Ka Nupepa Kuokoa, Volume LXII, Number 21, 24 Mei 1923 — Nuhou Kuloko [ARTICLE]

Nuhou Kuloko

Eia no ka palapala a na inakamaka i hoouua mai ai no ka Nupepa Kuokoa ke waiho nei ma keia keena aka e hoopukaia aku ana no nae i ka wa pono, ke loaa kalii kaawale o ka nupepa. Ma ka Poakolu ae nei ka La Kaupua he la kulaia aupuni ia, me ka malamaia he kaikuakai e na pualikoa ma ia la, no ka hooipanao ana, i na koa i make iloko o ke kaua. Ke hele aku nei na hana i pili No ka hoomanao ana, i ka piha ana o na makahiki he hookahi haneri, o ka hoea ana mai o na misionari ma Maui, e malamaia mai ana he mau hana hoomanao, ma Lahaina, ma na la hope o keia pule ae. Ho ahamele me hoikeike tabalo, ke haawiia ana e ke Kalapu Kaonohiokala, ma keia Poaono iho, Mei 26 malalo ae nei o Laie, o na pomaikai e loaa mai ana ina kela hana, no ka haie hoolaulea no ia o na Moremona, mauka ae nei o Kalihi. O ka olelo hooliolo a na kiuro i haawi mai ai, ma ka hihia o John Fernandez, no kona hoopoino ana i kekahi kaikamahine Pukiki o umi-kumamahiku makahiki, elike me ke kumu hoopii e ku-e ana iaia; o ia no kona pili ole i ka hewa. • Maluna o kaupoku o ka Hokele īana, ma ka. hora 10 o ke kakahiaka o keia Poakahi iho, e inalama ae ana ka Ahahui Housewiv.es' League of Hawaii, i ka halawai makahiki. a ua makemakeia na lala apau o ka ahahui e hoea ma kela halawai. Ma ka la mua o ka mahina ae nei o lune, e hoomaka ai ka uku ana o ka auhau wai, o ka poe i komo ka mita, ina e hala ana ka la hope o kela mahina, me ka uku ole ia o ka auhau, alaila e kauia iho ana i umi pakeneka paliu'i mawaho ae. Ua manaoia, e hiki aku ana ma kahi o ka elua haneri a oi, ka nui o na lala o ka Hui Kamehameha, e holo aku ana no. Maui, ma ka huakai makaikai e hoolalaia nei, no ka Poaono, ka la 9 o lune ae nei.

Ma ka hapalua o ka hora ehiku, 0 ka po o keia Poakahi iho, Mei 28j e malamaia ao ana hc halawai, maloko o ka hale halawai o Pauoa, no ka noonoo ana i ka pono o ka Pa Ilina o Pauoa; ua makemakeia ka poe apau i kuleana i kela pa ilina e hoea ae ma ia halawai. 1 ka hihia o ka Makaikiu McDuffie. imua o ke komisina makai i ka hahana iloko o keia māu la, a ke oiliili ae nei ua lono lehulehu, no ka hopena e kau aku ana maluna o ka oihana makai, ma keia kau koho baloka o na luna oihana o ke kulanakauhale nei. Ma kekahi mau mea i loheloheia ae i na la aku la i hala, e holo mai ana ka kekahi mau hoa o ka ahaolelo aku nei i hala, he mau moho, no ke kulana lunakiai, no ke kulanakauhale a kalana o Honolulu nei, ke hoea mai i ke kau koho wae moho o na luna oihana o ke Kulanakauhale a Kalana o Honolulu nei. Ma ka Poalua iho nei, i hoopuiwaia aku ai ka wahine a ka Lunakanawai Soares, mamuli' o kekahi hoike i loaa aku iaia, ua make hikiwawe kana kane, oiai nae o ka mea oiaio, he Pukiki okoa ka mea i make, a no ka like loa o kona inoa me ko ka Lunakanawai Soares, pela i kuhihewa ai ka mea nana i hoike aku i kela lohe i ka wahine.