Ka Nupepa Kuokoa, Volume LXII, Number 26, 28 Iune 1923 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA
Na Kanawai Kau o 1923
KANAWAI 134.
[B. H. HELU 341.]
HE KANAWAI
E Hoololi Ana i Ka Pauku 49 o na Kanawai i Hooponopono Houia o Hawaii, 1915, e Pili Ana i ke Koho Baloka.
E Hooholoia e ka Ahaolelo o ke Teritore o H’awaii:
Pauku 1. O ka Pauku 49 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai peni:
“Pauku 49. Kukala. Aole e emi iho malalo o kanaha la mamua o kekahi koho baloka teritore, e hoopuka aku no ke kiaaina i kekahi kukaia koho baloka ana a e hoouna aku i na kope o ia mea i na papa lunanana apuni ke teritore a i ole i na wahi e malamaia aku ana ia koho baloka ana.”
Paoko 2. E mana no keia Kanawai mai a mahope aku o ka la o kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 135.
[B. H. HELU 346.]
HE KANAWAI
E Hoololi Ana i na Pauku 63 o na Kanawai i Hooponopono Houia o Hawaii, 1915, e Pili Ana i ke Koho Baloka Ana.
E Hooholoia e ka Ahaolelo o ke Teritore o Hawaii:
Pauku 1. O ka Pauku 63 o na Kanawai i Hooponopono Houia o Hawaii, 1915, ma keia ke hoololiia nei ma o ka paku’i ana aku mahope o na huaolelo “O ko’u mau makahiki he …. makahiki. Ke noho nei wau ma …….” maloko o ka lalani 11 o ka pauku i oleloia, ma ke ano he palapala hoohiki i ke noi ana aku e hoopaa inoa, i lalani hou e ikeia o ka lalani 11A, e heluhelu ana peni: “O ka’u hana e ……..”.
Pauku 2. E mana no keia Kanawai mai a mahope aku o ka la o kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 136.
[B. H. HELU 376.]
HE KANAWAI
E Hoololi Ana i ke Kanawai 7 o na Kanawai o ke Kau Kuikawa o 1920, e Pili Ana i ke Kauka Hoomaemae Niho
E Hooholoia e ka Ahaolelo o ke Teritore o Hawaii:
Pauku 1. O ka Pauku 1 o ke Kanawai 7 o na Kanawai o ke Kau Kuikawa o 1920, ma keia ke hoololiia nei i heluhelu ai peni:
“Pauku 1. Owai la ke lilo ana i kauka hoomaemae niho. O kela ame keia mea e noho maikai ana, i loaa ka hoonaauaoia ana iloko o kekahi kula nui no hookahi makahiki a i ole kona mea like, a he umi-kumamawalu makahiki a i ole oi aku kona mau makahiki, a he me ai hoopuka ia mai kekahi kula a’o hoomaemae niho i aponoia e na kauka nana, a i ole he mea i puka mai kekahi kula a’o malama ma’i i kukuluia a i maopopo a ua loaa aole i emi iho malalo o ekolu mahina maloko o kekahi kula a’o i na mea pili ola no ka hoomaemae niho i aponoia e na kauka nana, ua hiki no, i ka uku ana mai i umi-kumamalima ($15.00) e noiiia e ka papa i oleloia maluna o na kumuhana i manaoia he kupono e ia no kona ikeia he kauka hoomaemae niho. O ia noiia ana, ua hiki no ma ka manao ana o ka papa, e lawelawe m ao kekahi hapa o na lala o ka papa i kela ame keia manawa. Ina o ka mea noi, i ka manao ana o ka papa, ua puka pono mai ia noiiia ana, e hoo@aaia kona inoa a e loaa aku kekahi palapala hooia i kona ike e lawelawe ma ke ano he kauka hoomaemae niho maloko o keia teritore. O na kauka hoomaemae niho apau e hoopaaia ana ko @akou inoa, mamua o ka hoomaka ana e lawelawe i kana hana e uku mua aku i ka papa i oleloia elua dala me kanalima keneka ($2.50) a e loaa mai a lakou mai i palapala laikini no ka lawelawe hana ana. Mamua o ka la 1 o Mei