Ka Nupepa Kuokoa, Volume LXII, Number 27, 5 Iulai 1923 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

"Owau ponoi no ke hele aku e ike a ninau aku i kela ledc e pono ai, i mea eiioepauia ae ai o ko'u mau manao pohihihi," wahi a Mrs. Fanamu o ke kamailio ana ae i ke kaikamahine, ka Lede Rolatona. "He pono e loaa koke ka ike ia'u, ma ka mea e pili ana i kela lede me ke kali hou ole aku, oiai aole e loaa ana ia'u ka maha ahiki i ka maopopo loa ana ia'u. O ka'u e makemake loa nei i nei manawa, o ia ko'u komohia pu ole ana aku iloko o kela hana manaoino a ka Lede Linetona, aka, he uwe hope loa nae kela, ua hanaia ka hana, a ua hala loa ka manawa kupono no ka mihi ana." "Owau pu kekahi i loaa iho la ia manao; healia no la kou mea o ka puni wale ana aku i na hana inanaoino a ka Lede Linetona, me ko ike no aohe ou wahi kuleana iki i ke Sa Wiliama Hita, ke kane a ka Lede Linetona i manao ai na'u? A laa ko komo i ke anu la," i nui iho ai ka hanu o ke kaikamahine, ka Lede Rolatona, aole nona iho kona kaumaha ana aka no ka pono o kona makuahine, no ka mea, elike me ia a kaua e ka makamaka heluhelu i ike ae nei mamua, ia laua maloko o ke kulanakauhale o Nu loka, a ma ka manawa hoi o ka halawai ana me Vekinia, ua oi aku kona aloha ia Vekinia, ka wahine opio u'i i haalele loa ia e kana kane a i manaoinoia. Iloko o keia manayva apau a na lede e u kamailio nei mawaena iho o laua aohe hoomaopopo mai o Miss Alekanedero ua lilo oia i mea kamailio nui ia e ka poe e ike aku ana iaia mamuli o kona lilo loa ma na mea e hoohauoliia ai oia. Iloko o ia inanawa pokole ua lilo oia i pulakaumaka a i mea hoopihoihoi aku i ka noonoo o ka poe i akoakoa mai ma ia rumi o kona ike koke aku la no ia i kekahi kanaka opio nana i mai la oia i ka poe i makahehi mai i kona ui, a i hele mai hoi e haawi i ko lakou aloha i ka lede opio Amerika ui, a i na kaikamahine hoi a Hatinekona e hooko mau mai ana i na makemake apau o ka laua malihini no ka hoohauoli ana mai iaia, elike me ka hiki ia laua ke hana mai pela me he mea la o laua pu kekahi i loaa pu na hanohano elike me ko Veki. Ua piha loa o Veki„i ka hauoli i nei manawa, me kona hoomaopopo ole mai i kona lilo ana i mea kamailio nui ia mai e ka poe i akoakoa mai ia manawa. Iloko o nei hauoli nui o Veki he aha la ia alawa ana aku ana i kahi o ka puka o ka rumi o kona ike koke aku la no ia i kekahi kanaka opio ana i hooholo ae i ke koko iloko o kona kino holookoa, a ia halawai ana ae o ka ike a ko laua mau maka, oiai na maka o ke j kanaka opio e haka pono mai ana no maluna o kona, ua hiki ole hou iho la i ke kanaka opio ke ku ma kana walii o ke ku ana ma ka puka a, me kona nana ole mai i na lede ame na keonimana e ku poai ana ma kekahi mau wahi a e noke nui ana i ke kamailio no Vek'i i ka wahine ui a pela aku, o kona hele pololei mai la no ia a hui me Veki. "O, e Miss Alekanedero!" wahi ana i ka lede opio ia halawai ana ae a laua, me ka leo liilii loa, "aole au i manao mua e halawai mai ana la me ka ike a ko'u mau maka keia mau hiohiona a'u e ike aku nei maanei i nei po ia'u i hele mai nei." "Alaila, o oe anei kekahi i hookahahaia aku no kou ike ana mai la ia'u maanei i keia po?" i pane mai ai o Veki me ka pii iki ae la o ka ula ma kona mau papalina. "Owau pu kekahi e hookahahaia nei no ko'u ike ana aku la ia oe i nei po, no ka mea aole au i ike mua eia oe i ke kaona nei. Pehea kou ola kino mai ko kaua manawa mai