Ka Nupepa Kuokoa, Volume LXII, Number 29, 19 July 1923 — Na Hoonee Kalaiaina o Keia Mau La [ARTICLE]

Na Hoonee Kalaiaina o Keia Mau La

He elua v. ale no mahina i koe, alaila hoea mai kakou, i ke kau baloka wae inoho, no na kulana oihana o na kalana lehulehu apuni ke Teritore. Ua kiola ae nei o Patrick Gleason, ka hope makai kiekie o ke Teritore, a o kekahi hoi o na Repubalika oiai, i kona papale iloko o ka rina hakoko kalaiaina, ma ke ano he moho ōia e holo ana no ke kulana meia, no ke Kulanakauhale a Kalana o Honolulu nei, ma ka aoao Repubalika, he ekolu mau moho hou ae ma ka aoao Repubalika, i maopopo loa ko lakou komo mai īloko o keia hakoko kalaiaina; aka e kakali ana no kekahi mau la kakaikahi, mamua o ko lakou oili okoa ana mai a ku iwaho o ke kahua mokomoko, oia ka Lunakiai Chas. Arnold, ka Lunakiai Eben P. Low ame Clarence N. Crabbe. He mau alakai kalaiaina wale no keia apau, a ua kamaama wale no imua o na makaainana koho baloko o Oahu nei, a ma ke koho ana auanei a ka hapanui o na mana koho, e lilo ai he hookahi o lakou, i moho, e ku aku ai a paio me ka moho a na Demokarata ma ke koho Laloka laula iloko aku o ka mahina o Novemaba. No ka Hope Makai Kiekie Patrick Gleason, ua paa oia 1 kela kulana no na makahiki he iwakalua-kumamalima, malalo o na makai kiekie lehulehu; ua komo pu aku iloko o na hooileaika kalaiaina, ma na kau koho baloka ae nei i hala, no ka lanakila o na moho o kona aoao kalaiaina. īloko o na paani lealea hooikaika kino, ua helu pu ia oia me ka nui ae o na kanaka opio, i ume ia aku ai ka manao hoohihi o ko ke kulanakauhale nei poe no lakou; a o Mr. Gleason, kekahi mek nui o na hoaloha. iwaena o ka poe opiopio; nolaila iaia i oili mai nei a ku imua, no ke alualu ana i ke kulana meia no Honolulu nei; aole ia no kona ake wale ana no e loaa iaia ka hanohano o ka paa ana i kela kulana oihana; aka mamuli ona koi ikaika a kona mau hoaloha; me ka manaoio, oka loihi o kona manawa i paa ai i kekahi kulana oihana ano nui malalo o ke Teritore, ua lawa ka ike i loaa iaia no na hana e pono ai i ke poo o ke aupuni kulanakauhale e hooko aku; a ua loaa pu hoi ka makaukau iaia, e mihi ole ai ka poe apau e haawi ana i ka lakou mau kokua ana no kona lanakila, maluna o kona mau hoa mokomoko. No na Lunakiai Chas. N. Amold ame Eben Low, he mau makahiki ko laua o ka noho lunakiai ana, o Mr. Arnold aku nae ka oi loa. maniuli o ko laua kamaaina i na hana o ka papa, pela hoi me na hana apau i kau aku maluna o ka meia, aole he mau kanalua ana no ke kupono o kekahi o laua no ke kulana meia, ina aia maluna o laua ka hilinai ana a ka hapanui o na Repuba!ika. No Mr. Clarence N. Crabbe hoi, aole oia he mea malihini, 1 ke kulana o ka hookele aupuni kulanakauhale, aka oia ka moho a ka aoao Repubalika, i wae ae ai, he eha makahiki i kaahope ae nei, me ka loaa ole nae o ka lanakila iaia; aole nae ia he kunuu, e hiki hou ole ai iaia ke alualu i kela kuhna, iloko 0 keia manawa. Iloko o na hana kalaiaina, ua hoike mai kana mau hana, no kona makee nui i ka pono o ka aoao kalaiaina, ame ka poe 1 komo iloko o na hooikaika ana, no ka lanakila o na moho; a o ka poe ma na uwapo ae nei, ka i ike, a hoomaopopo i kona mau ano. ma kana mau hana mawaho nei, e kanalua ole ai ka loaa iaia o na hoaloha lehulehu, iloko o keia paio kalaiaina. I ka nana aku, elike me na 0010-ku kalaiaina o keia mau la e nee nei, aole e maalahi ana ke kahua mokomoko no ka Meia John H. Wilson, aka aia no he mau hoa paio nona iwaena o kona pohai iho, e ake mai ana e kaili aku i ka hanohano ana e paa nei i keia la. Oiai nae, aole i kukala ae ka Meia Wilson, i kona manao e holo moho meia ma ka aoao Demokarata iloko o keia mau la; tia hiki i ka lehulehu ke akioma aku, oia mai ana ka moho ikaika loa a kela aoao kalaiaina. Eia na Lunakiai Jon'ah Kumalae ame Manuel Paeheeeo., ke laha mai nei i ko laua kulana ikaika iwaena o na Demokarata; ina nei no laua'ku mai imua o ke kahua mokomoko, alaila aole he mea maalahi no k Meia Wilson, ka loaa ana iaia he ■waeia i moho na na Demokarata, aka e hahana loa ana ia, e konoia mai ai oia, e hooikaika ma na ano apau, ke makemake oia e mau aku kona paa ana i ke kulana meia no ke Kulanakauhale a Kalana o Honolulu nei ma keia mua aku. He koho haloka wae moho nae keia e hoea hiai ana iloko o Okatoha ae nei, ua ili iho ke ko'iko'i maluna o na mana koho o Oahu nei, ka wae ana ae i na moho meia ma ka aoao Repubalika, pela hoi ma ka aoao Demokarata. Me ka haawi ōle aku i na kakoo ana no kekahi o keia mau. moho e holo' nei, o ke a'o wale no a keia pepa i na mana koho, o ia ka wae ana ae i ka lakou moho, ma ke ano o ko lakou aoao kalaiaina, me ka manaoio, iloko o ke kanaka a lakou i wae aku āi, e hookoia ai, ko kakou iini, no ka hookoia o na hana apau i pili 1 ke aupuni kulanakauhale, maluna o ke kahua kanaka makua, ka hoopono ame ke kaulike.