Ka Nupepa Kuokoa, Volume LXII, Number 26, 28 June 1923 — MA KEIA POALIMA KA HUAKAI MAKAIKAI NO HAWAII. [ARTICLE]

MA KEIA POALIMA KA HUAKAI MAKAIKAI NO HAWAII.

Mamuli o ka loaa ana o kekahi ulia i ka mokuahi Haleakala, o ia ka hemo ana o kekahi o kona epaepa, ua hoopaneeia ka huakahi lawe ika poe makaikai no Hilo, mai ka Poalima aku ia i hala, a i keia Poalima iho. E haalele iho ana ka Mokuahi Haleakala, ma ka -hora elima o ke ahiahi o keia Poalima, a ku aku no Hilo, ma ka hapalua o ka hora ehiku o ke kakahiaka ae o ka Poaono. I ka hoea ana aku o ka poe makaikai no Hilo, e kau ana lakou maluna o 'ke kaaahi, no ka hele makaikai ana i Hamakua, a huii hoi hou mai no Hilo no ka paina awakea ma ka hokele, a mahopo o ka paina awakea, o kau ai na malihini maluna o na kaa otomobile, a hele e makaikai i na wahi pana o kela kulanakauhale, a holo loa nouka o ka luapele. Mauka o ka hokeie o ka luapele, na malihini e hoaumoe ai ma ia po ana iho, a mahope o ka aina ahiahi, e kau ai maluna o na kaa otomobile, me ka hele ana e makaikai i ka luapele i ka po, a i ka huli hoi hou ana uo ka hokele o ka luaopele, e hoonaneaia ana na mea apau ma ka hoohala ana i kekahi mau hora o kela po, ma ka hulahula, a ma ka hoolohe ana i ka poe hookani pila.

Mji ke kakahiaka ae o ke Sabati, e lawe hou ia ai na malihini i ka hoomakaikai maluna o na kaa otomobile, alaila huli hoi loa mai no Hilo, a ma ka hora eUma o ke ahiahi, e kau hou ai maluna o ka Haleakala, a huli hoi mai no Honolulu nei, e hoea\nai ai ma ke kakahiaka ana ae o ka Poakahi, lulai 2.

Oiai ma Hilo na lealea heihei i keia makahiki no ka Piilnulai, e haalele hou iho ana ka Haleakala ia Honolulu nei, ma ka hora elima no oia ahiahi Poakahi no, no ka lawe ana i ka poe, e makemake ana e ike i na heihei waapa o ka Pokiulai ma Hilo, a ma ka hora elima o ke ahiahi o kela la, mahopo o ka pau ana o na heihei, e haalele aku ai ka Haleakala ia Hilo, a huli hoi mai me ko Honolulu nei poe, e ku mai ai ma ke kakahiaka o ka Poaha ae. Ka Huakai Makaikai no Kauai.

Ua hoike ne na lunanui o ka hui mokuahi holo pili aina, e hoomauia aku ana ka huakai makaikai no ka mokupuni o Kauai, iloko o keia kau wela, no ka pomaikai o ka poe apau o makemake ana e ike i na wahi kaulana o kela mokupuni.

E haalelo iho ana ka mokuahi, no keia huakai makaikai, ma ka hora ewalu o ka po o ka Poaha, a ma ka hora eono o kp kakaliiaka ao o ka Poalima, e ku aku ai no Ahukini. Mai Ahukini aku, kau maluna o na kaa otomobile, no ka hokele ma Lihue, malaila e hookipaia ai no ka paina kakahiaka, a kau hou maluna o na ka« otomobile no Haena, r.ie ka lawe pu ana o na mallhini i na meaai mama, e hoolakoia mai ana e ka hokele. I ka huli hoi ana mai Haena, Hanalei mai, e holo loa mai ana na maliĀini, no "Waimea, me ka hele makaikai ana ae, i ke puhi o Kukulula, Koloa, pola hoi ka makaikai ana ia Kukuiolono Paka, a hoaumoe aku ma ia po maloko o ka hokele o Waimea. Ma ke kakahiaka ae o ka Poaono, mahope o ka aina kakahiaka, e laweia ai na malihini nouka o Puukapele, e hoomakaikai ma na kaa otomobile, a huli hoi hou mai no ka hokele, no ka ai ana i ka aina awakea. Mahope o ka aina awakea, e hele ai e makaikai i ke one kani o No* hili, a pil nouka o Olokele, alaila huli hoi mai no Xiihue, a mailaila aku no Ahukini, a ma ka hora elima o ke ahiahl e kau hou ai mnluna o ka mokuahi, e kn mai ai no ke kulanakauhale nei, ma ke kakahiaka nui o ke Sabati ae. — O ka moohelu waiwai hope a Chun Oheom, ka lunahooko kauoha o ka waiwai o Leong Hoon, i make, ua aponoia ma ka Poakahi nei e ka Lunakanawai James J. Banks maloko o ka mahelo hooponopono waiwai o ka aha kaapuni.