kuleana ole e komo mai, a me keia mau pohaku e laina nei ma keia lihi alanui, e hoike aku ana na kiai naue ole keia o Puuomao, a pela hoi me kaia mau kumulaau kiawe, a ka malumalu e noho nei kakou i ka olu mai a kahi makani kolokololio o ke awawa o Kahauiki, aʻu hoi e hoomaikai piha nei i ko oukou lunahoohana nui, ame oukou pu hoi e na lala o keia hui, a o kaʻu leo pule e hoomauia aku keia hana maikai imua.

            Hoolaunaia aku o Mr. E. B. Keala, mai iaia mai kekahi mau olelo i kupono e laweia mai a noonoo. 

            Lunahoomalu na lede ame na keonimana aloha kakou, owau paha ka mea pololeio loa e hoike aku i kekahi haawina kupaianaha, ma koʻu alahele i keia kakahiaka, i koʻu ala ana ame koʻu ai ana i koʻu aina kakahiaka, lalau i kaʻu mau pua no ka lawe ana e hoomanao i kaʻu mau mea aloha, e moe malie ana ma ka pailina o Makiki, a i koʻu hiki ana aku, ua piha ia kahua i na lahui like ole, a o ka mea maamau no, aloha kakahiakanui oe, e Mr. Keala, ae, aloha nui oe, o ia iho la kaʻu mea i ike, oiai au e hooponopono ana i kaʻu mau pua maluna o kaʻu mau mea aloha, ke oiliili pu ae la kekahi mea aʻu i heluhelu ai o ia hoi, na mea pili hoomanao kaupua ma Puuomao nei. 

            I ka pau ana o kaʻu mau hoonohonoho ana i kaʻu mau pua, o koʻu kau mai la no ia ma ke kaa uwila, a mokio pololei mai la no nei; no ke ake e ike maka, a i koʻu lele ana mai nei, mai kʻu kaa mai, o na mea mua aʻu ike mai nei, o ka laina pua aloalo, ame ka mauu ai a ka lio a o ka ulu panini ame ke kolu, a pua mikinolia no hoi, oiai no nae au e hoomau ana i koʻu hele ana imua, a i koʻu kokoke ana aku i ka uakee, i ike aku ai au i keia kahua me he la, he kahua aina hou aku ia, oiai ma kahi o kou ike aku i ka mea maamau, he nahelehele, aka o ka nani ame ka oluolu o ka maka ke nana aku. 

            Eia au ke ike nei i na laina pohaku e ku kiai ana i na kaa hana kolohe, e nukee ai ko lakou huila, ke hookuʻi aku.

            Nolaila ia oukou e na lala o keia hui, ua nui maoli koʻu hauoli i koʻu hiki ana mai nei a launa pu me oukou, a ke ike nei no hoi au i ka mea oiaio, aʻu i heluhelu ai ma ka nupepa, a ke ku nei he pahuhae, a ke welo nei ka have hoku e hoohanohano ana i ka kakou mea aloha ame ka hanohano pu o keia kahua, ame kona inoa ame na pukuniahi e kani kuʻilua nei, a kakou apau e hoomaikai pu nei me ke mele lahui ame ke mele ana i ke mele o ke one aloha o kuu aina aloha nei, kaʻu leo pule e mau aku keia mau hana maikai. 

            Mai ka makua maikai Kaaiakamanu mai, he mau olelo noeau, o ka elua keia o koʻu hiki ana mai ma keia kahua, no ka malama ana i na hana a ka hoomanao ana in a mea aloha i hala aku ma kahi mau, a ke ike nei au i ka loli ano nui, mai ka makahiki i hala, a i keia makahiki e nee nei, a he hoike hoi no ka huki ana, i hiki ai ke hanaia na hana nui mea liilii wale no. 

            No laila ma koʻu manao ana, in a e mau aku ana keia hana maikai, he mea no keia e aʻo mai ana o na hana maikai apau, aole loa ia mea e pau, oiai ua loaa he kanaka hana pono, a i kakooia aku e oukou i holopono ai kana hana. 

            Nolaila e mau aku keia mau hana maikai, kaʻu leo pule. 