iloko o kela ame keia makahiki, o kela ame keia kauka hoomaemae niho apau e makemake ana e hoomaka a i ole e hoomau aku i ka lawelawe hana ana maloko o ke Teritore o Hawaii, e uku aku no i ka papa nana noii i kekahi auhau laikini o elua dala me kanalima keneka ($2.50) a e loaa mai kekahi laikini makahiki e hoomaka ana i ka la ekahi o Mei, a ma kahi o ka uku ole mai, ua hiki i ka papa, i ka hoolohe ana ame ka hoolaha ana no umi la, e hoopau i ka inoa o ia kauka hoomaemae niho no ka loaa ole mai o ka uku, aka o ka uku ana mai ia auhau i a i ole mahope o ka manawa o ka hooloheia ana me ka huina paku’i hou iho aole e oi aku mamua o umi-kumamalima dala ($15.00) elike me ia e hookauia aku ana e ka papa @oleloia, e hookuu aku no ia lawe waleia o ka laikini. Aole kekahi mea e lawelawe i ka oihana hoomaemae niho maloko o ke Teritore o Hawaii, ina paha me ka haawi wale a i ole no ka @kuia paha, a i ole e ae wale aku ana a i ole e hoohana ana, a @ole e hoolaha ana a i ole e hoike aku ana iaia iho ma ke akea a @ole ma kahi malu paha ua makaukau a i ole ua lawa e lawelawe @ana aku, ma ka loaa mua ole o ka laikini elike me na hoakaka @aloko o keia Kanawai.”
Pauku 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 137.
[B. S HELU 387.]
HE KANAWAI
E Hoololi Ana i ka Pauku 579 o na Kanawai i Hooponopono Houia o Hawaii, 1915, e Pili Ana i ke Komohewa Ana o na Holoholona.
E Hooholoia e ka Ahaolelo o ke Teritore o Hawaii:
Pauku 1. O ka Pauku 579 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
“Pauku 579. Na hoolilo, hoohu ana, a pela aku. Ma na ano apau i ka manawa e laweia ai kekahi holoholona no ke komohewa, @ na hoolilo pololei apau i ulu ae me ke kupono, a i ole e aeia me ke kaulike no ka hana no ka hopu ana, hoohuii ame ka lawe ana o ia mau holoholona i ka pa aupuni, a ma kahi o ka laweia ana o ia mau holoholona i ka pa aupuni, a me ka haawi ana i hoolaha i ka ona o ia mau holoholona e paku’iia iho maluna o na poho ame na pilikia i hoakakaia maloko o na pauku mamua ae nei; aka @ae, o ka auhau no ia hopu ana a i ole hoohui ame lawe ana ahiki i ka pa aupuni aole e oi aku mamua o hookahi dala ame kanalima keneka ($1.50) o ke poo hookahi.”
Pauku 2. E mana no keia Kanawai i kona aponoia ana.
Aponoia I keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 138.
[B. H. HELU 390.]
HE KANAWAI
E Hoomaopopo Ana no na Hana Hoonohonoho Huahelu ame na Hana o ia Ano, i na Hopuna Olelo “Kulanakauhale o Honolulu” e Ikeia no ua Like Kona Manao me na Palena i Ikeia o ka “Apana o Honolulu.”
E Hooholoia e ka Ahaolelo o ke Teritore o Hawaii:
Pauku 1. O na hana hoonohonoho huahelu ame na hana o ia ano, i mea e maopopo ai i na palena o waho ame na wahi maloko nei, o ka hopuna olelo “Kulanakauhale o Honolulu” e ikeia no ua like me ka manao o na palena aina i ikeia o “Apana o Honolulu” elike me ia ia weheweheia maloko o na lalani 50 ame 51 o ka mokuna 14 o na Kanawai i Hooponopono Houia o Hawaii, 1915.
Pauku 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 139.
[B. H. HELU 393.]
HE KANAWAI
E Hoololi Ana i na Pauku 1, 2 ame 3 o ke Kanawai 120 o na Kanawai o ke Kau o 1921, e Pili Ana i ke Komisina Moolelo.
