Ka Nupepa Kuokoa, Volume LXII, Number 26, 28 Iune 1923 — HE MOOLELO NO ALIKA A I OLE Ke Ao Omamalu o Kekahi Karaima Pohihihi Mamuli o ka Manao Lili [ARTICLE]

HE MOOLELO NO ALIKA A I OLE Ke Ao Omamalu o Kekahi Karaima Pohihihi Mamuli o ka Manao Lili

"Ua maopopo ia'u. o na olelo au e Lola i kamaiiio mai nei, aole ia he mau olelo palaualelo wale 110, aka mailoko liio mai ia o kou puuwai. a ina paha he mana kekahi ma ka honua nei, i hiki ke hoololi ae i kou mau manao paa, alaila he mea hiki ia ke hanaia," wahi a ke Kenerala Vona Odela me ka leo kaumaha. "Aole he mea ilia ka honua nei, i hiki kc hoololi ae, i na olelo i hoopukaia aky nei imua ou, a o ka'u wale no e noi hou aku nei ia oe, e huikala mai ia'u," wahi a Lola me kona ike maoli aku i ka nui o ke kaumaha iloko okt aliikoa. Me kela mau olelo i kamailioia mai e Lola, hiolo makawalu mai la na kulu waimaka a kihe'ahe'a ae la wa kona mau papalina. ka mea hoi nana i hoopoina ae i na manao ehaeha iloko o Kenerala Vona Odela, a lalau mai la oia i ka haina-ka c paa ana iloko o ka lima o Lola, a holoi ac la l na waimaka mai na papalina ae o ka wahine opio. "Auhea oe e kuu aloha; e hoopau i ka hookahe ana i kou mau waimaka, no ka mea ua kaa ka hewa ma ko'u aoao, a aole a'u mea e huikala aku ai ia oe ; a mai hookaumahaia hoi kou noonoo, no kau mau mea i kamailio mai nei, aka e hoao no au c hoomanawanui elike me ka hiki ia'u, i wahi e hoomamaia ae ai na manao ehaeha iloko o'u." Ma kahi nae o ke aea ae o ke poo o Lola iluna, a i ole pane mai paha i na olelo a Kenerala Vona Odela, ua huli ino aku la oia i kahi e, me ke kalele ana aku iahope o ka noho, a oi loa aku la kona noke ana i ka uwe.

Aia ke Kenerala Vona Odela ke nana pono loa mai la maluna o Lola me ka piha i na manao aloha no ka wahine opio, a o ia ka ua kanaka nei o ke kamailio ana mai: "E hoao oe e kuu hoaloha, e hoopoina i na m£a apau i kamailioia mawaena o kaua i keia po; e hoopoina loa hoi, i ka'n mati hana hoehaeha i kou noonoo, mamuii o ko'u hua'i okoa ana aku nei ika nui o ko'u aloha nou. Maluna iho o u na ahewa ko'iko'i e pono ai, no ko'u lilo ana, owau ke kumu e hookaheia ai kena mau waimaka makamae. He nani ia, ua hoike mai nei oe i ka mea oiaio loa, aole e hiki ia oe ke aloha mai ia'u, o ka'u wale no e nonoi aku nei i kou oluolu, c lilo j kaua i mau hoalolia oiaio loa» j "He kanaka au i komo iloko o na kaua hahana loa me ko'u mau enemi, me ke kaa mau ana o ka lanakila ma ko'u aoao, o keia wale no ka paio i haulehia ai au, aka nae elike me ke, ano o ke kanaka koa loa, pela au e olelo aku nei ia oe, ua oi ae ka haaheo iloko o kuu uhane, mamuli o ko'u hoomaopopo | ana i ka nui o kuu aloha ia oe; ina ia no ko kaua lilo wale no 1 i mau hoaloha, mamua o kuu ike ana aku, aole loa au e kapa hou ia mai, he hoaloha nou. ! "Elike me ka loihi o ko'u ola ana aku, he mea pono e ku-! paa au maluna o kela aloha i loaa ia'u nou, a me ia aloha auanei au, ahiki i kuu make ana; a na ke Akua no e haawi mai ie'u i ka ikaika, e hiki ai lee hoomanawanui » na haawina fehaeha e kau mai ana maluna o'u. "Aole he mea maikai no'u ka noho loihi ana iho me oe maloko nei o keia wahi, he mea hoomahuahua aku ia i kou kaumaha, aka e hookuu mai oe ia'u, a maanei no au ma kēia hope aku, a kaua e hui hou ai ma ke ano he mau hoaloha oiaio. a iloko o ia hui hou ana, aole