Ka Nupepa Kuokoa, Volume LXII, Number 23, 7 Iune 1923 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

I kela hoike ia ana mai iaia ua nee o Veki ma me kona makuahine, ahe wahi mamao loa no hoi ia ana e holo aku ai, hoo- ] holo iho la oia i kona manao e hele ae e huli ia Mr. Naita ia : la no ana o ka hoea ana mai i Nu Ioka; iaia i hoea aku ai i ka hale a ninau aku la i ka poe e noho kokoke ana malaila, hoikeia mai la iaia ua hala o Mr. Naita i na mokuaina ma ka hikina loa, a, oiai aohe i hoikeia mai iaia kahi e loaa aku āi o Mr. Naita, ina no kona kelekalapa aku a i ole kakau aku paha i leka nana e hoakaka aku ana no kona hoea ana mai i Nu loka, a c ninau pu aku ana i kahi o Veki ma e loaa aku ai, ua paluaia iho kona hoohokaia ana. I kona halawai ana me na hoohoka elua, ua pili kaumaha loa oia no ka hui ole ana me "Keonaona", a oki loa aku hoi ka ike ana aku i kona helehelena, elike me ka laua i kuka mua ai, ia manawa, ua ike iho oia iaia iho me he mea la ua hoopouliuli loa ia na la o kona ola ana, no ka mea ua nana mau mai oia imua no kela la a laua e hui ai a hookamaaina hou, elike me na la i hala, o kona manaolana me he mea la 'i kana noonoo iho ua hoopio loa ia, o kona hauoli o ia mua aku me he mea la ua hoomake loa ia ma keia manawa. laia ma ke kulanakauhale o Sana Jose, he hana paakiki nana ka hooikaika ana e hookaawale iaia mai ka puulu mai o lakou i holo pu ai, aka nae, ua lanakila nae oia i ka manawa hope. Ia manawa ua ike oia me ka maopopo i ka nui o kona aloha ia Miss Alekanedero, me kela aloha i oi aku i kona ponoi, a ina nei no kona kaahele pu me Veki ma na wahi ana i hele ai maloko o Mekiko, ina no ua hoike maopopo aku oia ia aloha ona ia Veki, hookahi wale no mea nana i kaohi mai iaia mai ka hoike okoa ana aku ia nianao, mamuli o ko Mr. Naita kamailio ana aku iaia e pono oia e waiho malie ia Veki e launa hou, mamuli o ia hooko ana ona ia manao i hoopakeleia ae ai oia a pela hoi me Veki mai na manao hoowalewale ae, aka nae, aole no i pau na kokoia ana a ka makemake ahiki i ka hookoia ana mai o kana noi e ka makuahine o Veki; ma keia hoi hou ana mai la nae hoi ana i Nu loka e hookoia ai la ia manao ona, eia ka ua hala mua ka Puulena aia, i Hudesona. lloko o kela manawa ana apau e kaahele ana ma na wahi like ole o Mekiko ua kau mau mai kona noonoo no ka Ia ana e hui ai a kamailio pu me Vekinia, ka makuahine o Veki, a waiho aku i kana noi imua ona no ka aeia mai o Veki e lilo nana, aka nae oia mau manaolana ana a pau e haupa ae aua iloko ona, me ka hoohauoli mau mai iaia i kela ame keia la no ka lilo o Veki i mea aloha nana, ua ulupaia a helelei liilii ma keia manawa ana o ka hoea ana mai i Nu loka. Xo elua a ekolu pule kona noho ana ma Nu loka, me ka manaolana ia mau la e loaa mai ana la hoi kekahi lono mai ia Mr. Naita mai, a i ole ia mai ia Miss Alekanedero mai, he lono e hoohauoli mai ana i kona noonoo, a i ole e hoike mai ana la hoi : kana mea e hana aku ai, he oki nae ka loaa mai; no ka loaa ole ana o kekahi ike iaia no kahi o Miss Afekanedero i holo aku ai, hoohuli ae Ia oia i kona alahele he wahi okoa, me ka hooholo ana i kona manao e hooloihi aku i kona manawa e noho ai maloko o Amenka ahiki i ke kau