Ka Nupepa Kuokoa, Volume LXII, Number 20, 17 May 1923 — HE KANAENAE ALOHA NO HALEKUNIHI KAHAKAUILA, UA HALA. [ARTICLE]

HE KANAENAE ALOHA NO HALEKUNIHI KAHAKAUILA, UA HALA.

Mr. Lunahooponopono o ka Nupepa Kuokoa, Welina pu kaua:—E oluolu mai kou ahonui, e hokomo iho ma kahi kaawale o ka hiwahiwa a ka lahui, i kela pōomanao « kau 9* ae la maluna, a nana hoi ia e hoike ae i ka ohana ame na hoajj>ha o ka makou keiki, e noho ana mai kela pe'a a keia pe'a, eia ia he ukana luuluu kana e hii nei. Ua loaa mai la he leta ia maua mai kona hanaumua kaikuahine mai, ana ia maua ua haalele mai o kunane Halekunihi ia kakou, ma k& la 1 o Aperila, i keia ola honua ana. Auwe no hoi ka luuluu ame ke kaumaha e! Ua moe aku la i ka moo kapu o Niolopua, haalele mai la ia makou ka ohana, kona hanaumua kaikuahine, ame kona mama e paiauma aku nena inahope nei. Welina aloha ia'u ka uka o Waiopua la; kuu pua a'ui iini ai e kui, e lei i ko aloha e kuu keiki e, eia [ka na ka make ana hoi e lei, kupo- ' uli ke aloha e Kaneoha e, aohe e u i ka hana lokoino a ke aloha ole, 1 ua oni wale i ke kula o Mailehune, huna na māka pe'a na lima i ke kua; i ka nahele anoano aloha mauka o Huli wale e. Ke huli nei au ia oe e kuu keiki i kuu minainina pau ole, ke ul/iiaia nei hoi au a inaewaewa i ko aloha e, kuewa hoi i ke ala me ka waimaka, me he makamaka puka la ke aloha ke hiki mai, hiki mai ko aloha e uwe no au, auwe kuu keiki, kuu aloha pau ole ia oe e! E ke one o Kakuhihewa, ame ka uluwehiwelii o ke kaona, me ke awa lai o Kou, ua pau ka hehi hou ana 0 ka makou keiki aloha maluna o kou lepo, ua hala, ua nalo, ua pau kou ike hou ana i kona helehelena. E ke kai o Kaiwi ame Pailolo e, ua pau ko olua hoopulu ana i ko olua mau hunahunakai maluna o kona helehelena, ua hala, ua nalo, Ua huna aku la na maka i ke ao, koiula a Kane, e Keanae e, o ka waikau mai i ka laau, eia ko kama la, ua hala, aole ee e ike' hou aiia i ka helehelena o ka makou keiki! E ka wailele o Waikaui, me ka wai lelehun©- mai i na pali, ua pau kou hooma-u hou ana i kona helehelena, e Wailuanui e, ke onehanau o ka makou keiki aloha, ua 'pau kou ike hou ana ia Halekuuihi nia kou mau lae kahakai, ua hala ua nalo, no ka manawa pau ole. Aloha i ka uka o Lanipolua e, ua hoonaaupo mai oe ia'u e noho aku me kuu naau luuluū, lie mea nui oe i ko ohana makuAkane anie kō ohana makuahine, i kou wa uuku, e | wahaia ana ma ke kua, a hiiia ana ma ke alo. ! Eia ka e haalele mai ana oo ia makou, Auwe no hoi ka lilialiha 1 wale e! I E hoonaniia ke Akua ma na lani kiekie loa, Nana no i liana ko ka-> naka, a Nana no i lawe aku, he maiiu ka ea o ke kanaka i pua mai a nalo aku, wahi a ka Buke n\ii. Kē hooki nei au me ka hoomaikai »ui i ka Lunahooponopono abie na keiki o ka papapa'i kōu welina. 0 maua iho no me ka luUluu, KAOI KEPANO, DAVID M. KEPANO, Ame ohana. 661 Queen St, Honolulu, T. H.