            Hoolaunaia aku kekahi keonimana mai Pauoa mai, oia o Mr. W.B. Bill Kapahi, imua o oukou e na lede ame na keonimana ame ka lunahoomalu, aole au i hele mai nei no ka haiolelo ana, aka aole hoi e hihi oiai na hana e hanaia nei i hapai mai i koʻu anao, a koʻu lunaikehala i koho ai; oiai au e heluhelu mau ana ma ka nupepa no na mea e hanaia ana ma keia pa ilina ame na kii i paikiiia ai, i lilo ai i mea oiaio ua nui no koʻu kanalua ana, hui no me kekahi mau makamaka aohe no he loaa mai oka mea oiaio. 

            Ua hui, me ko oukou lunahoohana nui oia he hookahi oia, ua loaa aole no ka mea oiaio, ka mea hoi nana i kono mai iaʻu e hoea kino mai maluna o keia kahua, a ke ike nei au noʻu iho, i ka mea oiaio, a ke kino hookahi i hooikaika ai, ua ka

 

MAKOU LEIALOHA I HALA.

 

MISS ELLEN KEALOHAPA

 

            E ka Nupepa Kuokoa, ke waena hoohaupu hoolelehauli, i na mea aloha apau, ka ipukukui malamalama a ka lahui; Aloha kaua:- E oluolu mai oe i kekahi umi kaawale noʻu, in a he mea hiki ia, no ke poomanao e kau ae la maluna, i ike mai ai na kini lehulehu a me ka ohana, i haalele mai i keia ola ana, ka la hiki mai ma Kumukahi, a i ka moku ana o ka la i ka mole o Lehua.

            Ua hanauia ka makou leialoha Ellen W. Kealohapauole mai ka puhaka mai o kona makuahine Mrs. Mano ame Henry Waipa Kealohapauole, ma Keaukaha, Hilo, Hawaii, ma ka la 2 o ka mahina o Iulai, 1907, a ua piha iaia ua makahiki he 19 me na la keu elima o ka hanu ana i na ea huʻihuʻi o keia ola kino honua ana. 

            Ua lawe hanai ia ka maua leialoha, e ko maua pokii aloha oia o Mr. Ben Tau-a ame Mrs. Ben Tau-a i kona manawa liilii.  Ua hoonaauaoia oia ma ke kula o Waiakea. 

            Ua lilo ka leialoha a maua he lei a-i a he milimili hoi na kona mau kahu hanai.  He kaikamahine aloha makua oia, he hookipa i kona mau hoaloha; eia nae ua oki-pu ia ae kona mau la, a ua akoia ae hoi ka pua i mohala ae, i kona mau la opiopio, a hoi aku la no ka home honua, ka hopena o na mea hanu ola apau. 

            Ke haawi aku nei makou, na makua ame ka ohana apau i na hoomaikai palena ole i na makamaka ame na hoaloha i ala pu mai me makou i ka po, iloko o ko makou mau hora o ke kaumaha ame ka luuluu, no ka makou mea aloha i haalele mai i keia ola ana. 

            Ke haawi pu aku ne no hoi makou, i na hoomaikai he nui, no na makana bo-ke pua ame na lei like ole i hoohiwahiwaia iho maluna o ke kino wailua o ka makou leialoha, i hala aku la ma ke alahele o na mea hanu ola apau. 

            O makou iho no iloko o ka luuluu ame ke kaumaha;

            HENRY W. KEALOHAPAUOLE,

            BEN TAU-A,

            MRS. BEN TAʻU-A,

 

e hiki ole ai ke hio hou aka, aʻu no hoi e hoike aku nei imua o oukou, i ka mea oiaio loa, ua like no keia pa ilina elike me ko makou, he loaa wale mai na kupuna mai, a i na makua, mai na keiki na moopuna hoi, o ka apiki ma kahi o ka malama i ka apiki ma kahi o ka malama i ka maemae he hoopalaleha. 

            Ma ia hana ana i kokoke loa e laweia mana e ka poe i makemake i ka maemae, a e auhaula mai oe a kanono ko papauwae, i aha ai i loaa ka mea e maemae ai a ma kaʻu hana ana ame kekahi poe e makee ana i kela kulana mua, mai na kupuna mai, i laweia aku ai keia hana nui imua o ka ahaolelo, i noho iho nei, i loaa hou mai ai kela pono imua, o ka mea apiki ma kahi o ka hooko aku i ka mea i manaoia ai, a i hoopaa aku me na hoa hanohano o ka ahaolelo, ua pepelu hou ihope.