haulelau, no kona manaolana, malia, ia manawa e hui hou ai oia me ka mea ana i kau nui ai, a ma ia manawa oia e hoi hou ae ai i Nu loka mamua o kona huli hoi loa ana aku no kona onehanau. Maloko o na mokuaina o Nu Enelani i hoohala ai oia i kona mau la o ke kau wela mahai o na moanawai nui, a maloko o kekahi mau wahi o Kanada. Ua nui kana mau mea o ka ike ana e hoohauoli nui ia ai kona noonoo, aka, iloko o ka nani o na mea apau a ka maka e ike aku ana a e hookahaha ai, hookahi mea nani oi ae iloko o kona noonoo, hookahi ana mea i j makemake ai ina aole ka makemake ame ka naau i maha loa, ma ka hoomaka ana o ka mahine o Okatoba, i ike iho ai oia iaia iho no hookahi manawa i koe aia oia maloko o ke kulanakauhale o Nu loka. Ua loihi loa keia hele ana mai ana, ua hala loa mawaho ae o ka manawa i aeia mai ai oia e hele; o i kali mai ka makuakane, ke Sa Wiliama Hita, a hala ka manawa ana i haawi mai ai i ke keiki no ka hoi aku, a no ka loihi loa o nei hele ana a Rupata ua komohia ka manao maikai ole iloko o ka makuakane ua hauhili paha ka ai ana a Kawele-a, a i ole ua lilo paha i manua i ke au a Kahewahewa, no ia kumu ua kakau a kakau hou mai ka makuahine iaia e olelo ana i ka manawa e loaa mai ai o ka leka e kau koke iho i ka moku a hoi aku me ka hookaulua hou ole iho, no ka mea e malamaia ana maloko o ka Hitadela he ahaaina hoomanao ma ka la iwakalua o ka mahina, ke kanalima hoi o na makahiki o ka hoomanaoia ana o ka home o na keiki makuaolelo i kukuluia ai he kanalima makahiki i hala aku. He kauoha hiki ole keia ia Rupata ke hoopupu hou iho, nolaila i ka manawa, i loaa mai ai o ka leka a ka makuakane iaia, o kona hele koke aku la no ia i ke keena o na mokuahi r.o ke kuai ana i kikiki ukumoku a no ka hoopaa ana i rumi nona, no ka mea, ma ka hoolaha e kau ana mawaho o ke keena 0 ka mokuahi e haalele iho ana ka mokuahi Kepalonia i ke awa o Nu loka ma ia la. I ka pau ana o keia hana, alaila liele hou ae la oia e hoomaaloalo ma kahi kokoke i ka hale i kuhikuhiia mai ai iaia aia malaila Alekanedero ame kona makuahine e noho ai, me ka ninau pu aku i ka poe e noho kokoke mai ana malaila no na Alekanedero, eia nae, aole hookahi o lakou i hoi mai aohe no hoi oia i maopopo i ko lakou wahi o ka liolo ana aku, nolaila, me ia ano hoka i halawai ai me ia, i kau aku ai oia maluna o ka mokuahi ma ka ewalu o Okatoba, no ka huli hoi ana no kona onehanau. Aoie no i poina mai na hoomanao ana ae a na makamaka heluhelu, na manawa lehulehu a Sa Wiliama Hita i holo mai ai i Amerika e huli ia Vekinia ame ka laua bebe, a iloko o ia mau manawa lehulehu ua hoi aku oia me ka pa i ka nele, a elike me ia nui o kona aloha i kana wahine, ka mea hoi ana i 01 pakele aku ai ke aloha mamua o na mea e ae, pela no me Rupata Hamiletona, kana keiki hanai i lilo aku kekahi hapa 0 kona puuwai i ke kaikamahine ponoi no a ua o Wiliama Hita, aka, aole i hiki mai i ka hopena o ka Sa Wiliama Hita huli ana ia Vekinia. MOKUNA XXXVIII —Ka Halawai Ana me ka Maopopo Ole. I ka bele hope o ka mokuahi i kani mai ai, o Rupata Hamiletona kekahi o na ohua e ku ana maluna o kona oneki ia ma nawa, a hoomaka aku la ka nee malie ana mai kona wahi aku 1 ku ai no ka hoopuka ana iwaho mai ke awa aku.

