Ka Nupepa Kuokoa, Volume LXII, Number 22, 31 May 1923 — NA HUNAHUNA MATERIA O KA UA LIKO HINANO O HUELO I KA INIU [ARTICLE]

NA HUNAHUNA MATERIA O KA UA LIKO HINANO O HUELO I KA INIU

Mr. Lunahoopouopono, Aloha pumehana pu kaua:—Ma ke aliiahi Poaono, la 7 o Aperila i hala aku la, i weheia ai he ahamele maloko o ka halepule hoole pope o Huelo nei, no ka imi ana no ia i na mea e hooholomuaia ai na hana, iloko o ke kihapai, elike no me na ekalesia e ae. Ua hoomakaukauia na meaāi mama, no ia po, e ke Kula Sabati ame C. E. ma ka hora 4 p. m., o ia la no, ua hoea mai la na u'i aloanu o na pali hauliuli o ke Koolau, mai ka waikau mai o Keanae maluna o na lio, me ko lakou mau alakai pakahi, oia o Mrs. Carrie Plunkett, Mrs. Mary Cockett, Mrs. A. Napihaa, ame na opio kane ame na opio wahine, ua hopkipaia mai na kama* hele alo anu, me ke aloha pumehana. Hora 8:30 p. m. i weheia ai na hana o ia po ; me ka himeni ame ka pule mai ka haiolelo mai, ua alakaiia na hana o ia po e ke kahu kula Sabati J. K. Pueo. Ua piha pu ka luakini i ka poe i hiki mai, ma na kaa mikini, ma na lio, a ma na wawae kekahi, aohe nanaia ae o ka ua me ke ko 'eko'e, oiai no ka ua e haluku ana. Ua nui na mea maikai i hoikeia mai e na puukani leo hone o ia po le 'a o Halalii, mai ka waikau o Keanae i ke alo pali o ke Koolau, ame Kailua i ka leo o ke kahuli, Huelo i ka iuiu i ka poli o ka ua liko hinano ame Peahi i ka malu lau nuholani. Ulumahiehie'ke anaina a piha me ka hauoli. Ho'hkuuia na hana o ia po i ka hora 11:40 p. m. me ka himeni Hawaii ponoi, a hoi aku ke anaina ma ka haleaina o ka ekalesia, ua makaukau na mea apau, aohe olena- ana he hooluu wale no. Ma ke ao ana ae o ke Sabati la 8, ua malamaia ka hoike hapaha o na Kula Sabati o ka apana o Makawao Akau nei, ua hiki mai ke Kahu M. Kahiapo me kana E.wa, Kahu Kula Sabati Nui Mrs. Annie Mitehell me kana Adamu. Na Kula Sabati i hiki mai: Haliimaile, Paia, Paihiihi, Kalanikahua, Huelo nei, o ia ko Makawao Akau nei, ko Keanae mai, ko na Koolau. Ua malamaia na hana o ia la e V Kahu Kula >Sabati Nui ame ke komite hooueu nui o na C. E. 'o Makawao Akau nei, oia o ~[rs. A. Kahiapo. Mamua o ka hoomaka ana o na hana Kula Sabati, ua malamaia ka ahahui berena o ka Rev. Moses Kahiapo, pau ia, ua heluheluia mai he palapala hoomaikai a, ka Haiolelo J. H. I. Kealoha, imua o Miss Violet Kaiapa, no kana makana i haawi mai ai no ke Kula Sabati, C. E. ame ka ekalesia, o ia hoi oono buke himeni Leo Hoonani ame Hoku Ao Nani i huiia; pau ia, ua hoomaka na hana Kula Sabati ame C. E. a pau ma ka hora 2:30 o ka auwina la. He mau olelo paipai mai na alakai mai, he mau olelo hoomaikai mai ke Kahu Kula Sabati Apana mai Jos. K. Puu, a i ke Kahu Moses Kahiapo na olelo paipai hope, a hookuuia na hana me ka himeni ame ka pule a ka Kev. Moses Kahiapo, ua hoi aku na mea apau ma ka haleaina no,ka hoopiha ana i lea lua o ka inaina, oiai o Hanale e noho hoomalu ana ia mau minuke, ua komo mai la o Jno. Bulu, a i ka ike ana aku o Hanale, o k°na holo no ia a nalowale iloko o ke kuawa oiai o ka laau nui ia o keia wahi. Ma ka houluulu ana ae i na hua al<fea i lula mai e na puuwai o ka lokomaikai, penei: Ahamele, $130.60; no ke Kula Sabati, $129.50; huina, $260. Nolaila, ke lmawi aku nei ke Kula Sabati ame C. E. o Huelo i ka hoomaikai nui i na Kula Sabati apau i hiki mai i kela la, ame na makamaka, na hoaloha i laulima pu mai no ke kokua ana i kana hana, no Kristo ame kona ekaIlesia. | I ke Kula Sabati o ka waikau i na hua o ke aloha i alo mai ai i ke j anu ame ke ko'eko'e ka hoomaikai nui, Wm, Ikaaka, me kana makana nui o eiwa bushel poi, Mrs. Emsrey, ! ka hoomo'a palaoa, palupalu helu 1, Nancy Kalani Jr., ke cream ono; Mrs. H. Puu, ka waiubata; Moses Liwai, ke kopaa helu 1, Aberahama Keala, ke poo kuene mui o ka la, ame na hana © ae mo «a hoomana•wanui, Kapena Nawelu, ka limahana kokua; D. A. Kiakona, me kona mau sisters, ka bipi amo ka puaa haawi wale. ame kekahi mau meaai e ao. Mr. amo Mrs. A. Mitchell, $11; Mrs. Malaea Pahukoa, Mrs. V. M. Kealoha, na u'i pii opae o Kealaakanihinihi, i ka piko o na kuahiwi; James Kaea Jr., ke kuke helu 1 ame ko ku'i opihi o na pali kahakai leuhoho o Huelo i ka nihinihi; Mrs. Abi Kahiamoe, na" lio hoounauna kii poi o na pali Koolau, Kula Sabati o Kalanikahuahou, ka hoomanao ana mai i kanā makana aloha $2.50, huina nui o na loao $262.50. Kula Sabati o Paihiihi, Kula Sabati o Paia, Kula Sabati o Haliimaile, Mrs. Nancy Kalani Jr. ame kana mau opio wahine, ka hoowehiwehi ana inloko o ka luakini me na lau ala kupaoa o ke kuahiwi, no oukou ka hoomaikai nui, a na ke aloha o ko kakou Haku o lesu Kristo ame kona uhane e kau mai i na haawina o ka hoopomaikai maluna o oukou apau. Me oe e ka Lunahooponopono aho-,

nui ka hoomaikai mau loa a i ua keiki hua kepau o ka papapa'i ko'u welina pau ole. Mo ka haahaa, JOS. K. PUU, JOS. H. I. KEALOHA, Na Komite. Huelo, Mei 17, 1923.