Ka Nupepa Kuokoa, Volume LXII, Number 20, 17 Mei 1923 — HOOMAHA KA AHA I KA WA E UWE ANA KA HOIKE. [ARTICLE]

HOOMAHA KA AHA I KA WA E UWE ANA KA HOIKE.

Ma ka Poakahi nei ka pau ana o na oleloike a ke kaikamahine i hoopoinoia ai e John Fernandez, ka hoike ano nui hoi ma ka aoao o ke aupuni ma ka hihia a ke Teritoro e ku-e ana ia John Femande7, ke kanaka i hoopiiia ae ai e ke kiure kiekie teritore no ka hewa ona i hopuia ae ai he moekolohe a e hooloheia ana e ka papa kiure a ka lunakanawai Frank Andrade o ka mahele ekalii o ka aha kaapuui. Ma ka manawa e ninaninauia ana o ke kaikamahine i hoopoiuoia, ka hoike ano nui ma ka aoao o ke aupuni, e ka Lunakanawai Peterson, ua hiki ole i ke kaikamahine ke pane a hoomaka kona uwe ana, a no ka haawi ana i manawa noua e hoonana ai i kona uwe ana ua kukala mai la ka Lunakanawai Andrade e hoomaha ka aha no kekalii manawa. I ka haalele ana iho o ke kaikamaliine i ka noho hoike, a me ka puupuu lima i makaukau no ka hoolele ana aku maluna o kona enemi, ua holo pololei aku la oia a mamua o John Fernandez me ka uluahewa o kona noonoo no ka piha loa i ka inaina, me ka manao e ku-'i aku ia Fernaudez, a e ole kekahi mea i hopu mai i ua kaikamahine la ina paha ua uli na maka " Fernandez. He umi minuke ka hoomaha ana o ka aha, a ua akakuu loa no hoi ka uwe ana o kela kaikamahine ia mauawa. O ka makuakane ame ka makuahine o ke kaikamahine pu kekahi i hoike ae i ka laua mau oleloike e pili ana i ke kaikamahine ma ka mc& e pili aua i kona poino i ka manawa i hoea aku ai i ka 'nale ma kekahi kakahiaka' ae o kona limanui ia ana e Fernandez. No ke koena o na mea e pili ana i keia hihia o Fernandez ua hoopaneeia mai a ke kakahiaka o ka Poalua nei.