Ka Nupepa Kuokoa, Volume LXII, Number 26, 28 June 1923 — Hoehaia Ae he Wahine Kepani ma Kona Home Manao Wale Ia na Kekahi Paahao Holo Mahuka Kela Hana Maluna Ona KULIKE NA HOIKE ME KELA PAAHAO Lilo Nae i Hana Nui ma ka Aoao o na Makai ka Huli Ana Aku Iaia [ARTICLE]

Hoehaia Ae he Wahine Kepani ma Kona Home

Manao Wale Ia na Kekahi Paahao Holo Mahuka Kela Hana Maluna Ona

KULIKE NA HOIKE ME KELA PAAHAO

Lilo Nae i Hana Nui ma ka Aoao o na Makai ka Huli Ana Aku Iaia

Ma ka auwina la o ka Poalima aku nei i hala, i hoehaia ao ai kekahi wahine Kepani maloko o kona home ma Moaaalua, e kekahi kanaka i hoohuoiia, o Joseph Kahakai, he paahao i holo mahuka mailoko aku o ka halepaahao, ma-ke awakea o ka Poaha mamua aku.

O na lioakaka apau a kela wahine no ke ano o ke kanaka nana i hoopoino iaia, ua kulike loa mo ko Joseph Kahakai ano, eia nae ua lilo i hana nui ma ka aoao o ka oihana makai, ka hookolo ana aku mahope o kona meheu, e paa hou ai oia i ka hopuia. Ma ka liora umi-kumamakahi a oi o ke awakea o ka Poaha, i holo mahuka mai ai o Jo9eph Kahakai mailoko mai o ka halepaahao, mamuli o ka pinana ana maluna o ka pa me ka ike ole ia e na kiai. Ma ka oleloia, o kela kekahi o na paahao ino loa, a o ka ekolu iho la kela o kona holo mahuka ana. Ua ahewaia oia a hoopa'iia, no ka hewa wawahihale, malalo o na kumu hoopii elima; a ina nei no koha noho maloko o ka halepaahao me ka mahuka ole, alaila iloko o ka mahina o lulai, o ka 1931 e hookuuia mai ai oia. Ua noho aku o Joseph Kahapai iloko o ka halepaahao no ka hana ana i kona hoopa'i, ma ka la 2 o lune, 1914, a o ka manawa elua o ka holo mahuka, ana ma ka la 9 o ka mahina o Maraki o ka 1922, a o koia iho la ke kolu o' ka manawa. Ma kela manawa hope a Joseph Kahakai o ka holo mahuka ana, he mau paahao hou ae kekahi elua me ia, a maloko o kekahi ana lakou kahi i noho ai, me ka hele ana mai no keia kulanakauhale e aihue ai i ka po, a i ko lakou wa i loaa aku ai, i na makaikiu, ua nui maoli ka lakou mau waiwai o ka aihue ana, a i hoahu ai maloko o ke ana.