Ka Nupepa Kuokoa, Volume LXII, Number 26, 28 June 1923 — EIA HOU UA KEIKI HAWAII KAULANA I KA HIMENI [ARTICLE]

EIA HOU UA KEIKI HAWAII KAULANA I KA HIMENI

Eia malalo o ke a'o ana a ka Poropeka Joaquin S. Wanrell he keiki opio Hawaii nona ka inoa o Lot Kahele, a ma kana hoakaka o keia kekahi o na keiki Hawaii kaulana aku ana, ma ka himeni, ma keia hope aku. Wahi a keia polopeka himeni, he oi aku ka ikaika ame ka nani o ka leo o Lot Kahelo mamua o ko Kaohu McKenzie, eia nae ua like nc ke kiekie o ko laua mau leo, 0 ka mea wale no i oi aku ai o ko McKenzie, mamuli o ka loihi o ka pakaia ana, a ma kona manaoio, e 01 aku ana ka nani ame ka maikai o ko Lot Kahele leo, ke loihi kona pakaia ana. No ka haawi ana aku i kekahi manawa maikai loa no ka lehulehu e lohe ai i ka leo o keia keiki himeni o Hawaii nei, e waheia ana he ahamele, ma ka po o keia Poaha, maloko o ka halepule Kakolika, mawaho ae nei o Punahou, a e hui pu ana ma kela ahamele, kekahi mau puukani e ae, me ke komo pu o ka Poropeka Wanrell e himeni. O ka poe i lohe i ka himeni ana 0 Lot Kahele, ma kekahi mau anaina hoohauoli, ua hooia mai lakou, 1 *ka nani ame ka u'i maoli o ka leo o keia opio, a o kana himeni ana, hc kauaheahe malie wale mai no ka nana k\a, me ka auku ole o kona poo, eia nae ma kona leo, he keu aku ke kiekie iluna, me ka haanou ola i kona wa e himeni aL