Ka Nupepa Kuokoa, Volume LXII, Number 19, 10 Mei 1923 — MEA ALOHA HE WAHINE [ARTICLE]

MEA ALOHA HE WAHINE

īa oe e ha mea hanohano Mi. Sol. Hanohano, ka Lunahooponopono ke Kuokoa; Aloha kaua a nui loa:— Eia au ke waiho aku nei i ka'u ukana kaumaha a nau hoi ia e hoopuka aku maloko o kau wahaolelo o ka aina lianau o kaua, i ike mai ai hoi na mea apau mai Hawaii ahiki aku i ka mole ole o Lehua, i ka lawena a ka la, aia hoi no kuu wahine aloha i haalele mai ia 'u ame na keiki a maua na kaikuaana kaikaina, ame ke kaikunane ame na keiki a kona mau hanau mua, no lakou keia mau inoa; Mr, H. K. Alapai, ame Mrs. Rose H. K. Alapai kona kaikuaana; Mr. H. Akiu Miss Kaena, Kiui, kona mau kaikaina a o kona kaikunane e ola nei oia no o James K. Kealoha, ame na keiki a leona hanaumua ame na keiki a kona mau kaikaina. Ua hanauia kuu wahine aloha, ma ka la 19 o luue 1871, mai ka puhaka mai o kona mau makua oia hoi o Mr. Apo, he Pake, ame kona mama oia hoi o Mrs. Kalua Apo, he hapa Pake piha kuu wahine aloiia i haalele mai ia ia'v, a ua make oia i ka hora ewalu o ke ahiahi Poalima, Aperila 27. Ua mareia maua ma ka la 5 o Aperila, 1895 a mai ia manawa mai ahiki iho la i kona liaalele ana mai la ia'u kana aloha ame na keiki a maua. Nolaila ke haawi aku nei au i ka'u hoomaikai i ka poe apau i noho pu mai me a'u i ka wa o ko'u pilikia a ke haawi pu aku nei i ko'u hoomaikai i na keiki o ka hale kaawai o ke Central Station mai ke Ghief ahiki aku i ke keiki iaive kauoha, oia hoi masscnger boy, a pela hoi i na keiki o ka hale kaawai o Makiki no ka lakou makana pua i hoouna mai ai no kuu wahine nloha, a pela hoi ia Kaimuki ame Palama Firo Station, ame kona ekalesia a maua i noho ai no na makahiki he 20 a oi a ke haawi hou nei au i na hoomaikai ana i ke Kaha kana wahine ka ekaleaia, ke Kula Sabati ame ke C. E.,' no ko lakou kiai ana i kuu mea aloha ahiki i kona moe ana aku la. Ua pili ia e maua na ivahi apau o Honolulu nei amn na wahi apau o ka mokupuni o Kakuhihewa. Auwe ke aloha e! Owau o ke kane i haalele ia iho, WM. MIEIONA KAHELE, Kalihi Oahu.