Ka Nupepa Kuokoa, Volume LXII, Number 20, 17 May 1923 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Eha Nupepa Kuokoa Honolulu. T. H. Poaha, Mei 17, 1923
Ma Ke Kauoha
Na Kanawai Kau o 1923
Kanawai 67.
[B. H. Helu 256.]
He Kanawai
E Hoololi Ana I Ka Pauku 2303 o na Kanawai i Hooponopono Houia o Hawaii, 1915, e Pali Ana i ka Hopuia Ana o ka Poe Malalo o na Palapala Hopu I Kakauimoaia.
E Hookoloia e ka Ahaolelo o ke Teritore o Hawaii:
Pauku 1. O ka Pauku 2303 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
"Pauku 2303. Hopu ana malalo o ka palapala hopu i kakauinoaia. I kela ame keia manawa o kekahi palapala hopu e hoopukaia ai e kekahi aha hookolokolo i loaa ke kuleana a o ka mea i makemakeia e hopu ua kaa aku mawaho o ke kuleana o ia aha hookolokolo. ua ku no i ke kanawai no ka lunamakai iaia i haawiia aku ai ia palapala hopu e hooko, e alualu a e hopu ia mea i makemakeia e hopu iloko o kela ame keia wahi o ke Teritore, aka nae, e paa mua ka palapala hopu i ke kakauinoaia me na huaolelo kupono i loaa ka mana mai kekahi lunakanawai mai o kekahi aha hookolokolo kaapuni a i ole lunakanawai aha apana paha maloko o ka mokupuni e hookoia aku ai ia hopu ana."
Pauku 2. E mana no keia Kanawai i kona aponoia ana.
Aponoia i keia la 16 o Aperila, A. D. 1923.
W. R. Farrington,
Kiaaina o ke Teritore o Hawaii.
Kanawai 68.
[B. H. Helu 267.]
He Kanawai
E Hoomana Ana a e Kuhikuhi Ana I ka Papa o na Luhakiai o ke Kulanakauhale ame @alana o Honolulu e Hookaawale i ka Huina Kanaono-Kumamakolu ame 95/100 Dala ($63.95) no ka Uku Ana i ke Koi a ka Pacific Auto ame Machine Shop ame ka Ahahui Kolea Kristiano.
E Hooholoia e ka Ahaolelo o ke Teritore o Hawaii:
Pauku 1. O ka Papa o na Lunakiai o ke Kulanakauhale ame Kalana o Honolulu ma keia ke hoomanaia aku nei a ke kuhikuhiia aku nei e hookaawale i ka huina o kanaono-kumamakolu me 95/100 dala $63.95) mailoko ae o ka waihona laula o ke kulanakauhale ame kalana i oleloia no ka uku ana aku i keia koi malalo iho nei:
Pacific Auto and Machine Shop, no kekahi hana i lawelaweia ame na lako i hoolawaia no ka aha hookolokolo o na keiki oo ole no na inahina o Iune ame Iulai, 1920. . . . . . . . . . . . . . . .$17.20
Ahahui Kolea Karistiano, no na auhau waiwai i ohi hewaia iloko o 1922 maluna o ka waiwai hiki ole e auhauia . . . . . . . . . . . . . . . . . . . . . . . . . . . . 46.75
I ka hanaia ana o keia haawina, ame ka waihoia ana aku o na palapala aie kupono, na ka Lunahooia o ke Kulanakauhale ame Kalana o Honolulu, i hoomanaia ma keia a i kuhikuhiia e kakau i na kikoo dala maluna o ka puuku o ke Kulanakauhale ame Kalana o Honolulu no keia mau huina pakahi no ka pomaikai o keia mau mea e koi nei.
Pauku 2. E mana no keia Kanawai i kona aponoia ana.
Aponoia i keia la 16 o Aperila, A .D. 1923.
W. R. Farrington,
Kiaaina o ke Teritore o Hawaii.
Kanawai 69.
[B. H. Helu 321.]
He Kanawai
E Hoololi Ana i ka Pauku 1861 o na Kanawai i Hooponopono Houia o Hawaii, 1915, Elike me ia i Hoololiia Ai e ke Kanawai 182 o na Kanawai o ke Kau o 1915, e Pili Ana i ka Oihana Wai ame Sua o Honolulu.