i halawai hope ai, maikai anei?" "O, maikai loa au, me ka mahalo ia oe," i pane aku ai ke kanaka opio me ka helehelena minoaka," a, oiai he maikai loa kou helehelena i nei manawa a'u e ike aku nei he niea waiwai ole no paha na'u ka ninau ana aku ia oe 110 kou ola kino." ,fc He maikei loa io no hoi ko'u ola kino i nei manawa, o mama pu kekahi i loaa ke ola kino maikai, koe nae keia aohe i loaa iaia ka ikaika kupono e hiki aT ke hele mai ma na anaina hoohauoii o keia ano i nei manawa. Loaa aku no anei kou mau hoaloha a mau makamaka ia oe me na ola kino maikai? "Ae; loaa aku lakou apau ia'u me na kino maikai, me ka mahalo ia oe," wahi a Rupata Hamiletona o ka pane ana aku, eia nae, ma kela manawa a Veki o ka ninau ana mai kulou iho la ko Rupata mau maka ilalo, no kona hoomanao koke ana ae ia Liliana Linetona, kela kaikamahine nana i hoohihia i kona noonoo mamua o kona haalele ana iho i ka Hitadela, no ka mea, i ua o Rupata i hoi aku ai i ka home ua hoike mai 0 Liliana i kōna hauoli piha no ia hoi ana aku ona, me ke ola kino maikai. Ua lilo pa mahina lehulehu ehiku i hala ia Rupata ma Amerika i mea hoonaluea mau i ko Liliana noonoo no ka loihi loa o ke kaawale ana, nolaila ma keia halawai ana ua hoopihaia ko Liliana noonoo me ka hauoli nui. "Ua loihi loa ae nei no kou hoea ana mai i Ladana nei?" wahi hou o ka Veki ninau, me kona nalu nui iloko ona ia minuke 110 ka mohala ole o ko Rupata helehelena e nana aku ana iaia; ma ka Veki noonoo iho ia manawa, me he mea 'la aia kekahi mea nui iloko o ko Rupata noonoo nana e hoehaeha ana iaia, a he koho pololei io no nae ia a Veki, no ka mea, eia o Rupata i /īei manawa mawaena o na mea aloha elua, no Liliana Linetona ana i haalele aku la mahope, a no Veki hoi e ku mai ana mamua o kona alo. "Hiki anei ia oe ke ninau mai ia mea?" i ninau aku ai o Rupata, a i lilo ai ia ninau ,ana aku ana i mea no na maka o Veki e kuiou iho ai ilalo. "I keia ahiahi mai la no ko'u hoea ana mai me kuu kahuhanai, a i ka loaa ana o na pepa kono a Mrs. Haitnekona oia kou mea o ke kipa ana mai la ianei no ka nana ana i na lealea e haawiia ana, a no ka haawi ana no hoi i ko'u aloha i na lede opio o nei home; aole hiki ia'u ke hooloihi iho ma Ladana nei me ko'u hele ole mai e ike ia oe mahope o ko kaua kaawale ana; e ae mai anei oe e lawe aku a'u ia oe iwaho no ka haawi ana aku ia oe i kekahi mau meaai huihui, no ka mea ke ike nei au i ka mehana maoli iho la oloko nei? " Mahope iho keia o ko Rupata alawa ana ae ma o a maanei o ka rumi a ike aku la i ka nana mai o na kanaka ia laua. Aohe a Veki hopupu hou ana iho no ka mea, o ka mea no ia e kau ana i kona umauma ia manawa, nolaila ua ae koke mai la oia i ke kono, no ka mea ua lilo ko Rupata hoea koke ana mai i mea hoopihoihoi ae la i kona noonoo; aole no hoi 1 loaa ka maha iaia ahiki i ko laua kaawale ana aku ma kekahi wahi oiai na maka o ka lehulehu e kaukolo pono mai ana ia laua, me ko laua lilo i mea kamailio hamumuia ena iho o ka lehulehu e akoakoa ana maloko o ia rumi ia manawa. Kuiee ae la o Rupata i ko Veki lima a u kaha aku la hele malie nowaho ahiki i ko laua u komo ana aku iloko o ka rumi

