Ka Nupepa Kuokoa, Volume LXII, Number 20, 17 May 1923 — KI HE HAOLE IAIA IHO ME KA PU PANAPANA [ARTICLE]

KI HE HAOLE IAIA IHO ME KA PU PANAPANA

Mahope koke ilio o ka liora umi, 0 ka po o ka Poaono aku nei i hala, i ki ae ai kekahi haolo nona ka inoa o C. A. Ramsey iaia iho me ka pu panapana, a hoihoi awiwi ia aku oia noloko o ka halema'i, me ka maopopo ole o ka hiki ke hoopakele ao i kona ola. Aole he mau kumu maopopo loa, no ka lawelawo ana o kela 1 kela hana naaupo, koe wale no ka hoomaopopoia ana, he ma'i puuwai kona, 110 ka makahiki aku nei i hala, a iloko o na pule kakaikahi aku nei i liala, wahi a kana wahine, ua ikaika loa kela ma'i maluna ona, me ke kupilikii maoli; a no ka uluhua palia i ka wili mau o ka pilikia, pela iho la oia i lawe ae ai i kona ola. Ma ka hora umi o kela po Poaono, eliko me na hoakaka a kana wahiiie, e holoholo ana oia maloko o ka halekuke, o ko laua home, ma ke alanui Beritania, me ke komo 010 nae o na manao hoohuoi iloko o ka wahine, e hoao ana kana kane e lawe ae i ke ola. #

Ua hoopuiwaia aku ka wahine, mamuli o kona lohe ana mai, i ke kani o ka pu panapana, nolaila iaia i holo mai ai noloko o ka halekuke, o waiho aku ana ke kane iluna o ka papahele, a e kaheawai ana hoi ke koko, mai kekahi puka poka aku ma kona poo.

lloko o ka lima akau o kela haole, e paa ana oia he pu panapana; a iloko o ka manao menemene, no ka mea a kana kane i hana aku ai, ua kelepona mai la ka wahine i ka oihana makai, a i ka hoea ana aku o na kanaka o ke aupuni, i hoihoiia mai ai ka mea ki-pu no ka halema'i o na poino ulia, a mailaila i lioihoi loa ia aku ai no ka Halema'i Moiwahine, me ka liilii loa nae o na manaolana, iloko o na kauka, no ka palekana o kela haole mai ka make mai.