E Hooholoia e ka Ahaolelo o ke Teritore o Hawaii:
Pauku 1. O ke pooh hope o ka pauku 1861 o na Kanawai i Hooponopono Houia o Hawaii, 1915, elike me ia i hoololiia ai e ke Kanawai 182 o na Kanawai o ke Kau o 1915, m ma keia ke hoololiia nei i heluhelu ai penei:
Pauku 2. E mana no keia Kanawai i kona aponoia ana. Aponoia i keia la 17 o Aperila, A. D. 1923.
W. R. Farrington,
Kiaaina o ke Teritore o Hawaii.
Kanawai 71.
[B. H. Helu 112.]
He Kanawai
E Hoomana Ana i na Ka@u o ka Poe Pupule e Hoolilo i na Waiwaipaa Malalo o na Aelike i Hanaia e ko Lakou Mau Hope Mamua o ko Lakou Pupule Ana.
E Hoaholoia e ka Ahaolelo o ke Teritore o Hawaii:
Pauku @ I ka manawa o kekahi mea, iaia e noho ana me ka noonoo maikai, e komo aku ai iloko o kekahi aelike ma ke kau e hoolilo aku i kekahi waiwaipaa a mahope mai a mamua o ka lilo ana o kela hoolilo ana ua hooholoia ua pupule a ua waihoia mai malalo o kekahi kahu, o ka lunakanawai i loaa ke kuleana maluna o kela ninau kahu, i ke noi ana mai a ke kahu a i ole a kekahi mea paha e koi mai ana ua loaa ke kuleana no ia palapala hoolilo, e hoomana mai a i ole e kuhikuhi mai i ke kahu e hoolilo aku ia waiwaipaa i ka mea i kuleana e loaa aku. O ia hoolilo ana e hoomanaia a i ole e kuhikuhiia mahope wale mai no nae o ka hooloheia ana ma hope o ka heolahaia ana e kekahi lunakanawai nana i hoolaha mai a i hoolahaia paha maloko o kekahi nupepa, ma o ka hookauia ana o na hoolaha ma kekahi wahi, ma o ka hookomoia ana maloko o kekahi leka a i ole ma kekahi ano e ae paha. O ka olelohooholo e hoomana ana a i ole e kuhikuhi ana no keia hoolilo ana e koiia mai no elike me na hoakaka a ka aelike a pau pono a i ole elike paha a i ole e hoano houia ae paha ka ike a ka lunakanawai e lilo ana no ka pomaikai o ka mea hoomaluia a i ole ua kaulike a pono. O na hoolilo apau e hanaia ana pela i hoakakaia mamua ae nei e haawiia aku no ke kuleana i kela waiwai i hooliloia pela me he mea la aole ka hope i hooholoia ua pupule a i ole ua hoihoiia paha malalo o kekahi kahu a nana maoli no i hana ka palapala kaui.
Pauku 2. E mana no keia Kanawai i kona aponoia ana.
Aponoia i keia la 16 o Aperila, A. D. 1923
W. R. Farrington,
Kiaaina o ke Teritore o Hawaii.
Kanawai 72.
[B. S. Helu 16.]
He Kanawai
E Pili Ana i ka Uku ame na Hoolio o na Luna Aupuni o ke Teritore ia Lakou e Kaahele ana Mawaena o ke Teritore a e Hoopau ana i ka Olelo Hooholo Hui Helu 3 o na Kanawai o ke Kau o 1917
E Hooholoia e ka Ahaolelo o ke Teritore o Hawaii.
Pauku 1. Aole kekahi Luna Aupuni Teritore, koe wale no me ke apono o ke Kiaaina, e ohi i kona ukumahina oiai oia ua kaawale aku a oi aku mamua o elua mahina mai ke Teritore nei aku mamuli o ka hana oihana luna aupuni o ke Teritore.
