Ka Nupepa Kuokoa, Volume LXII, Number 27, 5 July 1923 — ELUA MAU KAHUA PAKA HOU [ARTICLE]

ELUA MAU KAHUA PAKA HOU

Maloko o kekahi hoike i ■waihoia ae imua o ke Kiaaina Farrington ma ka Poakahi nei e ke komisina hooponopono moolelo kahiko o Hawaii nei, i noiia ae ai ka hookumu ana i elua mau paka hou a hookahi kahua kahi e malama ia ai e ka lehulehu kekahi mau papa ahaaina, a ua kakauinoaia ia hoike e R. S. Kuykendall, ke kakauolelo inana hooko. O kekahi o na kahua no ka paka aia ma kela huli Koolau o ka Mokupuni o Oahu, mawaena o Waimanalo ame ka Lao o Mokapu, ke kahua o kauhale kahiko i haaleleia o Kaupo. E hookoeia kela wahi elike me ia i noiia ae. Ua noi pu ae ke komisina o kela aina mauka loa o ke poo o jce Awawa o Manoa ma Waiakekua e hookoeia i kahua no ka lehulehu e malama ai i kekahi papa ahaaina ke makemakeia e haawi i papa ahaaina malaila, no ka mea, he wahi ia i malama mau ia e na alii Hawaii i hala kekahi mau papa ahaaina. 0 ka lua o na kahua paka i noiia ae o ia kela aina ma ka Mokupuni o H.awaii e wniho nei ma-vraena o na Kuahiwi o Mauna Loa ame Hualalai a i ikeia lioi ka Heiau o Ahua-a-umi. Ua noiia ae i mea e hiki» ai e lilo ia wahi mai lui Waiwai mai o Bihopa e kuapoia aku kekahi aina aupuni no ia wahi. Aia malun» o kela apana aina he heiau a he mau puoa pohaku (pirmida) i kukuluia ma ka manawa o na alii Hawaii i nee ai niai Waipio aku a noho ma Ahua-a-umi. E waihoia ae ana ia hoike imua o ke komisina aina aupuni.