E Hooholoia e ka Ahaolelo o ke Teritore o Hawaii:
Pauku 1. O ka Pauku 1 o ke Kanawai 120 o na Kanawai o ke Kau o 1921 ma keia ke hoololiia nei i heluhelu ai peni:
“Pauku 1. Helu, hookohu ana o na komisina. Eia ma keia ke kukuluia nei he komisina o ekolu lala e hookohuia e ke kiaaina o ke teritore, e kapaia ‘Ke Komisina Moolelo,’ e imi aku no ka hoonohonoho ana ame ka hoolaha ana i kekahi moolelo i kakau houia o ka lahui Hawaii ame kekahi buke a’o o na kula o ka moolelo Hawaii, a e lawelawe i na hana e ae e ikeia aku ana ma keia hope aku ; aka nae, o ia moolelo i kakau hou ia ame ka buke a’o kula aole e pa’iia a mahope o kona aponoia ana ina paha e ka ahaolelo o ke teritore a i ole e na kahu waiwai o ka Ahahui Moolelo Hawaii. Hookahi lala o ke komisina i oleloia e hookohuia maiwaena ae o na kumu o ke Kula Kiekie o Hawaii. O ia mau lala e lawelawe me ka uku ole, aka e loaa nae na uku kaahele kupono ame na hoolilo e ae elike me ka mea e hooliloia ana i ka lawelawe ana o ka lakou mau hana ma ke ano he mau lala no keia komisina. O ia komosina ma keia hoomanaia aku nei a ke kuhikuhiia nei e hana aku no ka loaa ana o ka houluuluia ana mai na wahi like ole mai e loaa ana, a e pa’i i kekahi moolelo hou o na lahui Hawaii ame kekahi buke a’o kula o ka moolelo Hawaii. Eia ke kominsina ma keia ke hoomanaia aku nei e hoolimalima i na kanaka ike elike ka nui me ka mea i makemakeia no na houluulu ana i na mea e kakauia ai ua mau buke nei, a e kuai aku i na buke i makemakeia, na palapala ame na mea no ka hana ana o ia mau buke. Ua hoomanaia ke komisina e hana aelike ma ke ano uku pakeneka me ka poe pa’i no ke pa’iia ana o ka moolelo hou ame ka buke a’o kula.”
Pauku 2. O ka Pauku 2 o ke Kanawai 120 o na Kanawai o ke Kau o 1920 ma keia ke hoololiia nei i heluhelu ai penei:
“Pauku 2. Na ke komisina i oleloia e noii a e houluulu i na mea e pili ana i na wahi, na mea i kukuluia, no kiahoomanao ame na mea maloko o ke Teritore o Hawaii he mau mea pili moolelo
waiwaiio a kupono, a e ku ma ke ano he kino a’o kuwaena no na mea e pili ana i ka malamaia ana; makaia ame ka hoihoi hou ana i na wahi waiwai no na moolelo. Eia ke komisina ke hoomanaia aku nei e a’o a e hana pu me na ahahui kuloko ma kana hana malama ana, maka ana ame ka hoihoi hou ana ia mau wahi, a e hana kaokoa iho no lakou iho ma kahi a na ahahui kuloko e ku ole ana, a e noi mai i ke kiaaina ame ka ahaolelo no na mea e pili ana i keia mau hana.”
Pauku 3. O ka Pauku 3 o ke Kanawai 120 o na Kanawai o ke Kau o 1921 ma keia ke hoololiia nei i heluhelu ai penei:
“Pauku 3. E lilo no i hana na ke komisina i oleloia ka loaa ana ame ka ohi ana i na lono kupono, na palapala ame kii e pili ana i ka hapa a Hawaii i lawelawe ai maloko o ke kaua nui mawaena o Amerika Huipuia ame kona mau hoa ame na mana waena o Europa ame ka houluulu ana ame ke pa’i ana i moolelo no ka hapa a Hawaii i hana ai maloko o ke kaua i oleloia.”
Pauku 4. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 120.
[B. H. HELU 403.]
HE KANAWAI
E Hoomana Ana i ka Papa Lunakiai o ke Kulanakauhale ame Kalana o Honolulu e Uku Aku i ke Koi a ka Young Brothers, Limited.
E Hooholoia e ka Ahaolelo o ke Teritore o Hawaii:
Pauku 1. O ka Papa Lunakiai o ke Kulanakauhale ame Kalana o Honolulu ma keia ke hoomanaia aku nei a ke hookuleanaia aku nei e uku aku i ka Young Brothers, Limited, i ka huina o elima haneri dala ($500.00) no ka hana ana o ka Young Brothers, Limited, ma ka hoopakele ana mai ke ahi ae i ke awa o Honolulu iloko o na mahina o Iulai ame Augate, 1922.