Pauku 2. O ka luna aupuni Teritore, oiai oia e kaahele ana mawaho aku nei mamuli o ka hana luna aupuni Teritore, e aeia aku no i iwakalua dala o ka la, a o ia huina e uhi no i kona mau hoolilo pilikino apau, e like me ka ai, moe ana, a pela aku, aka aole ka uku moku ame uku kaaahi, a eia ma keia ke kuhikuhiia aku nei ka lunahooia o ke Teritore e hoopuka i kikoo dala no ka uku ana ia luna aupuni no ia hana pela, elike me ka helu ana maluna ae nei, mai ka la aku o kona haalele ana, ahiki i ka la o kona hoea hou ana mai i ke Teritore nei, i ka waihoia ana aku me ka luna aupuni o kekahi hoike i kakauinoaia e hoike ana i ka manawa o ke kaawale ana.
Pauku 3. O ka Olelo Hooholo Hui Helu 3 o na Kanawai o ke Kau o 1917, i aponoia i Mei 2, 1917, ma keia ke hoopauia nei.
Aponoia i kei la 21 o Aperila, A. D. 1923.
W. R. Farrington,
Kiaaina o ke Teritore o Hawaii.
Kanawai 73.
[B. S. Helu 61.]
He Kanawai
E Hoololi Ana i ka Mokuna 24 o na Kanawai i Hooponono Houia o Hawaii, 1915, Mamuli o ka Hoololi Ana i ka Pauku 286 o ia Mokuna, ame ka Pakui Ana Aku Ia Mokuna I Pauku Hou e Ikeia Ana o ka Pauku 268A, e Pili Ana i ka Hoonaauao Ana o ka Lehuleuh.
E Hooholoia e ka Ahaolelo o ke Teritore o Hawaii.
Pauku 1. O ka pauku 286 o na Kanawai i Hooponopono Houia o hawaii, 1915, ma keia ke hoololiia nei i heluhelu ai penei:
"Pauku 286. Ka hele ana aole e alo ae; na loli ana. O ka hele ana o na keiki apau mai ka eono ahiki i ka umi-kumamaha makahiki ko lakou mau makahiki, ina paha i ke kula aupuni a i ole kula kuokoa paha, aole e hiki e noho a ua kau aku maluna o na makua apau, na kahu ame na poe e aku ia lakou ke ko'iko'i ame ka malama ana o na keiki o ia mau makahiki, e hoouna aku ia lakou i kekahi o ia mau kula; aka nae, i ka manawa o kekahi keiki i hoea aku ai ka nui o kona mau makahiki i ka umi-kumamalua a aole i pau ka papa eha o ke kula a'o mua, ua hiki wale no iaia e a'oia maloko o eha mile mai kona home aku a i ole ua loaa paha he mea nana e lawe iaia ia kula i hoomakaukau mua ia; aka hou no nae, aole loa ia keiki e hiki e hoomau aka maloko o ia kula a'o mua i oleloia koe wale no loaa he ae ma ke kakau mai ka lunanui mai o ke keena hoonaauao, aka no nae, ole e manaoia ua hiki e hoole ia kona hele ana i ke kula ma keia mau kumu malalo iho nei:
Ekahi. Ina o ka mamao ahiki aku i ke kula kokoke loa ua oi aku mamua o eha mile a aole e loaa ka mea nana e lawe aku;
Elua. Ina o ua keiki la ua lawa ole kona ikaika kino ame kona noonoo e hiki e hele i ke kula, a no ia kumu ua loaa mai he palapala hooia mai kekahi kauka lapaau i laikiniia mai, a o ia palapala ua lawa ma ke ano hoike;
Ekolu. Ina ua hoolimalimaia he mea kupono ma ke ano he kokuakumu maloko o ka ohana iloko o ia wai e noho ana ke keiki a ua loaa ke a'o kuponoia ana malaila;
Eha. Ina o ua keiki la aole i emi iho malalo o umi-kumamakolu makahiki ua puka pono mai nae mai na hoike mai koiia o ke kula a'o mua ame ke kula a'o olelo mai o na papa i a'oia , ina nae e hoohana kuponoia ana o ia;
Elima. Ina mahope o ka noiiia ana e kekahi aha hookolokolo o na keiko oo ole, i ka manawa e hiki ana, a i ole ma o ka lunakanawai o ka aha apana, ua hoikeia mai aole he mau kumu e ae e hoole ana i ka hiki ole ia keiki e noho mai ke kula mai"
Pauku 2. Eia ma keia ka paku'iia ku nei he pauku hou i na Kanawai i Hooponopono Houia a e ikeia ma o ka Pauku 286A, a e heluhelu ana penei:
"Pauku 286A. Aole kekahi keiki i emi iho kona mau makahiki malalo o eono e hele i kekahi kula aupuni, a e lilo no i hana na na kumukula e a'o ana malalo o ka papa ekahi ame elua o na kula aupuni ame na kumupoo apau o na kula aupuni e hooko aku i keia pauku a e koi aku i hooia ana ma o ka palapala hooia hanau, a i ole i ka nele ana i keia, alaila ma na hoike e ae i kupono o na keiki apau e koi mai ana e komo no ke a'oia maloko o kekahi o keia mau papa i oleloia ua hiki au na makahiki i ka eono a i ole ua oi aku paha."
