Ka Nupepa Kuokoa, Volume LXII, Number 21, 24 Mei 1923 — IKEIA KA HEWA MA KA HANA. [ARTICLE]

IKEIA KA HEWA MA KA HANA.

Mamuli o ka hooko ana aku o Sam Wailehua, i ke karaima, 0 ia kona powa ana ia Mrs. J. P. Forgan, mauka ae nei o ke Kiekiena o Makiki, he hookahi la mahope iho o kona hookuuia ana mai ka halepaahao mai, i hoomaopopoia ai, i ka hewa o ka hookuu koke ana iaia, malalo o kona mau ano maikai, mahope iho o ka noho ana iloko o ka halepaahao no elua makahiki. ' Me kela mau ano maikai i hoomaopopoia o Sam Wailehua, ke kahua nui o kona hookuuia ana mai ka noho paahao ana, c kana mea mua loa i hana ai, o ia ka aihue ana i kekahi papaIe kapu mai kekahi mai o kona mau hoa paahao, a iaia mawaho nei, he mau hora helu wale no mamua o ka lawelawe ana aku i ka hana powa, ua aihue aku la oia i kekahi pu panapana. Aole nae maluna o Sam Wailehua wale no na ahewa ana e hookauia aku ai, aka, maluna pu kekahi o ka poe i kuleana 1 ka hooko ana i ke kanawai. I ke ahewaia ana o kekahi mea. no kekalii karaima ko'iko'i, e hookauia aku he hoopa'i ikaika loa maluna ona, me ka manao, mamuli o ka ikaika o kela hoopa'i e lilo ai ia i haawina a'o kupono loa, e ike okoa iho ai no ka mea i ahewaia, i na hopena ehaeha o ke karairna ana i hana ai, ma ia ano, e konoia mai ana oia, e hoololi i kona ola ana, i oie ai e auamo hou i kela ehaeha. E hoomaikaiia nae ka oihana makaikiu, no ka paa koke ana e ka mea powa i ka hopuia, iloko o ka manawa pokole; a ina pela iho la ke ano a ka oihana makai, e hooko aleu ai i ka lakou hana i na manawa apau, e umeia aku auanei na manao mahalo o ka lehulehu. Ua huli hoi mai nei o Konela Charles J. McCarthy, ka mea i noho hana no ka oihana kalepa o Honolulu nei ma Wakinekona, no na makahiki ae nei i hala, a oiai ua hoole ae oia no kona lilo, i moho e alualu ana no kekahi kulana oihana ma Hawaii nei, aole a kakou mau hoohewahewa ana aku, no ka onou mai o na Demokarata iaia, no kekahi kulana. ano nui iloko o ko kakou hooponopono aupuni kuloko ana, oiai oia kekahi o na lio kahiko, i maa i ka honi ana i ka uwahi pauda, e kuemi hope ole ai imua o na enemi. Ke hookokoke mau mai nei ke kau koho haloka wae moho, no na luna oihana o ke Kulanakauhale a Kalana o Honolulu nei; he mau Ia keia a na alakai kalaiaina e hoomakaukau mai nei, no ke ku aku imua o ke kahua kaua kalaiaina; o ka kakou wale no e nana aku ai iloko o keia mau la, o ia ka oili ae o na moho a ku iwaho, no ka hakilo ana aku i ko lakou mau aoao apau. •-++ — Pu-a no ka uwahi, he ahi kolalo! He olelo keia na kahiko, he olelo pololei nae, a ke hoonioniia mai nei hoi ka Makaikiu McDuffie, malia paha ua pili kela mau olelo ae Ia a kahiko, i kona hihia, alia nae hoi, a ikeia aku ka oili okoa ae o ka lalapa o ke ahi iluna!