Ka Nupepa Kuokoa, Volume LXII, Number 22, 31 May 1923 — E HOLO AKU ANA NO LAHAINA KEKAHI MAU KAHUNAPULE [ARTICLE]

E HOLO AKU ANA NO LAHAINA KEKAHI MAU KAHUNAPULE

Xo ke komo pu ana aku i na hana hoomauao no ka piha ana o ka haneri makahiki o ke ku ona o ka pono Kristiano ma ka Mokupuni o Maui e hoomaka ana ma ka la hope o Mei .1923, « e pau ana ma ke »Sabati luue 3, e holo aku ana ke Kakauleka o ka Papa Hawaii, H. P. Judd no Lahaina, me ka ukali pu ia e na Kahunapule, Rev. Akaiko Akana, Rev. H. K. Poepoe ame kekahi poe e ae a ma ka Poalua o keia pule ae e hoi mai ai. He nui na hana i hoolalaia no na hana hoomanao o ia la elike me ia i hoikeia mai; he kaihuakai kekahi i hoolalaia e hoomaka ana mai Mala mai ahiki i ka luakini o Wainee, Lahaina, a he mau haiolelo me na hana e ae malalo o ke kumulaau banyan e ku la ma Lahaina, ke haawiia ana ma ia manawa. 0 ia ana kekahi o na la kanaka nui o ka Malu Ulu o Lele me ka piha o k apoe o lohe ana na haiolelo me ka waiwai. E lehulehu ana ka poe haiolelo ma kekahi o na la e malamaia ai na hana hoomanao kenekuria, a e hoikeia mai ana me ka neepapa na hana ano nui e pili ana i ka laha ana o ka pono Kriatiano mai ka manawa o ka hookumuia e ka Rcv. Rekeke ame kekahi mau kumu mikanele e ae mai ka 1823 mai ahiki i keia makahiki. »4— Ua haawi ka Lunakanawai Frank Andrade i ka pono o kana olelo hooholo ma ka aoao o J. Kobayashi, ka mea hoopii, e koi ana ia J. Kawahara ame kekahi poe e ae no ka aie i ka huina o $961, hui pu me na koina o ka aka.