Pauku 3. E mana no kei Kanawai i kona aponoia ana.
Aponoia i keia la 21 o Aperila, A. D. 1923
W. R. Farrington,
Kiaaina o ke Teritore o Hawaii.
Kanawai 74.
[B. S. Helu 69.]
He Kanawai
E Hoomaopopo Ana i Haawina Paku'i no ka Waihona Hoomaemae no ka Pono Ola.
E Hooholoia e ka Ahaolelo o ke Teritore o Hawaii:
Paukau 1. Eia ma keia ke hookaawaleia nei mailoko ae o na loaa laula o ke Teritore ka heluna o hookahi haneri tausani dala (100,000,00) ma ke ano he paku'i i ka Waihona Hoomaemae no ka pono ola i hooholoia mamua aku nei no ka hooko ana aku i na hoakaka o na Mokuna 66 ame 71 o na Kanawai i Hooponopono Houia o Hawaii, 1915, a o keia huina i hooka@waleia ma keia e hookaawaleia aku no maloko o ka waihona puuku o ke Teritore no ka pomaikai o ia waihona i oleloia.
Pauku 2. E mana no keia Kanawai i kona aponoia ana.
Aponoia i keia la 21 o Aperila, A. D. 1928.
W. R. Farringtion,
Kiaaina o ke Teritore o Hawaii.
Kanawai 75.
[B. S. Helu 81.]
He Kanawai
EHookaawale Ana i Haawina i Hiki Ai i ke Teritore o Ha waii e Lilo i Lala no ka Ahahui o na Luna Aupuni na Alaloa o na Mokuaina Amerika.
E Hooholoia e ka Ahaolelo o ke Teritore o Hawaii:
Pauku 1. O ka huina o hookahi tausani elima haneri dala ($1,500,00) eia ma keia ke hookaawaleia nei mailoko ae o na dala maloko o ka waihona puuku, aole i hookaawale mua ia, no ka uku ana aku i ka uku makahiki i hiki ai i ke Teritore o Hawaii e lilo i lala no ka Ahahui o na Luna Aupuni Amerika o na Alaloa o na Mokuaina, ame ka uku ana i na hoolilo o ka wahaolelo o ke Teritore e hele aku ai i ka ahaelele o na luna aupuni o ka Ahahui Amerika i oleloia o na Luna Aupuni no na Alaloa Mokuaina. O keia haawina o ia no ke pani no ka hoakaka laula no ke kanawai e ae ana i na luna aupuni Teritore no na hoolilo o ke kaahele ana a o ia haawina aole e hiki e unuhiia me ka manao paku'i iho i keia haawina.
Pauku 2. Ma keia ke hoomanaia aku nei ke Kiaaina e hookohu i wahaolelo e hele aku ai ka ahaolelo o na Luna Aupuni o ka Ahahui Amerika no na Alaloa o na Mokuaina, a ma na ano e ae e hooko aku i na hoakaka a keia Kanawai.
Pauku 3. E mana no keia Kanawai i kona aponoia ana.
Aponoia i keia la 21 o Aperila, A. D. 1923.
W. R. Farrington,
Kiaaina o ke Teritore o Hawaii.
Kanawai 76.
[B. S. Helu 88.]
He Kanawai
E Hoohoihi Ana i Hanaia i Hiki Ana Ame ka Hooneemua Ana o ka Hoolawa Ana i ke Gas Mamuli o ka Hooloihiia Ana Aku o ka Manawa Uku Auhau ole maluna o na waiwaipaa i hoohanaia no Ia hana.