hookipa, a i ka loaa ana aku o kekahi noho hooluolu niaikai malaila, huli mai la o Rupata a i mai la ia V eki. "Ina e oluolu ana oe e hookuu mai ia'u no kekahi mana\\;i alaila e kii ae au i hau nau, aole au e emo aku a hoi mai no." "Mai kii oe," wahi a Veki o ka pane ana mai, me kona pna pu mai i ka lima o Rupata; "aohe o'u makemake ia hau i n i manawa. O ka'u wale no e hauoli nei o ia ko kaua kaawaie koke ana mai la mai kela ahakanaka mai no kekahi mau m\nuke, no ka mea, ia'u i nana aku nei ia lakou ua lilo ko kau i ku ana e kainailio i mea na lakou e nana mai ai, a e noke mai la paha i ke kamailio no kaua; he makemake au e loaa i mnnawa no kaua e kamailio ai o kaua wale no me ka hoohaunaele ole ia mai e kekahi mea. Hooki koke iho la o Veki i kana kamailio ana, me ka naholo ae la o ka ula ma kona mau papalina, a oiai o Rupata pu no kekahi i holo ae la ka ula ma kona mau papalina, huki mai lu oia i ka noho a noho iho la ma kona aoao. "Me ka mahalo nui ia oe," wahi a Rupata i pane mai ai: j nolaila e hoike mai oe ia'u ua hoohauoliia anei kou noon, .o iloko o keia mau la he umi au o ka noho ana māloko nei o Ladana?" "Me ke kanalua au e hoike aku nei ia oe no ia mea, no ka mea, aohe i nui ka'u mau wahi i ike no ka nui o ka ua ame ka paa o ka aina i ka noe, aka nae, ua lehulehu na kanaka maikai a'il o ka lialawai ana maloko nei oLadana, he hauoli laula ole nae ia, pela paha oe e olelo iho ai, wahi a Veki. ; "A eia nae hoi, ma ka nana aku ike anaina au e huikau pu nei, ia'u i komo mai la iloko nei o keia hale i keia po, ua la lakou i ke aloha nui nou me ko lakou mau naau hauoli," wahi a Rupata i pane aku ai, me ka akaaka. "Ua ukali pu mai nei no nae paha ko kahuhanai ia oe i keia ahiahi ianei?" i ninau ae ai o Vcki, ma ke ano e hoololi i ka laua kumuhana e kamailio ai. "Aohe; ua maluhiluhi oia, a ua noi mai nei ia'u e hele mai a e noi aku ia Mrs. Hatinekona e hookuu aku iaia i keia ahiahi. "Aohe oe i hoike iki mai nei i ka inoa o ko kahuhanai ia'u. e ]\īr. Hamiletona. "Pela anei? Ina pela alaila ua palaka loa au, no ka mea o ua kahuhanai la o'u e hoike aku ana ia oe o ko'u hoaloha maikai loa ia ma'keia ao. O ke Sa Wiliama Hita oia, a ke manao nei au e loaa ana no he manawa maikai no'u ma keia hopo aku e hoolauna aku ai au iaia ia oe." "He manao no anei kou e hooloihi iho i ka noho ana nu Ladana nei?" "Aole; no kekahi manawa wale no, aole e loihi loa; he hale ponof no t ko ke Sa Wiliami ma Ladana nei, a e akoakoa niai ana makou ma Ladana nei no kekahi mau pule kakaikahi i hoi hou aku. Ma ka'u mea i olelo ae la o makou a pau, eia ka manao, oia hoi, ke kaikuahine o Sa Wiliama Hita, oia ka Lede Linetona, kana kaikamahine o Liliana, he lede opio i oi ae kona oo mamua ou, ame kau kauwa haahaa nei," i hoakaka'aku ai o Rupata me ka akaaka ana mai. "K ! a Lede Linetona!" i palua mai ai ka Veki kamailio ana me kona noonoo nui no ia inoā ia manawa;" ihea la au i lohe ai ia inoa mamua? ' He inoa kela i ano kamaaina i ko'u mau pepeiao a i paanaau lioi iloko o ko'u waihona noonoo, a eia nae, aole hiki ia'u ke hoomanao ae i ka helehelena o ka mea nona ia inoa." "Malia paha no kou lohe i ke kamailioia o kona inoa e ke,kahi poe o na anaina maanei, oiai he wahine maamau ka LeiV Linetona i ka holo mai i keia kulanakauhale i kekahi ma'nawa i hala," i pane aku ai o Rupata. "Malia paha pela," i pane mai ai o Veki, "a eia nae aneane rio ē hiki iaia'ke ia manawa no kona lohe ana i ko kn Lede Linetona holo ana mai i Ladana mamua aku. No kekahi manawa hou aku ko laua kamailio ana, alaila, i mai la o Veki he mea pono iaia ke hoi hou aku me kela pue 0 lakou e kakali mai la nona, nolaila haawi aku la o Rupata 1 kona lima iaia