Ka Nupepa Kuokoa, Volume LXII, Number 29, 19 Iulai 1923 — Page 3 Advertisements Column 1 [ADVERTISEMENT]

AHAHUI EUANELIO PAEAINA O KA HOOMANA NAAUAO O HAWAII. E ike mai auanei na Ekalesia apau o ka Hoomana Naauao o Hawaii, o ke Teritore o Hawaii nei, ma o na Kahu la ame na Lunanui o na Ahahui o ua mau Ekalesia la i hoikeia ae nei maluna; a i kulike ai hoi ma ka pauku 12 o na kanawai o ka Ahahui Euanelio Paeaina o ka Hoomana Naauao o Hawaii, a ma keia ke hoikeia aku nei: E noho ana ka Ahahui Euanelio Paeaina o ka Hoomana Naauao o Hawaii, ma kona kau mau, ma Kalia, Honolulu Kulanakauhale a Kalana o Honolulu, Teritore o Hawaii nei, ma ka Poakahi, ka la 23, o Iulai A. D. 1923, hora 10 a. m. Nolaila e na Kahu, na Haieuanelio, na Lunanui ame na Elele o na Ekalesia o ka Hoomana i hoikeia ae nei maluna, no lakou hoi na kuleana i hoikeia ma ka Pauku 3 o ke Kumukanawai o ka Ahahui i hoikeia ae nei maluna, e hiki mai ma ka manawa i hoikeia ae nei maluna, me ko oukou mau kuleana apau no ka pono o na hana a ko kakou Haku o Iesu Kristo. Ma ke kauoha a ka Peresidena. L. R. KEKUEWA, Kakauolelo o ka Ahahui Euanelio ame Papa Kahu Waiwai o ka Hoomana Naauao o Hawaii. Honolulu, T. H. Iune 29, 1923. 6565—Iu1ai 19. HOAILONA