E Hooholoaia e ka Ahaolelo o ke Teritore o Hawaii:
Pauku 1. O ka waiwai apau, waiwaipaa ame waiwailewa i hoohanaia a no ia hana wale no ma o ka hana ana ame ka hoolawa ana i ke gas, a e hana ana a i ole hoohana ana ma ke ano he hapa no kekahi wahi hana gas ame ka hoolawa ana aku, e kekahi hui, mea a i ole hui i hoohuiia, a o kona waiwai i keia manawa aole uku auhau, e hoomau ana no e uku ole i ka auhau no kekahi manawa o elima makahiki mai ka la aku o ke aponoia ana o keia Kanawai.
Pauku 2. E mana no keia Kanawai mai a mahope aku o ka la o kona aponoia ana.
Aponoia i keia la 21 o Aperila, A. D. 1923
W. R. Farrington
Kiaaina o ke Teritore o Hawaii.
Kanawai 77.
[B. S. Helu 96.]
He Kanawai
E Hoomana Ana i ke Kulanakauhale Ame Kalana o Honolulu e Hookaawale i Haawina no ka Pomaikai o Harold W. Marvin.
E Hooholoia e ka Ahaolelo o ke Teritore o Hawaii:
Pauku 1. O ka Papa o na Lunakiai o ke Kulana kauhale ame Kalana o Honolulu ma keia ke hoomanaia aku nei a ke kuhikuhiia nei e hookaawale a e uku aku ia Harold W. Marvin i ka huina o kanaiwa dala ame kanawalu-kumamalima keneka ($90.85), a o ia huina dala ua ohi hewaia no kona auhau no ka makahiki 1921.
Pauku 2. E mana no keia Kanawai i kona aponoia ana.
Aponoia i keia la 21 o Aperila, A. D. 1923.
W. R. Farrington
Kiaaina o ke Teritore o Hawaii.
Kanawai 78.
[B. S. Helu 99.]
He Kanawai
E hooponopono Ana i ka Hana ame ke Pa'iia ana o na kii ma ka Panalaau lepera ma kalaupapa, Kalana o Kalawaa, ka Halema'i ma Kalihi, ka Home Kapio ani o na Kaikamahine ame ka home Kalihi o na Keiki-kane, Kulanakauhale ame Kalana o Honolulu.
E Hooholoia e ka Ahaolelo o ke Teritore o Hawaii:
Pauku 1. Aole kekahi mea e hana a i oe e pa'i i kekahi kii o kela ame keia ano ma ka Panalaau Lepera ma Kalaupapa, Kalana o Kalawao, a i ole ma ka Halema'i o Kalihi, Home Kapiolani o na Kaikamahine a i ole Home Kalihi o na Keikikane, Kulana-kauhale ame Kalana o Honolulu, koe wale no ua loaa mua aku @ he ae ma ke kakau--i hiki e hoopauia i na manawa apau mai ka Papa Ola mai e hana pela, a ina pela no na hana akea@@mai wale no, aka nae, aole kii o kekahi ano i pa'iia ma kahi a i ole mau wahi paha i hoikeia maluna ae mamaua o ka holo ana o keia Kanawai e hoikeikeia i kela ame keia mea ma na ano apau.
Pauku 2. O kela ame keia mea e ku-e ana i ka Pauku @ @ keia Kanawai, a i ole e kokua ana a i ole e ae aku ana paha e @ i kela pauku, e hoopa'iia no ma ke dala aole e oi aku mamua elima haneri dala a i ole ma ka hoopaahao no kekahi manawa @ e oi aku mamua o eono mahina, a i ole ma o na hoopa'i dala @ hoopaahao pu no.
Pauku 3. E mana no keia Kanawai i kona aponoia ana Aponoia i keia la 21 o Aperila, A. D. 1923.
W. R. Farrington.
Kiaaina o ke Teritore o Hawaii
Kanawai 79.
[B. S. Helu 113.]
He Kanawai
E Hoomaopopo Ana i Uku Hoomau no R. Puuki, a e H@@mana Ana a e Kuhikuhi Ana i ke Kalana o Ka@@@@ Uku Ia Mea.
