Ka Nupepa Kuokoa, Volume LXII, Number 21, 24 May 1923 — NO KA HAMOIA I KA AILA-MAHU, I HOOPII AI NA MAKUA. [ARTICLE]

NO KA HAMOIA I KA AILA-MA-HU, I HOOPII AI NA MAKUA.

Ma ka noho ana o ka halawai a ka papa komisiaa o ka oihana hoooaauao ma ka auwiiia la o ka Poakahi nei i heluheluia ae ai kekahi palapala hoopii mai na makuahine lehulehu mai o Honomu, Hawaii, e hoakaka ana no ka akoia 0 ka lauoho o ka lakou mau keiki a pokopoko loa a hamoia na poo 1 ka aila mahu, a mahope o ka heluheluia ana o ia mau palapala hoopii ua waihoia ma ka papa me ka noonoo a hooholo ole ia o kekalii mea no ia mau palapala hoopii. Maloko o ia mau palapala hoopii o ka hoounaia ana mai i ka papa hoonaauao e hoakaka ana ina e hoopau ole ia ana ia liana a na kumukula o ke kula o Honomu e hookomo okoa ia ae ana kekahi hoopii imua o ka aha hookolokolo. M'a ka hoakaka a David M. H. Forbes ke komisina kula o Hawaii, e hooiaio ae ana ia i ka akoia ana 0 na lauoho o na haumana me ka hamoia o ko lakou mau poo me ka aila mahu ame kekahi laau hoomaemae e ae 1 na poo o na keiki 1 ikeia ka lepo o ko lakou mau poo, he hana ia i hanaia e na kumukula no ke kumu kupono aole no kekahi kumu hoopoino, ina hiki ole i na makua o ia mau keiki ke lioomaemae i na poo o ka lakou mau keiki alaila o na kumukula ka poe hiki ko hoomaemae aku i ko lakou mau poo. Wahi hou a ke Komisina D. 0. Lindsav, oiai oia i heluhelu ae ai i na rula o ka papa hoonaauao, o ke oki ana i ka lauoho o kekahi haumana aole ia he hoopa'i kupono a ke kumukula e kau aku ai malun.i o kekahi keiki a mau keiki paha. Wahi hoi a ke' Kahukula Givens, maloko o ka mokuaina o Kaleponi, ua kauoha mau ia na makua e hoomaemae i na poo o ka lakou mau keiki, a ina hoopalaleha walo na makua i ka hoomaomae ana, alaila e lawe ana na kumuleula ia hana iloko o ko lakou mau lima, ma ke ano o ia kekahi mahele o ka lakou hana a'o no ka pono o na keiki. No keia mau heakaka ua waihoia aku na palapala hoopii a na makuaiiine mai Honomu mai, ma ka papa me ka noonoo ole ia.