laia e ku ana a e pili aku ana hoi ma ka aoao o ka hale aia kona mau lima ke pupuu la mamua o kona umauma, me ka helehelena o ke kaumaha no ka halawai ole ana me Veki, me he mea la he mea kaumaha loa ke kau. ana maluna o kona mau poohiwi ia manawa, he mau haneri paona ke kaumaha; haikea kona helehelena, kaumaha kona mau maka a e haka pono aku ana hoi kana nana ana i na puoa ame na tower kiekie e ku mai ana ma kahi mamao iwaenakonu o ke kulanakauhale ana o ka haalele ana aku. Iloko o kona noonoo ia manawa aia ke hana la na manao paiolua like ole nana i hoopilihua loa i kona uhane; o konaj hoohokaia ana ka mea nana i hoonaluea loa i kona noonoo no kona haliwai ole ana me ka mea ana i lia nui ai, ka mea hoi nona ke aloha i hiki ole ke hookaawaleia mai iaia aku ia mau minuke. No ka hora hookahi kela ku ana me ka nee ole aku no kekahi wahi; aohe mai la he hoihoi iloko o kona noonoo no ka ike aku i kekahi mau mea ano hou ma kekahi wahi o ka moku a e hele aku la hoi e nana; ua maopopo iaia a i ole ua manao oia aole hookahi mea hanu ola maluna o ka moku ia manawa ana i ike a i kamaaina ai mamua e waiwai ai kona hele ana aku e huli a loaa kona hoakamailio, aohe no ona makemake iho la e hui aku me kekahi mea a kamailio pu me ia; no kahi o kona rumi e hoi aku ai e moe aohe ona noonoo no ia mea ia manawa, aohe no he noonoo iloko ona no kekahi hoa e hui aku ai.a le'a ke kamailio ana no kekahi mau mea ana o ka ike ana ma Amerika, a e hoolaukanaka ia ai la hoi oia iloko o na la ewalu a ka moku e holo ana maluna o ka ili hualala o ka moana. O kekahi ia o na la malie a laelae loa o ke kau; he nui ka wela maloko o ke kulanakauhale o Nu loka ma ia la, a he ku no hoi i ka uluhua me ka hoihoi ole, aka nāe, iaia e ku la maluna o ka oneki o ka moku a nana aku i na ale hanupanupa o ka moana he oluolu ka pa ana mai a ka makani, a he ono no hoi i kona puu ame kona mau maka ia manawa ke aheahe laumakani e pa mai ana me ka huihui ma kona mau papalina, a no ia oluolu loa ua hoomama ia ae la kona uhane i hookau-

mahaia. laia e nana aku ana i ka lewa akea elike me ka loaa a kona mau maka e ike aku ai, aohe \vahi kau ao ma na pe'a a pau eha o ka lewa, o ka nani o ka malamalama o ka la e hoolele pau iho ana maluna o ka moana akea ka mea hoohuoli mai! i kona noonoo i lupeaia e ka manao, he anapa wale no na ale! o ka moana i ka malamalama o na kukuna o ka la e pa pono iho ana maluna o lakou, a ma o aku, maluna o ka lewanuu, na aouli me he mea la ua hookui me ka ilikai i kana nana aku. Iloko o keia mau mea nani a pau a kona mau maka e ike aku ana, aohe no i lilo ia mau mea i mea hoonana mai i kona noonoo, heaha Ia ia mau mea iaia, ia manawa, no ka mea, ua lilo kona ike ole ana ia Veki i puu nui nana e alai ae i ka hauoU ame ka nani o ia mau mea apau ana i hauoli mau ai mamua aku, a me he mea la he hora hou aku no paha ka loihi o kana ku ana malaila, aka, no ka lilo loa o kona noonoo i ka mea okoa, ua hoomaopopo ae la oia i ka loihi o ia manawa, he haawina hoi i loaa ole iaia mamua, o keia ka makamua loa iloko 0 kona mau Ia o ke ola ana. Ua loihi keia manawa ana o ke ku ana malaila, a oiai no oia e nalu nui ana iloko ona lohe ana oia i kekahi leo i kamaaina 1 kona mau pepeiao i ka i ana ae: "E mama, he makemake no anei oe e noho maanei? He palulu makani maikai keia waapa nou e loaa nui ole mai ai i ka ehukai. E kii aku au i noho nou a kukulu iho maanei, a ia oe e noho iho ai ea, hoouhi aku au i kapa hoopumehana maluna ou, i ole oe' e loaa i ke anu, ke manao nei au he wahi oluolu maikai loa keia v nou e noho ai." "Pela no i ka'u nana iho, me he mea la e