Ka Nupepa Kuokoa, Volume LXII, Number 24, 14 Iune 1923 — KA AHAHUI PIONEER. [ARTICLE]

KA AHAHUI PIONEER.

Ma ka Poalua aku la i hala, ka la 12 o keia mahina, i piha ai na makahiki he kanakolu-kumamakolu o ke ku ana o ka Ahahui Kukulu Hale Pioneer me Hoaie Dala, mai kona kulana nee malie mai, ahiki i kona lilo ana i ahahui onipaa, me kona waihona, i hiki aku i ka hookahi hapaha miliona dala, me kona mau lala hoi, i hiki aku i ka elima haneri. He ahahui keia i kukuluia no ka hana hoahu dala, e kokna ana i kona mau lala ponoi iho ma ka hoaie ana i ke dala, no ke kuai ana i aina, a kukulu i hale maluna iho ke makemakeia; a ma ke ano nui ke olelo ae, o keia kekahi o na hui, nana i hoolako aku i kekahi mahele nui o na Hawaii me na home ponoi no lakou e noho nei i keia la.

0 na kanaka Hawaii, ka hapanui e noho nei he mau lala no keia hui, me ka lilo pu no nae o kekahi poe ko'iko'i a kuonoono, iwaena o na haole kamaaina, i mau lala; a me ke kanalua ole ke olelo ae, e hoea mai ana he manawa, e kaa ai ka hapanui o na lunanui, na lakou e lawelawe i na hana o keia ahahui, i na Hawaii kupono. Elike no me na hui hoahu a hoopukapuka elala e ku nei o kakou, ka loaa o ka uku pakeneka puka o na dala i hoahuia, i kela ame keia makahiki, pela no keia hui; o ka mea wale no i oi aku ai keia hui, ua hiki ke loaa ke dala i kona mau lala iho, ma ke ano aie, no ke kukulu ana i mau home no lakou; aole pela na hui e ae, koe wale no kekahi mau hui hou o ke kukuluia ana ae nei e na Kepani ame na Pukiki. No ka pono o na Hawaii, e noho mai nei maloko o na hale hoolimalima, me ka uku ana i na uku hoolimalima nunui i kela ame keia mahina, aole he hui kupono e ae no lakou e komo ai, o keia hui wale no; ma ka lawe ana i kekahi mau mahele iloko o ka hui, e uku ana i hookahi dala o ka mahele i kela ame keia mahina, e loaa ana i kekahi mea ke kuleana e aie ai i kekahi huina dala i makemakeia, elike me ka nui o kona mau mahele; me ia mau dala auanei e loaa mai ana, e hiki ai ke kuai aku i aina, a ke kukulu paha i home. O kakou o na Hiiwaii ke kiekie loa, ma ka hoahu ana i na dala iloko o ke Kalapu Karisimaka, ma ka Banako o Bihopa ma; ua loaa maoli i kekahi poe o kakou he mau hanen dala mahuahua ma ka pau ana o ka makahiki, eia nae, me ia nui o ke dala, ua hooliloia aku iloko o ka manawa pokole loa, me ka hikiwawe loa kekahi mau mea, i hiki ole ke ku mai i panihakahaka, ma kahi o kela mau dala, i hooliloia aku. He kakaikahi loa na Hawaii, i wehe kaokoa ae i kekahi moohelu hoahu no lakou iho, mai na dala Karisimaka mai, o ka pomaikai ma ka hoahu ana iloko. o ke Kalapu Karisiinaka, no ka loaa ana no ia o kekahi huina dala maopopo, i ka pau ana o ka makahiki, alaila hoolilo aku me ka hikiwawe no kekahi mau mea maopopo ole.

Ua hiki ole i ke kanaka ke kaohi mai i kona mau makemake, i ka wa e ike ai i ke dala, aka no ka hui Kukulu Hale Pioneer me Hoaie Dala, ua hoike maopopo ia kana hana, o ia ke kukulu ana i home; aole i kauka'iia a nui ke dala a kekahi mea \ hoahu ai iloko o kela hui, alaila hiki iaia ke aie i ke dala; aka ua hiki i na manawa apau e makemakeia ana; a o ka oi loa aku ma ka lilo ana i mea kuleana iloko o keia hui, e ohi mau ana no ka lala i ka puka o kana mau dala apau e uku ai i kona mau mahele, a i na dala paha ana i aie qj. Ma ka aoao o keia pepa, ke hoeueu nei ia i na kanaka Hawaii, e komo i mau lala no keia hui, ina ia no ka manao wale no, e ohi mai i kekahi mau pomaikai, ma o na dala puka la e loaa mai ana i kela ame keia makahiki; a oi loa aku hoi ka pono, ina aia ka makemake kukulu hale iloko o lakou, e hoopauia auanei ko lakou noho ana iloko o na hale hoolimalima, a ma kahi o ko lakou ukii ana i na uku hoolimalima kiekie, i na ona no lakou na hale hoolimalima, e holo pololei ana ia mau dala. ma ka uku ana i na lilo o ko lakou mati home ponoi, e olelo iho ai lakou i kekahi la, no lakou ia mau home, a he nohona kuokoa ko lakou, no lakou iho.