Pauku 2. E mana no keia Kanawai mai a mahope aku o ka la o kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 141.
[B. H. HELU 423.]
HE KANAWAI
E Hoololi Ana i na Pauku 3308 ame 3308A o na Kanawai i Hooponopono Houia o Hawaii, 1915, e Pili Ana i na Ahahui i Hoohuiia.
E Hooholoia e ka Ahaolelo o ke Teritore o Hawaii:
Pauku 1. O ka Pauku 3308 o na Kanawai i Hooponopono Houia o Hawaii, 1915, ma keia ke hoololi houia nei i heluhelu ai penei:
“Pauku 3308. Hoohana ana. O kela ame keia ahahui i hoohuiia e makemake ana e hoopau a e hookuu iaia iho, mamua o ka pau ana o kona palapala hookumu, ua hiki no e waiho aku i kekahi noi i ka puuku, i hui pu ia me kekahi palapala hooia e hoike aku ana ma kekahi halawai o na lala paa mahele, a i ole mau lala i kaheaia no ia hana, ua hooholoia, ma o kekahi o ekolu-hapaha o na lala a i ole poe paa mahele, e hoopau a e hookuu ma ke ano he ahahui i hoohuiia, a o ia palapala hooia e kakauinoaia e na luna nui ame ke kakauolelo o ia halawai ana. Na ka puuku e hookomo ia palapala noi ame palapala hooia ma na buke moolelo malok oo kona keena, a mahope o ka hoolahaia ma na bukemoolelo maloko o kona keena, a mahope o ka hoolahaia ana o ia hoolaha maloko o kekahi nupepa i paiia maloka o ke teritore ma ka olelo Beritania a i ole Hawaii a i ole o laua no a elua ana e manao ai o ia ke kupono, o ia hoolaha e paiia aole e emi iho malalo o hookahi manawa no ekolu manawa kailike o ekolu pule, a e hoomaka e noonoo ia mea, a i kona maopopo an ame ka lawa pono o ia koho ana i hooia ia mai ua kohoio iai a o na koi apau e ku-e ana i ka ahahui i hoohuiia ua hoohuiia ua hookaaia, e hoolaha ae ua pau ia ahahui i hoohuiia.”
Pauku 2. O ka Pauku 3308A o na Kanawai i Hooponopono Houia o Hawaii, 1915, elike me ia i hoololiia ai e ke Kanawai 57 o na Kanawai o ke Kau o 1915, ma keia ke hoololiia nei i heluhelu ai penei:
“Pauku 2308A. Hoopauia ana e ka puuku ma kekahi mau mea. Ina o kekahi ahahui i hoohuiia e nele ana a i ole hoohemahema no kekahi manawa o elua makahiki e waiho aku i hoike makahiki elike me ke koi a ke kanawai, a e hiki ole ana i ka puuku mahope o ka noii ana e loaa i kekahi lala o ka papa hooko a i ole lunanui o ia ahahui i hoohuiia maloko o ke teritore; a i ole ina o kekahi ahahui i hoohuiia ua loaa aku kekahi hookuuia ma o ka banakalupa; a i ole ina kekahi ahahui i hoohuiia e nele ana i ka loaa ana i ke kahi waiwai ma kona aoao a e nele ana i ka lawelawe oihana ana elike me ia i hoikeha ma o kekahi palapala hooia a na luna nui malalo o kekahi hoohiki, lala mana hooko a i ole lunanui o ka ahahui i hoohuiia, na ka puuku, ina pela, e hoopau ae i ka palapala hookumu o ia ahahui a i ole palapala kumu o ia ahahui i hoohuiia o na ahahui o ia ano e kukala ae ua pau ia mea, mahope o ka hoolaha ana ia hoike, hookahi manawa iloko o ewalu pule neelike, no kona manao e hoopau ia ahahui i hoohuiia. Ina e hoopauia ana kekahi ahahui i hoohuiia o ia ano, o kekahi mau kahu e hookohuiia e uku aku no i ke teritore mailoko ae o kekahi waihona e loaa mai ana i kona lima ma ke ano he kahu i kekahi
huina i like me ka hoopa’i haahaa loa e hookauia mai ana malalo o na hoakaka a ka Pauku 3304, a o ia huina e lilo i mea mua e kuleana maluna o na koi e ae.”