E Hooholoia e ka Ahaolelo o ke Teritore o Hawaii:
Pauku 1. O ka Papa o na Lunakiai o ke Kalana o Kauai ana keia ke hoomanaia aku nei a ke kuhikuhiia aku nei e uku aku ia ia @@ Puuki, i kela ame keia mahina, i ka manawa o kona ola ana e hoomaka ana mai ka mahina o keia ano e haawiia iloko o keia manawa in a e paa ana o R. Puuki i olel@@@ i kekahi kulana ukumahina malalo o ke Teritore o Hawaii a i ole mahele kalaiaina paha on a.
Pauku 2. E mana no keia Kanawai i kona aponoia ana.
Aponoia i keia la 21 o Aperila, A. D. 1923.
W. R. Farrington.
Kiaaina o ke Teritore o Hawaii
Kanawai 80.
[B. S. Helu 123.]
He Kanawai
E Hoololi Ana i ka Pauku 1 o ke Kanawai 42 o na Kanawai o ke Kau o 1903 Elike me Ia i Hoololiia Ai Keia Pauku e ke Kanawai 89 o na Kanawai o ke Kau o 1911, e ke Kanawai 134 o na Kanawai o ke Kau o 1913, e ke Kanawai 228 o na Kanawai o ke Kau o 1917, e ke Kanawai 207 o na Kanawai o ke Kau o 1919 ame ka Kanawai 12 o na Kanawai o ke Kau o 1921 e Pili Ana i na Home @ ka Lehulehu.
E Hooholoia e ka Ahaolelo o ke Teritore o Hawaii:
Pauku 1. O ka Pauku 1 o ke Kanawai 42 o na Kanawai o ke Kau o 103, elike me ia i hoololiia ai kela Pauku e ke Kanawai 89 o na Kanawai o ke Kau o 103, elike me ia i hoololiia ai kela Pauku e ke Kanawai 89 o na Kanawai o ke Kau o 1911, e ke Kanawai 134 o na Kanawai o ke Kau o1913, e ke Kanawai 228 o na Kanawai o ke Kau@@ 1917, e ke Kanawai 207 o na Kanawai o ke Kau o 1919 ame ke Kanawai 12 o na Kanawai o ke Kau o 1921, ma keia ke hoololiia nei i heluhelu ai penei:
Pauku 1. O ka Puuku o ke Teritore ma keia ke hoomanaia nei a ke kauohaia nei, me ke apono o ke Kiaaina, e hoopuka mai kekahi manawa a i kekahi manawa i mau bona no ke Teritore o Hawaii, me na palapala uku ukupanee e pili pu ana, i kekahi huina aole e oi aku mamua o ka huina nui o na bona aie o iwaka lua miliona dala ($20,000,000.00), o ke kumu ame ka ukupanee e ukuia aku ma ke dala gula o Amerika Huipuia, a i ole o ka mea like ma kona ana i keia manawa ke kaumaha ame ka maemae ma ke ano, elike me ka hoakaka a keia Kanawai. Aka nae, ke hoomopopoia nei, o kela ame keia bona e hoopukaia aku ana ma keia hope aku malalo o na hoakaka a ka Mokuna 88 o na Kanawai i Hooponopono Houia o Hawaii, 1915, no na hana o ka uku hou ana aku na bona i hoonmanaia aole e houluuluia me he mea la he hapa o ka palena o na bona i hoopukaia elike me na hoakaka maloko nei."
Pauku 2. E mana no keia Kanawai i kona aponoia ana.
Aponoia i keia la 21 o Aperila, A. D. 1923.
W. R. Farrington,
Kiaaina o ke Teritore o Hawaii.
Big Power in Every Drop
"O ka Red Crown" ka i hooko i ka makemake o ka enekinia no ka aila kaa hikiwawe loa o ka wela ame ke kaulike maloko o ka ipuea, me ke poha holookoa ma loko o ko ku'e. He 100% mana iloko o na kulu apau.
Hoopiha i kou kula aila me ka "Red Crown" aole mea e ae, aole e loaa he pilikia i na meahana o kou ipuea. E loaa ana ia oe he hoomaka hikiwawe ana, loaa na mile oi ae, a he kaa holo palanehe.
Hoopiha ma kahi o ka hoailona Red Crown-- ma na Wahi Hoopiha Aila, ma na halekaa, a i ole ma na wahi kuai aila o ae.
STANDARD OIL COMPANY
(California)
The Gasoline of Quality
RED CROWN GASOLINE
100% power