            Nolaila ke ike nei au ma keia kahua ka mea oiaio loa, i kou uku ole ana i kou lulu mahina; a uku makahiki piha ame kekahi mau koi e ae, aole loa e moe kou kino ma keia kahua, nolaila, iawai oe e holo aku ai in a no oe e holo aku ana i ka mea aina, e olelo mai ana no e hoi oe i ka hui e hooponopono ai. 

            No laila i kou hoi ana i ka hui, e uku mua oe i kou hoi hope ana apau, o ka loaa no ia o na mea apau ia oe. 

            E na makamaka i koʻu hiki ana ma keia kahua, e hookani mau ana koʻu puuwai i na mea a koʻu maka e ike nei, a kou mau hoaloha aʻu e ike ole nei ma keia kahua, aka e pono e mau aku ka oni ana o keia mea maikai.

            Hoolau@maia mai o S.K. Kaeo o Kakaako, oiai eia au maluna o keia kahua, aole au e wehe i kuu papale, oiai e pono au e lawe ae i kela olelo kanalua aʻu no hoi e heluhelu mau ana ma ka nupepa, a nolaila e ike mai oukou e hoopaʻiia au i ka lawe mai i na olelo hoopohala, a i kuu ike maka ana, a i lilo i mea oiaio, pela hoi me koʻu mau hoa nei, i hai aku nei ke haawi ae nei au i ko oukou kanaka hana hoomanawanui aʻu i lohe iho nei, pela no hoi me oukou e na lala. 

            Hoolaunaia mai ia makuahine maikai, oia o Mrs. W. Kau, mai iaia mai, kekahi mau olelo o ia hoi akahi no oia a ku iluna o ia kahua, oiai o na hana ia a ko makou mua.

 

HE HOOMANAO ALOHA NO KA EIA MAI KA OIAIO APAU

 

Mr. Lnahooponopono o ka Nupepa Kuokoa, me ka mahalo:-K@@@ aku nei au i kou oluolu, in a @@ @@@ kekahi o kou moku no ke@@@ ohua eepakeke. 

            He ohua au na ka Mauna Loa lawe mai ke taona mai o H@@ ma ka la 18 o Iune aku nei i @@@@ hoolele ae la ma Kailua i ka @@@ a Ehu.  He mea au i noho @@@@ ke kahua maʻi o Kalihi.  @@@@ 23, ahiki i ka la 18 o Iune @@ aku la. 

            Ua nohoia e aʻu âme ka @@@@ ma ia home, malalo o na kiai @@ kai ana a ka makuahine @@@ ke aloha ia oe, e ka mea @@@ i na haawina o ka pilikia, @@@@ i ke ano o ka noho hoop@@@@ a maemae, ua lilo kana ma@@@ maikai ana, he mea naʻu e @@@ ole ai. 

            He home maikai o Kalihi @@@ tall, no ka poe i loaa i na @@@ o ka pilikia, i kupono no @@@@. Nolaila e kuu lahui mai @@@ home.  Ke ik no i na hoa@@@ ia ano maʻi ma kou kino.  @@@ ka mea nana e hoike aku i k@@@ na o kou apana, a i ole hele @@@@ ae i ka pa maʻi o Kalihi, ka@@@ kauka na lakou oe e nana m@@ kou loaa a loaa ole paha i ka @@@. 

            Mai kakali a koʻikoʻi ka haawi pilikia: o ka uuku o ka pilikia, @@ pokole ia o ka manawa, ko@@ ka pilikia, loihi ka manawa o @@ ai.  Mai kanalua iki ka mana@@@ maikai ka noho ana ma kela @@@ he ai a he iʻa e lawa kupono ai @@ hoho ana, maemae kahi mae@@ kahi no mea nui au o hana a @@ ka malama maikai no i na @@ o ka home. 