he mau waimaka e hpokaheia. aole hoi he mau haawina hoehaeha maluna o kaua pakahi." Me kela mau olelo hope, lalau iho la o Kenerala Vona- Ode!a i ka lima o Lola, a hoopili ae la ma kona mau lehelehe, o kona haalele aku la no ia i ka wahine opio, me ka puka ana mai iwaho, mahope o ke pani ana aku i ka puka o kela keena a paa. me ka haalele hookahi ana aku ia Lola maloko, e hoonana i kona mau manao kaumaha, e komo ole aky ai na inanao hoohuoi iloko o na malihini, i kona wa e oili mai ai a ku imua o lakou. MOKUNA XIX. O ka noho hoi ia o Lola ahiki i ka hoomamaia ana ae o kona mau manao kaumaha, pela hoi ka maloo ana o kona mau waimaka, o kona ku ae la no ia iluna, a hele mai Ia e huli i ka Madame Vana Dona, no kona makemake, e noi aku i kela wahine oluolu, e hookuu mai iaia e hoi no kona mau rumi, aole hoi e hoomau aku i ka noho ana me kela poe hanohano, ahiki i ka hookuu ana o na hana hoohauoli o kela po. O Akeneki nae ka mea mua loa i loaa aku i ua o Lola, a hoike koke aku la no oia, no kona makemake e hoi no kona mau rumi, ke lilo ole nae ia, i mea na ka Madame Vana Dona ame kana kaikamahine e ku-e mai ai; a oiai ua ike mai o Akeneki, i kekahi nanaina maikai ole maluna o ka helehefena 0 kona hoaloha, o ko laua nei hele koke aku la no ia e huli 1 ka Madame Vana Dona. Aole no ia he hana paakiki, ua loaa koke aku la kela wahine ia laua nei, a i kona lohe ana mai, ua makemake o Lola e hoi koke mamua o ka pau ana o na hoohauoli, ma kela po, haawi koke mai la ka Madame Vana Dona, i kona ae, me ko lakou hele ana aku no ke keena komo lole, no ke kii ana i ko lakou mau koloka. Oiai nae lakou e hookokoke aku ana i kela keena, heaha la ia alawa ana mai a Lola ihope, ike mai la oia i kekahi kanaka e hahai aku ana mahope o lakou» o kela kanaka malihini no ana i ike ai iwaena o ke anaina, iaia e ku mai ana mailuna mai o kahi himeni, a o ke kanaka hookahi no hoi, e noho pono aku ana mamua o kona alo, ma kekahi aoao mai o ke pakaukau ia lakou e ai ana ma kela po. Aia no nae na wahine ekolu ke hele la, a o ka Madame Vana Dona, ka i komo mua aku iloko o ke keen'a komo lole, 0 Akeneki aku mahope ona, a mamua o ko Lola komo ana aku iloko, hoopa aku la kekahi mea ma kona poohiwi, a iaia 1 huli mai ai ihope, ike mai la oia i ke keonimana malihinii e ku aku ana mahope ona. Me ka piha paarula, i kunou aku ai ke kanaka malihini imua e Lola, me ke kalnailio pu ana mai: "E nonoi niua aku ana au ia oe, no kau mau huikala ana mai ia'u e Miss Perekona, no ka mea ua konoia mai au, e hopu ia oe, malalo o ka mana ame ka makemake o ke kanawai o ka aina." Ia Lola i lohe maopopo mai ai i kela mau olelo i kamailioia aku iaia, aole e hiki iaia ke pane koke mai, aka nae maopopo mai Ia iaia, ke kulana oiaio o keia kanaka ihalihini, oia no kekahi o na niakaikiu, i hoounaia no ka huli ana iaia, no kela hihia pepehikanaka, a Mrs. \\*adona, i waiho aku ai iloko o na lima o na kanaka o ke aupuni. Ua hele niaoli ua o Lola a haikea, iaia i hoomaopopo iho ai i kekahi kulana ehaeha loa i kau aku maluna ona, ēia nae ke hoao la oia ma na. ano apau e hooikaika, i wahi nona e maule ole iho ai, a i ka loaa ana iaia, o ka ikaika kupono e pane mai ai i ke kanaka o ke aupuni, kamailio mai la:

"Heaha la hoi, aohe mea hiki ia'u ke hana no'u iho i keia manawa, koe wale no ka hooko ana aku i kou mau makemake apau; aka no ka pono nae o kuu mau hōalohā, ina ia he mea oluoluia mai e oe, alaila o ka'u nonōi wale no, e n6h<> hamau oe, me ke kamailio ole ae, no kou hopu ana ia'u, ahiki ike kakahiaka o ka la apOpO." —

Haawi aku la ka. makaikiu i kona apono i kela noi a Lola, ma o kona kunou ana aku, me ke kuemi ana mai hoi ihope he elua mau kaina wawae, a hookuu aku la ia Lola e komo iloko o ke keena a ka makuahine ame kana kaikamahine e kakali mai la iaia, me kela manao mau no nae i|oko ona, e makaala mai ana no kela makaikiu i kana lawehala. I kela komo ana aku o # Lola iloko, ua hopu koke mai la o i kona lima no ka mea ua lohe mai o Akeneki. i na j olelo a ka makaikiu, o ke kamailio ana mai no ka hopu ana | ia Lola, a ninau koke mai la. 1 "Ee, heaha ka kela kanaka i kamailio mai nei ia oe? Ua kamaaina mua qo anei oe iaia? Ua lohe aku nei au i kona olelo ana mai nei, no ka hopu ana ia oe; a no ka niH aku o kana mau olelo, aole au i lohe, i ka liilii loa o kona leo." Nui iho la ko Lola hanu, no ka mea aole oi% i manao, e lohe kona mau hoaloha no kona hopuia ana m akela po, ua hiki ole nae iaia ke huna hou iho, oiai ua lohe o Akeneki i na olelo a ka makaikiu, nolaila he mea makehewa wale no ka huna ana iho i na mea oiaio, a no kona ulolohi loa nae i ka pane ana aku, ia wa i ninau hou mai ai o Akeneki: "Ē Lola, heaha ka manao maoli o na olelo a kela kanaka i kamailio mai nei ia oe, no kona hopu ia oe?" Kau aku la ka Lola nana ana ma na maka o kona hoaloha, aia hoi na manao ehaeha iloko ona, no kona lilo ana i mea hoopilikia aku i ke kaikamahine me kona makuahine, na mea hoi i lawe aku iaia nei, i hoaloha maikai loa no laua, alaila pane aku la: "Auhea oe e Miss Vana Dona, mahope iho o ko'u noho aie ana ia oe ame kou makuahine, no ka olua mau hana maikai a oluolu no hoi ia'u; he hana maikai ole na'u, ka halihali ana mai, a hookau aku i na haawina hoehaeha maluna 0 olua; aka nae, no kau ninau no kela kanaka ea, he makaikiu oia, a ua lilo au i keia nianawa he lawehala malalo o kona mana." "Auwe no ka hoi e! Heaha iho la ke kumu oka hopu ana mai o kela kanaka ia oe?" wahi a Akeneki, me ka piha i ke kahaha. "E kamailio e kuu hoaloha, o lilo auanei ka nunui o ko kaua mau leo, i kumu e piha mai ai oloko nei o keia keena 1 na kanaka, Ke hoomanao nei no a'nei oe, i kela ahiahi mua loa a kou kaikunane i huli hoi mai ai mai Nu loka mai, a hoike mai ai i kekahi nioolelo, no kekahi kaikamahine opio i manao wale ia, nana i hana i kekahi karaima weliweli loa?" Puliki mai la o Akeneki i na lima o Lola, iaia i ike mai ai, i ka hele maoli o kona hoaloha a piha i ka haalulu, alaila i mai la: "Ae, aole au i hoopoina i na mea a kuu kaikunane i kamailio mai ai ma kela po." "O ka hoahanau, i holo mahuka ai, owau no ia. He hoahanau o Alika Wadona no'u, a ua lawe mai au iaia me he kaikaina ponoi loa no'u mailoko mai o ka makuahine hookahi. Ke hoomanao nei oe, no kela maule ana o'u, maloko o kou home, aole ia malalo o kekahi kumu e ae, aka no ka hiki ole ia'u ke noho malie, a hoolohe aku i kekahi moolelo ku i ka lokoino, ka mea a'u i hana ole ai. Owau keia o Lola Perekona." "He keu aku maoli no a ko'u hupo, aole he wahi mea a haili mai iloko o'u, i ke kumu o kela maule ana ou, pela hoi kou piha i ke pihoihoi, a pela me ka nahae ana o ka buke, i pane mai ai o Akeneki, me ka manao aloha nae no kona hoaloha. Ke mau la no ka paa o Akeneki i na lima o Lola, he mea kau la, elike me ka nui o na wahine opio o ke kulana hanohano, i ko lakou wa e lohe aku ai no ka lawelaweia o kekahi hana karaima, a paa paha o kekahi o ko lakou mau hoaloha i ka hopuia, a nanakee mai iaia nei, aole nae pela o Akeneki, me he mea la, aole loa he wahi manao hoohuoi iki iloko ona, no ka pili o ka hewa ia Lola, a o ia kana i ninau mai ai:

