Ka Nupepa Kuokoa, Volume LXII, Number 23, 7 Iune 1923 — KA'U HOOMAIKAI NUI. [ARTICLE]

KA'U HOOMAIKAI NUI.

I kuu Solomon Hanohano, ka Lnnahooponopono o ka Nupepa Kuo-» koa; Anoai aloha kaua anui;—E oluolu hou mai kou ahonui, ina he wahi rumi kaawale hou kekahi o ka hiwahiwa a ka lahui, no'u hoi ia' wahi rumi, no ka'u wahi puolo o kau ae la maluna o na eheu ia o ua hiwahiwa nei a ka lahui e ahai ma-, ma aku a loaa aku na hoo;lina na i lakou ua wahi puolo nei. Owau, o ka mea nona ka inoa ma- 1 lalo iho nei, mamuli o na hana maikai i ku i ke aloha, a i hui pu ia me na haawina hoopahaohao pu, i hanaia mai ia'u nei, me ka maopopo mua ole; a me ia mau ano apau ia'u i loaa ai, pela au e haawi nei i ka'u mau hoomaikai nui, penei: Mamuli o na hana aloha ā oukoa e na hoahanau, na lunakahiko, na haumana Kula Sabati ame na lala o na 0. E. Br., ame Jr., o ka Ekaleaia o Kalanikahua Hou, na hoaloha ame ka poe apau, i ko oukou kukulu ana ae ia mau hana i mea na'u e poina ole ai i na la apau o kuu ola ana. 0 ka paina hoolaulea a oukou apau loa, i pahola mai ai ma ke Sabati, Mei 6, 1923, na lau oliva o ke aloha a oukou i lulu ai ma ka po Poalua, Mei 8, ame ka paina hope loa a oukou i pahola mai ai ma ka hora 12 m., o ke awakea o ka la 9 o Mei; ua lilo keia mau liana i hanaia mai no'u i haawina ilihia, a'u hoi i lawe mai ai a hoopaa iho iloko o kuu puuwai i waiwai hooilina e poina ole ai au. E lilo no hoi keia mau hana a oukou i hana mai ai i kiahoomanao | iloko o ko oukou mau la o ko ola haipule ana, o ia hoi, ka lokahi, ka hoomanawanui, ke aloha ame na mea maikai e ae apau i ku i ko oukou kulana Kristiano. Ia kakou e noho kaawale nel, ma na leopule i ke Akua kakou e hoohalawaiia ai. ; Nolaila, elike me na mea maikai apau a oukou pakahi, a oukou hui- | ia i hana mai ai no'u, oiai e hoo ( kokoke mau mai ana na la, na hora ame na minuke hope loa no kakou e kaawale ai me ka maopopo ole 0 ka hopena. Nolaila, ke haawi aku nei au i ka'u mau hoomaikai palena ole ia oukou apau; a ke noi nei au i ka Makua Lani, Nana no e haawi mai 1 na hoomaikai oi ae. Ke noi pu nei laia, Nana no e hoopiha pu mai i ko oukou mau waihona a piha a hu me na mea maikai mai laia mai. Ko haawi pu aku nei au i kekahi hoomaikai nui ia oukou e na makuakane, i haawi a i kokua mai i ko oukou mau kaa otomobile, no ka lawe ana ia'u ame ko'u ohana ahiki i ka uwapo o Kahului ame na hoaloha apau i ukali pu ma ka'u huakaihele. Nolaila, oluolu oukou pakahi oukou huiia e lawe aku i ka'u mau hoomaikai a ke pule nei •au i ke Akua, Nana no e kiai ia kakou, oiai kakou e noho kaawale ana. Ke haawi pu nei i ka'u hoomaikai a nui ia pe e Mr. Lunahooponopono, ame na keiki huki kaula o na pe'a he-ke o kou papapa'L Owau iho no me ka h&ahaa, L. A. KANAE, Kalihi Hospital, Oahu, T. H. Mei 14, 1923.