Ka Nupepa Kuokoa, Volume LXII, Number 23, 7 June 1923 — Nuhou Kuloko [ARTICLE]

Nuhou Kuloko

Maluna o ka mokulele, i lele aku ai kekahi mau hoa o ka ahaolelo lahui, e makaikai i na aina hoopulapula o Molokai, ma ka Poakahi aei. Ua makemakeia na lala apau i kuleana i ka pa ilina o Kalaepohaku e akoakoa ae ma ka home o D. Maunakea, ma ka hora 2.30 p. m., o keia Sabati iho, lune 10, 1923. He 363 ka nui o na haumana o ka papa i hookuuia mai ke Kula McKinley aku i keia makahiki, o ka papa nui loa o na haumana i hookuuia, ma ka moolelo o kel* kula. Ua makemakeia na lala apau o ka Hui Kokua ame Manawalea o na Poola, e akoakoa ae ma ka hapalua o ka hora eono, o ke ahiahi Poakahi ae, ma ka makeke o Aala, me ko lakou aahu piha o ka ahahui.

Ua huli hoi mai nei ka Elele W. P. Jarrett, i ukaliia mai e kekahi mau hoa o ka ahaolelo lahui, a ke luakaha nei lakou i ka nani o ka Paredaiso o ka Pakipika iloko o keia mau la. Ua lilo na hoa kakaikahi o ka ahaolelo lahui ame ko lakou mau ohana, i mau malihini hanohano na ka Ahahui Hoeueu Hawaii, ma ka paina i haawiia ae no ko lakou hanohano, ma ka po o ka Poaluu iho nei. Elike me ka maa i na makaliiki ao nei i hala, e malamaia ae ana na hana hoomanao i ka la o ka Na'i Aupuni Kamehameha, ma ke kakahiaka o keia Poakahi ae, e ka Ahaliui Kamehameha, ame kekahi mau ahahui Hawaii e ae. Ua makemakeia na lala apau o ka Ahahui Kaahumanu e akoakoa ae maloko o ka pa o Kawaiahao i ke kakahiaka o keia Lapule iho, lune 10, 1923, ma ka hora 10 6 ke kakahiaka, no ke komo pu ana iloko o ke anaina haipule hoomanao no ka Na'i Aupuni Kamehameha. Mahope koke iho o ka hora ewolu o ka po o ka Poaono nei, i paa ae ai o Ohris Hull, ka ona o ka hale inu 0 na mea ona ole e ku nei ma ke alanui Kamika me Hokele i ka hopuia, no ka loaa ana aku o ka waiona, i ka Ilamuku Cox ame kona hope. I hoike no ka pipilipaa o ke aloha ame na hoomanao ana no ke Keikialii Kalanianaole i make, ua lawe aku na hoa o ka ahaolelo lahui, he mau lei ma ka auwina la o ke Sabati aku la i hala., a waiho maloko o ka home lua o na alii mauka ae nei o'Nuuanu, me ke ku o kela hana i ke anoano ame ka eehia. Ma k a Poakahi iho nei, i apono ae ai ka papa lunakiai, i ka palapala waiho oihana a ka Lunanui Lunning, no ka makek«x kulanakauhale, a e lawe ae ana o Mr. Lunning, 1 ka hana kuai pipi ma kela makeke, no ka uku hoolimalima o h'ookahi haneri me kanalima dala no ka maliina. I kulike me ka hooholo ana .a na lala o ka ahahui i akoakoa ae ma ka halawai mau o Mei 28 i ha\a e hele na lala apau o ka Hui Kokua a Hookuonoono o na Oiwi Hawaii i' Kawaiahao ma keia Sabati iho, Inne 10, no ke komo pu ana ma na hoomanao no ka Na 'i Aupuni Kamehameha. Ma ka hora eiwa o ka po o keia Poaono iho, ua makemakeia na lala apau o ka Ahahui Kamehameha, e holo ana no Maui, e akoakoa ae maloko o ko lakou keena halawai maloko o ka Hale Hui Phoenix, -j mailaila aku e ka 'i ai no ka uwapo, malalo o ke alakai ana a ka Bana Hawaii. Mamuli o ke kono a ka Ahahui Kahekili, mahele o ka Aliahui Kamehameha o Maui, e holo aku ana na lala o ka Ahahui Kamehameha no Maui, ma ka Mauna Kea, e liaalele iho ana ia Honolulu nei, ma ka hapalua o ka hora eiwa o ka po o keia Poaono iho, a e hoea hou mai ana lakou no ke kulānakauhale nei, ma ke kakahiaka o keia Poakahi ae. No ka hoopau ana i ka Makaikiu McDuffie mai ka oihana makai aku, a pela hoi ka hoopau ana i na Komisina Woods ame o'Connor, mai ke komiaina makai aku, i waihoia aku ai he mau palapala hoopii, i kakaninoaia e kekahi poe lehulehu o keia kulanakauhale, imua o ka Makai Nui Bose, ame ka Meia Wilson, na kanaka ia laua ka mana e hoopau ai i kela poe ekolu, mai ko lakou mau kulana pakahi aku. '