Ka Nupepa Kuokoa, Volume LXII, Number 26, 28 Iune 1923 — HOAO E ALO MAI KA OIAIO AE. [ARTICLE]

HOAO E ALO MAI KA OIAIO AE.

Ma lia pane a ka Meia John H. Wilson o ke Kulanakauhale a Kalana o Honolulu nei, no ka palapala hoopii a kekahi poe koho baloka o keia kulanakauhale, e hoopau mai oia i na Komisina Woods ame o'Connor, ua hoao oia e alo mai ka mea oiaio a pololei ae, ma ka. hookau ole ana i kekahi mau ahewa ana maluna o kela mau lala o ke komisina makai, na laua ka hoike i waiho aku imua ona e hookuu laelae ana i ka Makaikīu McDuffie, mai ka pili ana iaia o kekahi hewa, ma ka hoopiī hoohalahala a John D. Austin, no ka lawe i ka waiwai ki-pe. Ua kukulu mai oia i na aha hook&lokolo o kakou, ma ke ano hoohalikelike tne ke komisina makai, o ia hoi he hana kupono ole loa ka hoopau ana aku i na lala o kela komisina, ina ua kulike ole ka olelo hooholo i haawiia no kekahi hihia, me ka manao o na makaainana; a ma kekahi olelo ana ae hoi, aole e hoopau wale ia na hoa o kela komisina, ina no ua kulike ole ka hooholo ana ma kekahi hihia, me kona manao ponoi iho; o ka hoopau ana i na komisina makai, malalo q kela kumu, he alahele ia, e hoemiia mai ai ke kulana kuokoa o kela komisina. a e lilo ai paha i mea paani wale ia. E hoakaka pu ana ka Meia Wilson, malia paha ua lilo ka olelo hooholo a ka hapanui o ke komisina, i mea apono ole ia e ka hapanui o na makaainana, no ke kulike ole o ka olelo hooholo, me na oleloike; aka o ka loaa ole he mau hooia ma kekahi ano, no ka hookahua ana o ka hapanui o na lala o ke komisina i kela olelo hooholo ma ke ano pololei ole a hoopilimeaai paha, aole loa he pono e noonooia ka mea a na makaainana i manao ai. Ma ka mea oiaio maoli ua kaokoa loa ko kakou mau aha hookoiokolo, mai ke komisina makai mai. O na hana a ke komisina makai, o ia no ka nana ana i ke kupono ame ke kupono ole o ka poe e hookohuia inai no ka makai ame ka oihana kinaiahi, a e hoopau aku ina e pili ka hewa ia lakou; nolaila ua kaokoa loa ka hana a kela komisina mai ka na aha hookolokolo mai. Ara na oleloike i waihoia ae imua o kela komisina makai, ma ka hihia o ka Makaikiu McD«ffie, aole he mau hoohewahewa ana, no kahooiaioia ana o kekahi mahele o na kumu hoohalahala e ku-e ana iaia, aka nae ua hookuu laelae loa ia aku oia e ka hapanui o na lioa o kela komisina, mahope iho o ko laua hooikaika ana e komo pu mai ka lunahoomalu o kela komisina me laua. ma ke kapae ana i ka Makaikiu McDuffie no kekahi nianawa mai ka oihana makai ae. He hoike maopopo loa keia, no ka ae ana mai o kela mau hoa o ke komisina no ka pili o ka hewa i ka Makaikiu McDu(iie: aole nae i nana mai ka Meia Wilson i kela hana, elike me ia i hoikeia aku ai iaia e ka Lunahoomalu Trask; nolaila o kona hoomau ana aku i kela mau hoa o ke komisina makai,

ua hookau ae oia iaia iho, ma kekahi kulana maikai ole, e kaa okoa aku ai iloko o na mana koho, ka hooholo ana mai i ka mea a lakou i ike ai he pono. Ke minamina loa nei keia pepa, o ka mea a ka Meia Wilson, i hana aku ai no na hoa elua o ke komisina makai, i noiia aku ai oia e hoopau; ana nae i hooko ole mai ai i ka makemake o na makaainana, e ili aku ana ka auamo ana o na ko'iko'i maluna ona, no ka mea he mana ko na makaainana ma ka pahu baloka ma keia kau koho o na luna oihana o ke kulanakauhale.