Pauku 3. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 142.
[B. H. HELU 429.]
HE KANAWAI
E Hoololi Ana i ka Pauku 1685 o na Kanawai i Hooponopono Houia o Hawaii, 1915, e Pili Ana i na Baloka o ke Kulanakauhale ame Kalana.
E Hooholoia e ka Ahaolelo o ke Teritore o Hawaii:
Pauku 1. O ka Pauku 1685 o na Kananawai i Hooponopono Houia o Hawaii, 1915, ma keia ke hoololiia nei i heluhelu ai peni:
“Pauku 1685. Na baloka. Na ke kakauolelo o ke kulanakauhale ame kalana e hoomakaukau i na baloka e hoohanaia aku ana ma na koho baloka no na lunanui o ke kulanakauhale ame kalana, a e hoolawa aku ia mea i na papa lunanana like ole aole e emi iho malalo o elua la mamua o ke koho baloka ana. O na baloka ma ke kohonui ana i pepa omaomao a o ko lakou lulana laula, hoonoho ana, helu ame ke ano o ke pa’iia ana elike no ia me ka mea i hoakakaia ma o ke kanawai no na baloka no na senatoa ame na lunamakaainana. O na baloka no na lunakiai ma ke koho wae ana i pepa akala a o na baloka no na luna e ae i pepa omaomao a o ko lakou kulana, hoonohonoho ana, helu me kea ano o ke pa’iia ana elike no me ka mea i hoakakaia ma o ke kanawai no na baloka o na senatoa ame na lunamakainana.”
Pauku 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 143.
[B. H. HELU 433.]
HE KANAWAI
E Hoomana a e Kuhikuhi Ana i ke Kalana o Maui e Uku Aku i ke Koi a David Piimanu, no na Auhau Waiwai i Ohiia me ke Ku-e i ke Kanawai Mai Iaia Mai.
E Hooholoia e ka Ahaolelo o ke Teritore o Hawaii:
Pauku 1. O ka papa o na lunakiai o ke Kalana o Maui ma keia ke hoomana a ke kuhikuhiia aku nei e uku aku i ka huina o iwakalua-kumamalua ame 40/100 dala ($22.40) ia David Piimanu, no ka auhau waiwai i ohiia me ke ku-e i ke kanawai mai iaia mai maloko o ke Kalana o Mau, i kona waiho ana aku me ka lunahooia o ke Kalana o Maui no ka hookuu ana aku iaia mai na koi apau no na mea e pili ana me ka mea i oleloia.
Pauku 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 144.
[B. H. HELU 80.]
HE KANAWAI
E Hoomaopopo Ana i Haawina Uku Kumau no O. B. Larsen, Mrs. J. J. Fern, Julita Nani Alapai, Mrs. Rosabella Kanepuu, Henry Kahoinea, Halvor Myhre, Walter M. Bromley, D. P. Kinolau, J. U. Joseph, Gustave H. Gunther, Martha Kaaiai Bronca, Samuel K. Kawelo, Sam Lili, Andrew Kalai, Lui Kealoha, Mrs. Henry Paia, S. Hookana, Abbie Zablan, John Amasiu, J. K. Paele ame Edward Hore, a e Hoomana Ana a e Kuhikuhi Ana i ke Kulanakauhale ame Kalana o Honolulu e Uku Ia Mea.
