Ka Nupepa Kuokoa, Volume LXII, Number 26, 28 Iune 1923 — Nuhou Kuloko [ARTICLE]

Nuhou Kuloko

He $50 ka hoopai a ka Lunak&nawai o ka aha federala Jobn De Bolt o ke kau ana mal maluna o Mrs. Uahi Kakazu no ke kue kanawai hookapu waiona ma ka Poakahi nei.

Ahiki mai i ka Poakahi iho nei he 32 ka nui o na hoopii okimare o keia mahina i hookomoia ae i ka aha a Lunakanawai John R. Desha; o ka malama ole i ke ola, ka haalele wahi moe ame ka hoeha ka hapanui o na kumuhoopii okimare.

Pihakui i na kanaka ka luakini o Kawaiahao ma ka halawai ahiahi o ka po Sabati nei, a ku i ka nani na himeni mai na papa himeni mai o Kawaiahao, ko Hilo mai, ko Kauai ame ko Kalihi-Moanalua, O ke Kiaaina Farrington ka mea haiolelo ma īa po, a na Rev. S. L. Desha i unuhi, ma na mea ano nui, kana haiolelo.

Ko ka lilo nui o kekahi wahi o ka nupepa i na kanawai o ka ahaolelo, ua hiki ole ke loaana wahi kaawale e hoopuka aku ai i na palapala i kakauia mai e na makamaka, e hoopukaia aku ana no nae i ka wa pono e loaa ana.

Ma ke ahiahi nei, i huli hoi aku ai ka Lunakanawai D. K. Wailehua ame ka Rev. S. K. Kaailua no ko laua mau home ma Maui; pela pu hoi me kekahi mau hoa o ka ahapaeaina o Maui Hikina.

Ma ka hora eiwa o ke kakahiaka 0 keia Poakahi ae } lulai 2, e malama ae ana ka Ahahui Kaahuinanu 1 kona halawai kumau ma kahi mau ma ka Halepule o Kawaiahao, e ajawa ae e na Kaahumanu, i ka hoolaha e puka aku nei ma kekahi wahi 0 keia pepa. He ahamele me hoikeike tabalo ame hulahula ka ke Kalapu ka I'a Hamau Leo, maloko o ka Hale Hui Phoenix, ma ka hora ehiku me ka hapa o keia po Poaono iho, lune 30; aohe hewa o ka naue ae malaila, 1 ike i ka po le'a o Halalii. Ma ka hora ekahi o ka auwina la o keia Poalima, e noho ae ai ka papa o na lunakiai, no ka noonoo ana i ka papa ukuhana o na limahana, maloko o ke keena hanawai mau o ka papa. Ma na hoike i loaa mai i keia kulanakauhale, o ke kulana lunahoomalil no ka papa lunakiai o ke Kalana o Hawaii, ke kulana ano nui loa, e alualuia mai ana ma keia kau koho wae moho ae, o na iuna oihana o na kalana. He ahamele ka ka papa himeni 0 Haili, Hilo, Hawaii, e haawi ae ana maloko o ka Hale Miaiona Memoriala, ma ka hora ehiku o keia po Poaha, a e komo pu mai ana kekahi mau kalapu himeni, me kekahi mau puukani o keia kulanakauhale, ma ke kokua ana i kela ahamele. E noho ae ana ka halawai a ka Ahahui Pailina o Kaiaepohaku, ma kahi o Mr. D. Maunakea, ma ka hapalua o ka hora elua o ka auwina la o keia Sabati Iho, lulai 1, 1923, ua makemakeia ka poe apau i kuleana i kela pailina, e hoea ae ma ia halawai. Ma ka mokuahp Likelike o ka Poalua nei, i huli hoi aku ai ka Lunakiai Joseph Uahinni o Molokai, no kona home ma Kaunakakai, oia kekahi lala o ka aha paeaina 1 noho iho nei ma keia kulanakauhale.

Mahope iho o ka hoohala ana i kekahi mau la ma keia kulanakauhale, ma na hana o ka ahahui paeaina, i huli hoi aku ai ka Rev. D. P. Mahihila ma ka Likelike o ka Poalua nei no kona ekaleaia ma Kalaupapa, Molokai.

Ma Hilo, na lealea heihei waapa 0 ka Pokiulai i keia makahiki, e pau aku ana kekahi poe o Honolulu nei no Hilo, no ka ike kumaka ana 1 na heihei waapa e malamaia ana mawaena o na keiki o Hilo, me ko na hui heihei waapa o keia knlanakauhale.

Aole e emi iho malalo o 20 makahiki aole hoi e oi aku maluna o 30 lta hoopai i kauia aku e ka Lunakanawai Frank Andrade maluna o Juan Balaedo, ke,Poko .Riko i hoo piiia ae ai e ke kiur? kiekie teritore no ka hewa pepehikanaka ma ke degere kekahi ma ka Poalua nei no ka make ana o kekahi Poko Biko ma Kahuku.

Ma ka po o ka Poakahi, lulai 3, e noho ae ai ka halawai makahiki a ka Hui Kukulu Hale Pioneer me Hoaie Dala, no ka hoolohe ana i na hoike a na lunanui o ka hnl, pela hoi me ke koho ana i na lala hou o ka papa hooko, maloko o ke keena halawai o ka Ahahui Kalepa, ma ka Hale Kauikeolani, ma ke Alanui Moi, k.olcoke i ke al&nui Papn.