Ka Nupepa Kuokoa, Volume LXII, Number 24, 14 June 1923 — KEKAHI MAU HIHIA A KA OIHANA MAKAI O KA PULE I HALA [ARTICLE]

KEKAHI MAU HIHIA A KA OIHANA MAKAI O KA PULE I HALA

Elima mau Kepani i hopuia e na makaikiu ina ka Poaha o ka pule i no ka piii waiwai maloko o ke Kuea Yee Wo i haalele i ka $15 hela pakahi maloko 'o ka aha hoomalu ma ke kakahiaka Poalima i hala a pokeokeo ,ke aupuni kulanakauhale.

He $25 ka hoopai i kauia mai e ka Lunakanawai Soares o ka aha hoomalu maluna o Chun Sam, ka Palee i hopuia ai e ke Kapena Makai Bob Lillis no ka holonui ma ke kakahiaka Poalima i hala, a o C. L. Marriot hoi i hopuia ai no ka hoomau i ka holo ana o kona kaa, oiai ke kaa uwila e ku ana a e lele ana kekahi māu ohua, ua lilo wale kana mau dala he $15 i ke aupuni no ka hoea ole ana ae imua o ka aha ma ka manawa i kaheaia mai ai kona hihia.

No ke komo pu ana e powa i kekahi Pilipino i paa ae ai o Mariano Tormis, Dan Suniga, Mrs. Suniga ame Margaret Watson i ka hopuia e na makaikiu -a hoopiiia ae no ia hewa. I kulike me ka ka Makaikiu McDuffe moolelo o ka hoakaka ana ae ua lilo na wahiue i mau mea hoowalewale i ka Pilipino i hoea mai i Honolulu nei mai kekahi mai o na mokupuni me kana mau dala o ka hoahu ana oiai oia e hana ana ma kekahi o na mahiko. Mahope o ka paheleia ana o ka Pilipino me ka hoohainuia me ka rama, ma ka oleloia, ua powaia ka Pilipino e na kane elua a lilo he $75 mai iaia aku.

Ia Keven ame kona Roaloha e holo ana no Waikiki maluna o ke kaa Ford, a no ka paa paha o kona mau maka i ka uhimaka i hiki ole ai iaia ke ike aku i ke kaa rola mahu nui e ku ana mahai o ke alanui Moi, ua hooku'i aku la ke kaa Ford me ka rola a upepe omua. Nahaha ka ipukukui me ke aniani palo makani omua o ka Ford. No ka mokumoku o kekahi wahi keiki uuku o Jimmy Mahuka ka inoa e noho ana mahope o ke kaa Ford i ke aniani i laweia ae ai oia i ka halema'i o na poino ulia no ka T?.paau ana. O ke pena wale no 'o ka rola ka i akaaia ae mamuli o kela hooku'iia ana aku, aohe waiii e ae i manuheu.