            No koʻu ikemaka a kamaaina @@ la au e hoike nei i ka mea @@@ Mamua o koʻu haalele ana @@@ ka home o Kalihi, ua ike au @@ loko o ka nupepa haole a ma @@ o ka Nupepa Kuokoa, he mau @@ nao e hoike ana, mamuli no ka @@ ka makemake ponoi o na maʻi o Kalihi, e hoi i Molokai, aohe pololei o kela, pela kaʻu homaopopo. 

            I ka wa i noho ae ai ko kak@@ ahaolelo, i hala aku nei, ua wa@@ ae la ma ka nupepa haole, e makemake ana o Clark o Maui, e @@ae la ma ka nupepa haole, e makemake ana ʻo Clark o Maui, e w@@@ ae he olelo hooholo e hoihoiia @ poe maʻi no Molokai mai Ka@@ mai.  Ua lilo kela i mea hoopilikia i ka manao o ka poe e noho ana ma Kalihi, a i ka wa i hiki ae ai kekahi mau lunamakaainana @@ na senatoa i ka pa maʻi, he nu@@ poe i uwalo aku imua o lakou, @@ he pono o kela olelo hooholo a Clark no ka mea aole makemake o na @@ e hoi no Molokai, aka e noho no la kou ma Kalihi.  O ka lakou p@@ e hookoia ana ka oukou noi. 

            O ka elua o ka manawa, i ka i hoikeia ae ai ka lahe no ka @ i hoikeia ae ai ka lohe no ka p@ o ka poe e lawia ana i Mooka@ ma ka la 8 o Iune, ua ike aku a@ i kekahi poe i paa ko lakou mau inoa e uwe kuwo ana, a ua opule pule maoli kekahi poe, holo h@@@ ana i o a ianei, me ka hiki kupono ole ia lakou ke malama i na @@ o ka home; e uwalo okoa mai ana kekahi poe i na ohana, e hooikaika aku e noi i ka papa ola, aole @ @@@ ia lakou no Molokai.

            Ua hooikaika kekahi poe no ka lakou mau mea aloha ahiki i ka @@ hope apau ka manaolana, a ka pololei ole o ka manao o ka poe @@ Kalihi e hoi i Molokai, no ka mea aole e hiki ana ia lakou ke @@@ akue e ike i ka lakou mau mea aloha.

            Nolaila e na hoaloha, mai @@@@ maoli iho ka makemake e hoi i Molokai, aka no ka hiki ole ia lakou ke noho iho ma Kalihi, a ua @@@ aku kekahi poe, mamuli o ka @@@ aloha pu ana ma Kalihi. 

            Ke hooki nei au me na hoomakai he nui i ka Lunahoponopono ke Kuokoa ame na keiki lim@@@ kou papapaʻi. 

Owau iho no me ka oiaio.

S.M. KUAIMOKU

Hookena, Hawaii. 

 

nei, he mea oiaio a ke ike @@@ ame oukou pu e na malihini @@@ nani o na mea i hanaia ai @@@ mua no hoi keia o ka mala @@@ ia ana o keia hana maikai @@@ launa ia mai ka mea malan@@@ na, Mr. John Pomaikai.

            Alole aʻu mea e kamailio @@ aka ke ike nie oukou e na @@@ i ka mua ame ka hope o na @@@ keia kahua, a e lilo nei hoi @@@ hoomanaoia ai e kakou, mau @@@ koʻu hilinai i ka hana a koʻ@@@ ma ka hanu ana, a lunah@@@ nui o keia pailina, i ikeia ai ka @@@ mae, a pela hoi me koʻu law@@ ana, i na mea ana e kauoha n@@ a ke ike nei kakou, apau, i k@@ ke nana mai. O kaʻu leo pule e a keia hana maikai. 

            Me ka leo pule mai ka na@@ maikai mai, Mr. Kaaiakamanu @@ ka himeni mai na keiki liiʻii @@ hookuuia ai na hana o ia la an@@ ame ka ai ana i ka mea hu@@ houhou i ka niho, i hoi aku a@@@ mea apua me ka piha hauoli.

            Me oe e kuu kapena opio @@@ welina pauole, ame na keiki @@@ kiko hua o kuu ipukukui malamalama koʻu iini pau ole, me ka @@ halo.