Ka Nupepa Kuokoa, Volume LXII, Number 26, 28 June 1923 — KA HOOKUKU HIMENI NO KA MAKANA. [ARTICLE]

KA HOOKUKU HIMENI NO KA MAKANA.

Ua loaa i ko ke kulanakauhale nei poe, he manawa maikai loa, e lohe ai i kekahi hookuku himeni nani loa, i malamaia e na papa himenl, o na mokupuni like ole, maloko o ka luakini o K/awaiahao, a ma ke kahua o ka Y. M. C. A., o ka koa. Ua kaa i ka papa himeni mai Haili mai, ke eo o ka hookuku himeni, no ke alualu ana i ka makana hae; a ua aha'i hoi ka papa himeni o Kauai, i ka makana kiaha; elike me na olelo hooholo, a na lunakanawai i haawi ae ai, ma kela mau hookuku ana elua. Me ke kamailio ole maluna o na olelo hooholo i hoopukaia e na lunakanawai, no na papa himeni i kaa ai ke eo ma kela mau hookuku ana; ke makemake nei keia pepa, e kokua aku i na papa himeni, ma kekahi mau loina ano nui, e pono ai ke malamaia, ma na hookuku himeni o keia mua aku, malia o lilo.keia hoonaauao ana, i kumu e hooiia ae ai ka nani o ke mele ana mai a na papa himeni, e komo ana iloko o ka hookuku ana, no keia makahiki ae. O ka mea mua loa e hoomanaoia e na alakai o na papa himeni, o ia 110 ka like o na leo apau ma ka hoomaka ana e himeni, e kaulike ai ,na leo apau, aole e nui loa kekahi leo, a uuku loa hoi kekahi leo, e hiki pono ai i ka lehulehu ke hoolohe mai me ka maopopo loa. 0 kekahi mea ano nui, o ia no ke ano o ka leo, o ka poe e himeni ana, e akahele loa, ma ke mele ana, aole ke kanai'a o ka leo, a kani wi paha i kekahi manawa, a i ole ia, haanou me ka nui o ka hanu; aka e mele me ka leo nui kupono, me ka o[uolu. , 1 ka himeni ana, e pau like na leo apau ma kekahi wahi, aole mamua kekahi leo, a mahope kekahi leo e pau ai, elike hoi na leo apau, ma ka hoopau ana i ka himerii. E hoopukaia na huaolelo me ka moakaka a e hoomaikaiia hoi ka himeni, ma ka hooko ana i na hoailona i kauia ma kela ame keia wahi, a i ole elike me ke akamai o ke alakai. Pehea ka nani ame ka maikai o kekahi himeni; pehea hoi ke kani o ka leo; ina aole e malamaia keia mau mea ano nui maiuna ae la, alaila he hana paakiki ka loaa ana o ka makana i kekahi mau papa himeni.