"Pehea, ua pili anei ka hewa ia oe c Lola, elike me na moolelo a na nupepa i hōike ae ai i ke akea?" "Imua ou e Akeneki, a imua hoi o na Lani, hoole aku nei au aole loa i pili kekahi wahi kiko eleele o ka hewa maluna o'u. Ua aloha aku au ia Alika, kuu hoahanau, me kuu puuwai apau, ua oi aku ko'u inu maoli ana ae i ka laaumake mamua 0 ka hoao ana e hooko aku i ke karaima, i kahihi, wale ia mai alaila hookahe okoa mai la o Lola i na kulu waimalea, o ke aloha i kona hoahanau. Apo mai la o Akeneki i kekahi lima ia Lola, a hoopili aku la imua o kona alo, me ka hoopili pu ana mai hoi i kekahi papalina ma ke poo o kona hoaloha, alaila kamailio mai la 1 na oleio hoolana i ka i ana mai: "Ua maopopo ia'u, aole loa oe e kuu hoaioha, i lawelawe ike karaima i hookau wale ia mai maluna ou; a o ko'u hookomo ana mai i kekahi manao hoohuoi nou ua pili ia'u kekahi hewa ko'iko'i loa, E hoolana i ka manao e kuu Lola; e hele hou kaua e ike i kela makaikiu, a e hoakaka aku imua ona na mea oiaio apau, e kaawale ae ai na ao omamalu o ka hoohuoi mai ia oe ae." Hoao mai la o Lola e minoaka, rio kona ike ana mai, i ka noonoo o kona hoaloha, me kona pane ana mai nae: "Aohe waiwai o ka hoao aku e kupale no ko'u pono imua o ke kanaka o ke aupuni, no ka mea he hooko kauoha wale no kana hana; a i hoike aku no au ia oe i ka mea oiaio loa, aole au e kaia i upu ai, no ka hoea mai i keia hopena, mahope o kuu lohe ana i ke kamailio o kou kaikunane, no ka hoounaia ana mai o na makaikiu, no ka huli ana ia'u." "Ee, he keu aku maoli no a kou koa, ina palia owau ma kou wahi, pela ko'u ike ana, e hoea mai ana i ka wa e hopuia ai e ka makaikiu, e maule okoa ana au,, a i ole e make okoa ana paha, aole nae ka mea i ikeia nou, he kakaikahi loa paha na wahine elike me kou ano." No na olelo oluolu a Akeneki, ua hiki ole ia Lola ke kaohi iho i kona mau manao hoomaikai, nolaila honi okoa aku Ia oia i kona hoaloha, a i aku !a: "Pehea Ia e hiki ai ia'u ke haawi aku i na mahalo piha pono, no ka nui o kau mau hana hooluolu i ko'u mau manao ēhaeha, iloko o ka wa o ke kaumaha; a ua lilo maoli no oe e, Akeneki, i mea hoomama mai ia*mau haawina, i kau iho maluna o'u.~ Maluna ou e Ak«neki ame kou makuahine, ka'u mau hoomaikai palena ole; a ke lana nei kuu manao, aole e lilo keia hopuia ana o'u, e ke kanaka o ke aupuni, i kumu t hookomoia aku ai olua iloko o kekahi kulana maikai ole a ko olua mau hoaloha e nema mai ai. ■ "He mea pono e haawi aku au i ko'u aloha hope ia oe ame kou makuahine maloko nei o keia rumi, a hele hookahi aku au me ka makaikiu, no ka mea he pio ay nana, ma keia ano auanei, e ike ole mai ai ka nui o na maHhini maloko nei o keia hale." "Aole loa au e ae aku ana e hookuu ia oe, no ka me*. o nuua ka mea nana i lawe mai nei ia oe no keia wahi, a n* matia no e hoihoi aku ia oe, e kakali malie oe pela, a e hele *e au e (īuH ia mama." (Aole i pau) ,