no kona paa ana mai, a lawe aku la iaia iloko e ka rumi hookipa kahi a laua i oili mai ai. Ma kekahi kakahiaka nui ae hele aku la o Rupata i ka hale e noho ana o Vekinia ma no ka ike ana ia Mrs. Alekaneden», a ua hookipaia aku oia me ka hauoli e ka lede, a ia Rupata i ike aku ai i kona helehelena ua oi loa ae ka maikai o kona ola kino mamua o kana manawa hope i haalele iho ai. Ma keia manawa ua puipui loa ae na papalina o Vekinia, a ua oi ae no hoi kona ikaika, me ke ohaha o kona helehelena, elike me ia i na la mamua aku. Aohe o Rupata i hoomaopopo i,ka nui o ko Vekinia ui mamua elike me keia manawa, no ka mea o kela nohea a nani o ko Vekinia helehelena iloke o kona manawa e ola maikai ana ua hoi hou mai ia me ia ma keia manawa. Aole o Veki maloko o ka hale ma keia manawa a ua o Rupata i hoea aku ai, ua hala oia i ka holokaa me na kaikamahine a Hatinekona, elike me ia a ka makuahine o ka hoike ana mai iaia, a oiai e kau ana no i kona umauma ka manao no ke noi ana aku ia Veki e lilo mai i wahine nana, ua hoakaka koke aku la oia ia manao ona me ke kali ole a hoi mai 0 Veki. O ka mea pilikia nae i kana noonoo iho, ina nei no kona noi aku ia Vfekinia no ka lima o Veki pehea la oia e hoomaka aku ai i ke kamailio ana, he ninau paakiki loa ia iaia ia manawa, aka nae, mahope o ka hala ana o kekahi mau minuke iaia <> ka noonoo ana, me ka hele ae la o kona helehelena a haikea, a i lilo ai hoi ia helehelena ona i mea haohao na Mrs. Alekanedero, malia, ua loaa paha ua o Rtipata i ka ma'i, i mai la: "Ke manao nei au ua lilo paha na'ea o kou onehanau ia oe 1 hoi aku ai i -kumu hoanoe i kou ola kino, e Mr. Hamiletona, uo ka mea, akahi ka hoi ke anoe maoli o kona helehelena a'u e ike aku nei," wahi a Vekinia o ka pane ana mai, "aohe maikai o kou helehelena a'u e ike aku nei; aole hoi oe pela me keh manawa a'u i ike hope ai ia oe." "Aole no ke ea o ko'u onehanau ke kumu anoe o ko'u helehelena au e ike mai la, e Mrs. Alekanedero, aka no kekahi kumu okoa no; i ko u ike ana o oe hookahi wale no ko kou hale nei ua hookikinaia mai au e kekahi manao huna e hoike aku imua ou i kekahi mea, a eia nae, ia'u i makaukau loa iho !<i e hoopuka aku ia manao ua nele loa au i ka manao koa e hoike aku i ka mea huna," i pane aku ai o Rupata. Aole au i manao e lilo ana au i mea hoolalapa aku i ka manao maka'u iloko ou a i ole i kekahi mea okoa ae paha." i hoakaka mai ai o Mrs. Alekanedero. "Aole oe i lilo i mea na'u e maka'u aku ai, aka, i ka manaw.i o na manaolana o kekahi i hookunanaia ai, he hana paakiki na kekahi ka hoao ana e kamailio ae 110 ia mea," i pane aku ai o Rupata me ka manao kuoo; alaila i hou aku la me ka hoopeepee ole i kona manao, "malia paha ua loaa no ia oe kekahi manao hoohuoi mamua nei no ka lilo o kau kaikamahine i mea aloha nui na'u. Mai kela manawa mai a'u i halawai mua ai me ia ma Kaieponi, ma kela kau wela aku nei i hala, mai ia manawa mai ko'u haulehia ana i ke aloha nona, a no k ekahi manawa loihi i hala ae nei ko'u kakali ana no kau apono ana mai no kona lilo mai i mea aloha na'u i kekahi la. He manaolana ko u e hgjawai ana la hoi āu me oe i ke kttpulau aku la i hala ma Nu loka, eia nae ua hoohoka loa ia mai au mamuli o ko olua haalele koke ana ia Nu loka ma ko'u manawa 1 hoi mai ai, a oiai aohe maopopo ia'u o ko olua wahi o ka hele ana, ua hoohoka loa ia mai au no ia hui ole ana me oe a noi aku ia oe ia Veki na'u. ' (Aole i pau.)