Ka Nupepa Kuokoa, Volume LXII, Number 19, 10 Mei 1923 — HOEMIIA NA HOOLILO O KA HALE. [ARTICLE]

HOEMIIA NA HOOLILO O KA HALE.

Ma keia kau ahaolelo o ka hale o na lunamakaainana 1 ' i hala aku la, i hoike mai ai ka Lunahoomalu Cooke, i kona hooiaio ana, no ka lilo o kela kau i kau hoomakaulii, ua hookoia kana mea i iini nui ai, ma o ka waiho ana iho ,o kela hale i kekahi huina eiala mahuahua i hoolilo ole ia. Ma ka hookuku ana i na hana- o ka hoomakaukau ana aku i ka moolelo o kela hale, me ko ke kau aku nei i hala, e ike ia ana ka like ole nui, ma kahi o na hoolilo, pela hoi me ka manawa e makaukau ai ka moolelo o ka hale, a ma kekahi olelo ana ae, ua emi loa iho na hoolilo o keia kau i ko ke kau aku nei i hala. Ma ke kau ahaolelo aku nei i hala, ua hoolilo aku ka hale o na lunamakaainana i ka huina dala holookoa i hookaawaleia no na hana o ia kau, 4iia keia kau, ua koe iloko o ka waihona o ke aupuni, ma kahi o ka elua kaūkani dala a oi, -me ke kikoo ana mai o ke senate i ko ka hale mahele, iloko o na dala i hookaawaleia no na hoolilo o ka ahaolelo, e ke aupuni federala, me ke koe okoa iho no o kekahi huina dala iloko o ka waihona o ka hale. Aia no he mau hoolilo i koe, e hoohanaia aku ana, mahope iho o ka hookuu ana o keia kau, e laa na hoolilo o ka hoomakaukau ana i ka moolelo o ka hale, ame ka uku o na kakauolelo, eia nae ua emi loa iho no ia, niau hoolilo, imua o ko na kau aku nei i hala; nolaila ma ke ano nui ke olelo ae, ua lilo ka hookele ana a ka Lunahoomalu Cooke, i hookele ana o ke ario hoemi lilo; a o na mahalo a ka lehulehu e haawi ajcu ana iaia, he mahalo ia i kau pu aku maluna o na hoa e ae o ka hale, oiai no nae, aia he poe iwaena o lakou, i hoao e hoolilo aku i kekahj mau dala o ka lehulehu, ma ke ano hoomaunauna Wale, a mamuli wale no o na kupale ana ma ka aoao o ka Lunahoomalu Cooke i ko ole ai ia mau |iana.