kono okoa mai ana no kena wahi ia'u e noho aku malaila," i pane mai ai ka makuahine me ka oluolu loa: "E hoi io aku au ma kela wahi e noho ai malia, elike me ka loihi o ka noho ana aku pela ka pau ae o ke ano okaikai mai i maa mau i ka ikeia i ka poe ohua a pau, o ka oluolu no o ka makani kekahi mea e halana ole mai ai." No nei mau olelo a ka makuahine nee ae la ke kaikamahine i ka akaaka, he leo akaaka hoi i holomama loa ae la ke koko iloko o ko Rupata aakoko no ka mea, he leo ia ana o ka lohe ana aku i kamaaina mua i kona mau pepeia'o, a ke lelele Ia ! kona houpo me ka pinapinai o ke pana ana a kona puuwai. I Alaila lohe hou aku la oia ika leo oke kaikamahine i. ka |i ana ae: "O, e mama, aole kaua e luai iki ana ina maanei e noho ai ame keia hoi ka oni nui ole oka moku. No'u iho ke manao nei au elike ana au me kakahi luina i maa i ka holomoku ka halana ole, nolaila aole au e ma'i ana iluna nei oka moku. Pehea la, ina aole oe alaila owai iho la ko'u kokoolua e noho ai ma keia wahi me ka loaa ole o kekahi hoa e kamailio pu ai maluna o keia moku nui ina e ma'i mai ana oe?" No keia mau huaolelo a Rupata o ka lohe maopopo ana aku huli okoa aku la oia e nana owai la ka mea nona ia leo, a ia ike ana aku ana me ka hoohewahewa ole, lamalama ae la kona helehelena me ka hauoli; o kela helehelena kaumaha a ano kukule ona o na hora mamua aku ua nalohia koke aku la, me he ao eleele la nana i huna aku i ka malamalama o ka la i puhiia aku e ka makani a waiho ae la ka lewa me ke kalae, a ma kona lehelehe ia manawa e haiamuia ana e na minoaka o ka hauoli. Ia Rupata i oni ae ai, huli mai la ke kaikamahine e nana a o ka halawai koke ae la no ia o ka ike a ko laua mau maka. "O, e Miss Alekanedero!" i hooho ae ai ke kanaka opio, o kona hele koke aku la no ia e halawai me Mamalahoa, me kona mau lima e hohola aku ana no ka haawi ana aku i ke aloha, he halawai ana hoi i maopopo mua ole iluna o ke Kepalonia e hui ai he alo a he alo, a ike aku hoi a ike mai me ka hauoli. "O, Mr. Hamiletona!" i hooho mai ai no hoi o Veki me ke kahaha nui, me ka manao mua ole o Rupa,ta kekahi e kau pu ana maluna o ia moku ia manawa, a ma kona helehele.na ke nana aku he mohaha me na minoaka hauoli. Ua hui ae la ko laua mau lima ia manawa a no kekahi minuke a oi ko laua puliki ana i ko laua mau lima, a ke nana mai la hoi o Vekinia i nei lululima ana o na opio me ka hoohuoi iloko ona no keia hui ana o na opio, me he mea la ua kamaaina wale kekahi i kekahi no kekahi manawa loihi mamua aku, mamuli keia o kona ike mai i na hana, na olelo ame na hiohiona o na opio, alaila, nalu iho la ka makuahine me ka ahewa nui iloko ona no kona hookuu ana i kana kaikamahine e hele me Mr. Naita ma, ike koke iho la oia ia manawa ua liihia na opio a ua haulehia hoi i ke aloha mamuli o ko laua halawai ana ma kekahi manawa mamua aku, he hewa hoi ana i hooikaika mau ai e hoopakeleia ae kana kaikamahine mai na hoowalewale mai o kela ame keia ano. Ua lohi loa keia manawa no ka makuahine e huhuki ai i ke aloha mailoko ae o ka puuwai o na opio, o keia ka ke au 0 ka manawa mea o ka lawe ana mai, o kana mea pono wale no o ka hana mai i ka mea maikai loa a e nana mai i ka hopena, ina e hiki ana makaala ae i ka manao o na opio 1 pipili loa ke aloha o kekahi i kekahi. "E mama," wahi a Veki o ka pane ana aku, mahope iho 0 ka hoihoi ana mai i kona mau manao i auwana mai iaia aku mamua iho, "o Mr. Hamiletona keia ke kanaka opio a'u i halawai ai ma kela huakai a makou o».Mr. Naita ma i holo ai i Kaleponi; e Mr. Hamiletona, e oluolu mai e hoolauna aku au ia oe i kuu mama, Mrs. Alekanedero." (Aole i pau.)