E Hooholoia e ka Ahaolelo o ke Teritore o Hawaii:
Pauku 1. O ka papa o na lunakiai o ke Kulanakauhale ame Kalana o Honolulu ma keia ke hoomanaia a ke kuhikuhiia aku nei e uku i kela ame keia mahina, e hoomaka ana me ka mahina o Iulai, 1923, ahiki a e hui pu ana me ka mahina o June, 1925, ia O. B. Larsen, kanaono dala ($60.00) ; ia Mrs. J. J. Fern, hookahi haneri me kanalima dala ($150.00) ; ia Julita Nani Alapai, kanaono dala ($60.00) ; ia Mrs. Rosabela Kanepuu, kanahiku-kumamalima dala ($75.00) ; ia Henry Kahoinea Heanu, kanaono dala ($60.00) ; ia Halvor Myhre, kanalima ($50.00) ; ia Wlater
M. Bromley, hookahi kaneri dala ($100.00) ; ia D. P. Kinolau, kanaha dala ($40.00) ; ia J. U. Joseph, kanaha dala ($40.00) ; ia Gustave H. Gunther, hookahi haneri dala ($100.00) ; ia Martha Kaaiai Bronco, kanahiku-kumamalima dala ($75.00) ; ia Samuela Nawelo, kanaha dala ($40.00) ; ia Sam Lili, kanaha dala ($40.00) ; ia Andrew Kalai k,anaha dala ($40.00) ; ia Lui Kealoha, kanaha dala ($40.00) ; ia Mrs. Henry Paia, kanaha dala ($40.00) ; is S. Hookano, kanaono dala ($60.00) ; ia Abbie Zablan, kanalima dala ($50.00) ; ia John Amasiu, kanalima dala ($50.00) ; ia J. K. Paele, kanalima dala ($50.00) ; ia Edward Hore, kanalima dala ($50.00) ; aka nae, aole kekahi mea i uku hoomauia malalo o keia Kanawai e aeia e unnuhi i ka huiina i hoikeia ma keia Kanawai ina ia mea uku mauia e paa ana i kekahi kulana ukuia e ke Teritore o Hawaii a i ole o kekahi mahele kalaiaina paha o ke Teritore.
Pauku 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 145.
[B. H. HELU 229.]
HE KANAWAI
E Hoololi Ana i ka Hapa-Mahele 17 o na Pauku 1654 o na Kanawai i Hooponopono Houia o Hawaii, 1915, Elike me Ia i Hoololiia e ke Kanawai 76 o na Kanawai o ke Kau o 1917, e Pili Ana i ka Mana o na Lunakai.
E Hooholoia e ka Ahaolelo o ke Teritore o Hawaii:
Pauku 1. E ka hapa-mahele 17 o na Pauku 1654 o na Kanawai i Hooponopono Houia o Hawaii, 1915, elike me ia i hooloiia e ke Kanawai 76 o na Kanawai o ke Kau o 1917, ma keia ke hoololiia nei i heluhelu ai penei:
“17. No ka hoomaopopo ana no ka uku o na Kanawai o ke Kau o 1917, ma keia ke hoololiia nei i heluhelu ai penei:
“17. No ka hoomaopopo ana no ka uku o na maheleolelo i hookohuia e ka lunakanawai apana o ke Kulanakauhale ame Kalana o Honolulu no ka mahele ana i na oleloike iloko o na hihia mamua o ia lunakanawai, a i ole i na kolonelo ame na hana noii. O ia uku aole e emi iho malalo o hookahi haneri me kanalima ($150.00) o ka mahina hookahi no ka mahele olelo hookahi.”
Pauku 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 146.
[B. H. HELU 293.]
