Ka Nupepa Kuokoa, Volume LXII, Number 29, 19 Iulai 1923 — KEKAHI MAU HIHIA O KA OIHANA HOOMALU. [ARTICLE]

KEKAHI MAU HIHIA O KA OIHANA HOOMALU.

Ma ka noho ana o ka aha hoomalu e hoolohe i na hihia o na Pake piliwaiwai he 14 i hopuia ai ma ka la 25 o lune i hala ma ke kakahiaka Poalua nei ua pau loa lakou i ke kapiia he $15 pakahi. 0 W. T. BawlinB ka loio pale ma ka aoao o na Pake a o Harry Lake ka hope loio kalana ma ka aoao o ke aupuni. Ma ka hoike a ke Kapena Makai Fieldgrove i hoouluuluia he 201 ka nui o fca poe i hopuia no ka ona maloko o Honolulu no ka mahina o lune, he 2590 ka oi ae mamua o ka mahina mamua aku, oiai he 153 ka nui o ka poe i hopuia no Mei. Ma keia hoiko aohe i hoakakaia ka poe i hoopa'iia, ka nui o ka poe i haalele wale i ka bele, ame ka nui o na dala i ohiia no na hoopa'i ame na koina o ka aha. 0 ka hihia o E. E. Ah Nee i hopuia ai ma ka la 12 o keia mahina no eha mau kumuhoopii no ke apuka a ēlima mau kumuhoopii no ka hoolilo ana i kekahi mau bila dala wai-1 wai ole ua hoomauia mai e ka aha hoomalu ahiki i ka la 20 o lulai. No ka holonui me ka nana ole i ko hai pono i hopuia ai o David Alo e ke Kapena Makai Bob Lilis ma ke kakahiaka Poalua nei a hoopiiia ae oia no ia hewa. ' Ma ia la no i paa ae ai o E. Mea-! dows i ka hopuia e ke Kapena Makai Bob Lilia no ka holonui mo ka uoonoo ole i ko hai pono, a i lilo ai ia holonui ana i kumu poino no ke-1 kahi keiki uuku mamuli o ka hooku'iia ana aku e ke kaa otomobi!e ana e kalaiwa ana ma ke alanui Beritania, ma kahi kokoke aku i ka halekaa o ke aupuni kulanakauhale ma ke kakahiaka o ka Poakahi nei. Iloko o kekahi ipu ti ame kekahi pahu i loaa aku ai i na makai hopuhopu waiona ka waiona maloko o kekahi haleaina ma ke kihi o na alanui Kamika ame Hokele ma ka po Poalua nei, a o ka lunahoohana 0 ia haleaina William C. Kirby ka 1 paa ae i ka hopuia me ka waiona pu.