Ka Nupepa Kuokoa, Volume LXII, Number 20, 17 May 1923 — Okiia Kekahi Kanaka Hawaii i ka Pahi a Moku Paa ka Mea Houpahi i ka Hopuia a Laweia ae e Hoopaa ma ka Halawai HOPU PU IA KONA MAU HOA E NA MAKAI Mahope Iho o ke Ala Ana o ka Hakaka i Lawelaweia ai ka Houpahi [ARTICLE]

Okiia Kekahi Kanaka Hawaii i ka Pahi a Moku

Paa ka Mea Houpahi i ka Hopuia a Laweia ae e Hoopaa ma ka Halawai

HOPU PU IA KONA MAU HOA E NA MAKAI

Mahope Iho o ke Ala Ana o ka Hakaka i Lawelaweia ai ka Houpahi

Ma kahi e kokoke ana i na alanui Beritania me Moi, mamua koke iho o ka hora elua, o ka po o ke Sebati nei, i okiia ae ai o Holokai Wahakoele, me ka pahi umiumi, a moku kona opu, e Aloneo Nooba, he kuene noluna o ka mokuahi Calawaii, a paa hoi ka mea oki pahi i ka hopuia e na makai. Ua hoihoiia o Holokai Wahakoele no ka halema'i o na poino ulia, a mailaila ae no ka Halema'i Moiwahine, mo ka uuku loa o na manaolana, no kona palekana mai ka make mai, mamuli o ke kukonukonu loa, o ka poino i kau aku maluna ona. Mawaho ae nae o Aleo Nooba, ua hopu pu ia e na makai o Joe Andrade ame John Martinez, 110 ka noii pono ana mai ma ka aoao o na kanaka o ke aupuni, no ke kumu i ala mai ai o kela poino. I kulike ai me ka hoakaka a Aloueo Nooba, ua hele aku oia me kona mau hoa o ka hopu pu ia ana, no ko alanui ololi Tin Can Alley, no ke kuai ana i waiona, a ia lakou ma kela wahi, ua aluia mai la lakou e kekahi puulu, ahiki i kona hina ana ilalo. No ke kupale ana ka iaia iho, i wehe ae ai oia i kana pahi umiumi, a oiai e noke ana i ke aumeume me kela puulu o ka lele ana mai maluna ona ame kona mau hoa, i hoohana aku ai oia i kana pahi umiumi. Ma ka Holokai Wahakoele hoakaka hoi, oiai ka noonoo maikai me ia, iaia i h'oea ae ai no ka halewai, ua hoea aku oia no ke Tin Can Alley, mamuli o kona lohe ana i kekahi leo kahea e kokua. I kona hoea ana aku ilaila, ua okiia mai Ia oia i ka palii umiumi. Ua nui maoli kahi i moku o Wahakoele i ka pahi umiumi, me ka moku ana o ka naau, ame kekahi mau meapaahana e ae o kona kino. Ma ka olelo, a na makai, i ka wa ka e hookauia ana o Nooba, noluna 0 ke kaa makai, no ka laweia ae 1 ka halewai, ua hoao oia e kiola i ka pahi umiumi, ua holopono ole nae ia manao ana ona, e liana pela.