HE KANAWAI
E Hoololi Ana i ka Pauku 1184 o na Kanawai i Hooponopono Houia o Hawaii, 1915, Elike me Ia i Hoololiia e ke Kanawai 158 o na Kanawai o ke Kau o 1919, e Pili Ana i ka Hoahuia Ana o na Dala no ka Hoopukapuka o Kekahi Hapa o ka Waihona Hoahu o ke Teritore, a e Hoomana Ana no ka Hoahu Ana Ia Waihona Maloko o na Banako Hoopukapuka
E Hooholoia e ka Ahaolelo o ke Teritore o Hawaii:
Pauku 1. O ka Pauku 1184 o na Kanawai i Hooponopono Houia o Hawaii, 1915, elike me ia i hoololiia e ke Knaawai 158 o na Kanawai o ke Kau o 1919, ma keia ke hoololiia nei i heluhelu ai penei:
“Pauku 1184. Ka manawa e kuai ai i na bona. Aka nae ina e hiki ana e hoikeia mai he mea e pomaikai ai ke Teritore o Hawaii, na ka puuku o ke teritore, me ke apono ana o ke kiaaina, ua hoomanaia i ka manawa he mau waihona kekahi no ka waihona hoahu i oi aku mamua o ka huina i makemakeia no ka uku ana aku no kekahi bona i hiki mai i ka manawa e ukuia ai, e kuai aku me ia mau waihona, iloko o ka makeke e hamama ana, i kekahi o na bona e ku ana iwaho o ke teritore, a i ole o kekahi hapa-mahele paha ona (aka nae, e pili wale no keia i na bona o kela ame keia hapa-mahele i lilo i mea aieia no ka pomaikai o ka hapa-mahele ua hoopaaia aku no ka uku ana i ka waiwaikumu ame ka ukupanee) a i ole no ka hoopukapuka ia waihona a i ole na nota e uku ana i na ukupanee e aie ana o Amerika Huipuia, a i ole no ka pomaikai o Amerika Huipuia ua hoopaaia no ka uku ana i ka waiwaikumu ame ka ukupanee. Na ka puuku o ke Teritore o Hawaii, me ke apono ana o ke kiaaina, ke hoomana houia aku nei a ke hookuleanaia aku nei e hoolilo a e kuai aku ia mau bona i na manawa ame na uku e ikeia ana no ka pomaikai o ke Teritore o Hawaii. O na lilo o ia kuai ana ame ia hoolilo ana aku maluna ae o ka uku o ia mau bona i kuaiia aku ai e lilo no i auhau kupono e ukuia ana o ia waihona. No ka puuku o ke Teritore o Hawaii, me ka ae o ke kiaaina, ua hoomana houia aku e waiho hoahu i kekahi huina o ia waihona e manaoia ana he kupono maloko o na banako hoopukapuka o kekahi banako a i ole iloko o kekahi banako e lawelawe oihana ana no ka malama ana ia mea maloko o ke teritore, aka nae, e hoolawa mai no ia mau banako i na hoopaa waiwai no na waihona i hoahuia aku pela i kulike me na hoakaka a ka Mokuna 87 o na Kanawai i Hooponopono Houia o Hawaii, 1915, koe a o ke pakeneka o ka ukukuwala o ia no ka helu ukupanee maamau no na waihona hoahu hoopukapuka.”
Pauku 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 147.
[B. H. HELU 134.]
HE KANAWAI
E Hookuu Ana i ka Paka ame ka Waiwai i Hoohanaia no na Mea e Pili Ana me ka Oihana Paka Mai ka Auhau Waiwai no na Makahiki 1924 ame 1925.
E Hooholoia e ka Ahaolelo o ke Teritore o Hawaii:
Pauku 1. O na paka apau e ulu ana, ame na paka i hoahuia maloko o ka mahele auhau iloko olaila i hoouluia ai, ame na mikini apau ame na hale i hoohanaia wale no no hana ana, hoawaawa ana ame/a i ole lawelaweia ana o ka paka maloko o ia apana e uku ole ia ka auhau waiwai no na makahiki 1924 ame 1925.
Pauku 2. E mana no keia Kanawai i Ianuari 1, 1924.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 148.
[B. H. HELU 30.]
HE KANAWAI
E Hookaawale Ana i Haawina Mailoko Ae o na Loaa Laula no na Makahiki Elua e Pau Ana i Iune 30, 1925.
E Hooholoia e ka Ahaolelo o ke Teritore o Hawaii:
Pauku 1. O keia mau huina malalo iho nei ma keia ke hookaawaleia nei no na kumuhana i hoikeia mahope nei no na makahiki elua e pau ana i Iune 30, 1925, mailoko ae o na dala maloko o ka waihona puuku i loaa mai na loaa laula mai.
Ke Kiaaina
Na hoolilo, hoolaule’a ………….$ 7,200.00
Na hoolilo liilii ………………… 3,000.00
Kakauolelo a ke kiaaina paku’i i ka
uku mai ke aupuni federala mai… 800.00
Na hoolilo ………………………… 1,500.00
Malama ana ame na kanaka hana,
Washington Palce ……………… 4,800.00
Lako hale, Washington Place…….. 6,000.00
Na uku ,na kanaka lawelawe……... 6,600.00
Na hoolilo, Komisina Teritore malalo
o ke Kanawai 86, na Kanawai o
ke Kau 1923 ………………….. 15,000.00
Uku, mea noeau kanu ko..…$500.00 12,000.00
(E Nana Ka Aoao Eono)