Ka Nupepa Kuokoa, Volume LXII, Number 20, 17 Mei 1923 — KUU KAIKAMAHINE ALOHA, MRS. AH LEN HOSE M. PAIWI, UA HALA. [ARTICLE]

KUU KAIKAMAHINE ALOHA, MRS. AH LEN HOSE M. PAIWI, UA HALA.

I kuu Solomon Hanohano, ka Lunahooponopono o ka Nupepa Kuokoa; Welina malihini kaua:—E oluolu mai kou ahonui ina he wahi rumi kaawale kekahi o ka hiwahiwa a ka la)iui, no'u hoi ia wahi rumi, no ka'u wahi puolo waimaka e kau ae la maluna, a na kou lokomaikai hoi ia e aha 'i mama aku, i ike mai ai na kini makamaka ame ka ohana * apau o kuu lei heleloa. Luuluu wale! Ma ke nui o ka Poaha, Aperila 19, 1923, ma ka haukapila o Lahaina, Maui, i liaalele mai ai i keia ola ana kuu kaikamahine lieleloa Mra. Ah Len Hose Paiwi i 'keia ola ana. Ua hanauia kuu kaikamahine, ma Sprccklesvill Camp I, i ka malnn-i 0 Dekemaba 24, 1899. I kona liala ana aku la, ua piha iaia na makahiki he iwakalua-kumamakolu, ekolu mahina ame umi-kumamaiwa la, o ka lianu ana i na ea o keia ola mauleule ana. Ua mare oia i ke kane, a ua loāa ho eono keiki, he ekolu e ola nei, a he elua i haalele mua mai i keia ola ana; a o ka bebo hope no hoi 1 hukiia e ke kauka ke kumu hoi--0 ka pilikia, nana i hoopokole mai 1 na la o ke ola ana, o kuu leialoha, a waiho iho la i ka ukana luuluu, na'u e paiaunia aku kona makuahine, kona mau kaikunane ame na pokii ona. Walohia wale! lie umi-kumamakahi ko lakou nui a'u i hanau aku ai. He eiwa iho i koe, a o kuu Mrs. Ah Len, Hose Paiwi aku la no hoi ka helu elua 0 ka'u mau keiki i haalele mai b 1 keia ola ana. Minamina wale! Ua hoikoiia mai kona kino wailua a waihoia ma ilina o ka Ekaleaia o Kalanikahuahou, Pauwela, Maui, oiai, iie hoahanau oia no ia ekalesia. 0 kuu Ah Leu i hele aku la i ke ala hoi ole mai, he nana makua; he piha oluolu; he hoohaahaa; he akahai; he mea nui ka oliana iaia, a he puuwai hamama; e ike ana i ke kiekie ahiki i ka haahaa. Aloha wale!

Ua pili aloha ia e a'u me kuu kaikamahine heleloa na wahi apau. E hoomanawanuiia ana na auiui 0 na inea ame na luhi o keia noho honua ana. Ua hoolilo pu aku no hoi iaia iho no kona Haku aloha, oiai oia e ola ana. E ka Ua Ukiu o Makawao, ua piliia kou mau kualono, kou mau oawa nani; aole oe e hoope hou ana 1 na papalina aloha o kuu Ah Len aloha. E puu o Umi e ku kilakila mai nei i ka lai e, ko umi ae nei i ka waimaka e paa, liiki ole nae. Halehale mai nei ke aloha o kuu kaikaimahine heleloa. Ke hiolo nei ka waimaka me he kuaua la e hoaleale mau ana i kuu lihilihi. E ka uahi moe' Kula i ka hau e, o ka moe no kau e kuu lei heleloa, moe no nana ole mai ia'u i kou mama. Aloha wale ia'wahi a kakou e luakaha ai. E Kihei i %a makani kuehu lepo e, welo >auanei paha hol kihei a Keaeloa ia ōe e kuu lei heleloa; o ke ku mai no a Puu Hoona, hoona ae ana i ko aloha, pehea la ia e pau ai. E Lahaina i ka Malu Ulu o Lele e, kahi nana i kaili aku i ka hanu ola o kuu lei maeole, aole oia e kaalo hou ana ma kou mau luhieiiu ame kou mau pi-pa alanui. Ua nalo no ka wa mau loa. I ko'u hoopau ana ae i keia wahi kanaenae aloha no kuu lei hel<?loa; ke haawi aku nqi au ame kuu mau keiki apau i na hoomaikai he nui ia olua na makua o kuu kaikamahine o Lahaina no ka halo (pahu) o kuu kaikamahine, kahi i waiho ai ke kino wailua o kuu mea aloha. Ia oukou pu no hoi e na makamaka, na hoalqha apau o kuu lei heleloa o ka Malu Ulu, no ka oukou mau makana pua, a oukou palealii, oukou hui ia i haawi mai ai me ko oukou puuwai i piha i ka lokomaikai.

Ia oe e kui/ lianaumua o ka pupuu ahookahi, Mrs. Joe Kaiania, no kau kokua lokomaikai i panai mai ai, no ke kaa i hoihoiia*mai ai ke kino wailua o kc »kama a kaua ahiki Kalanikahua Hou Hall, Pauwela. Ia oukou no hoi apau loa, na luna, na lioahanau, na hoaloha, na makamaka na pilikana ame ka poo no hoi apau i haawi aloha mai i ka oukou mau kokua like ole, na bo-ke pua; na mea e oluolu ai ke kino; ke ku kiai pu ana i ka po Poaha a ao ae ka oiai e waiho ana kuu mea aloha malako o ka hall. i Ia oukou pu no lioi e ka poe na lakou i kohi iho i ka halelua o kuu mea aloha no oukou kekahi hoomaikai nui palena ole a'u e nei. Nolaila, oluolu oukou pakahi, e layre aku i ka makou hoomaikai maluna pakahi o oukou; ke noi nei ka'u leo pule i ko kakou Makua Lani, Nana no e haawi mai i na hoomaikai oi ae mailuna mai. Ke haawi pu aku nei makou i ko makou hoomaikai nui ia oe e Mr. Lunahooponopono, ame kou man keiki limahei o ka papapa'i. Owau iho no me ka luuluu, MRS. MARIA DAVIS, Me ka Ohana. Pauwelk, Haiku, Maui, Apr. 24, 1923