Ka Nupepa Kuokoa, Volume LXII, Number 18, 3 May 1923 — KE ANAINA HUI O EKALESIA MA KAUMAKAPILI. [ARTICLE]

KE ANAINA HUI O EKALESIA MA KAUMAKAPILI.

Ma ka luakini o Kaumakapili ka halawai liaipule hui a na ekaleaia Hawaii ekolu o keia kulanakauhale ma ka po Sabati iho nei a ho halawai piha loa ia i na haipule mai na lala C. E., o na aliahui ekolu, na hoahanau ame ka poe niakaikai. Ka ia halawai i heluheluia mai ai kekahi olelo hooholo i hoomakaukauia e ka Kev. Akaiko Akana o ka ekaleaia o Kawaiahao, ma ka olelo Beritania a i unuhiia mai e Rev. Akana ma ka olelo Hawaii no ka pomaikai o ka poe maopopo ole i lea manao o ka olelo hooholo ma ka olelo Beritania, a mamuli o ke aponoia ana o ia olelo hooholo ua kakauinoaia e na kahu o na ekalesia ekslu a hoounaia aku hookahi kope i ke Senate, hookahi i ka hale o na lunamakaainana, a hookahi i ke Kiaaina Wallaee E. Farrington. O ka mauao nui ma ia olelo hooholo e haawi aku ana i ka hoomaikai kiekie i ke kiaai'na no kona hoole ana i kana apono i ka Bila 45 o ka Hale e hoonoa ana i k» auwina la Sabati mai ka hora 1 p. m., aku ahiki i lea hora ,6 p. m., o ke ahiahi no na hana hoikeike kiionioni a pela aku, a e apono ana hoi ka olelo hooholo i na kumu apau he umi a ke kiaaina i hoakaka ai maloko o kana palapala vito i ka bila i ka ahaololo. Ma ka ninauia ana o ka manao o ke anaina no ka olelo hooholo ua aponoia me ka lokahi me na manao oholiia mai o a

O keia ka liana mua loa ma ia halawai mamua o ko Eev. Steven L. Desha hoomaka ana o lieluhelu i kekahi mau pauku baibala ma na buke o Nalii I a ma ka buke o Luka 10:42» e pili ana i ka wahine kanemake a kc kaula Elia i noi aku ai i popo palaoa, c pili ana i ka wahine Samaria i kamailio pu ai me lesu ma ka luawai o lakoba, a e pili ana ia Mareta ame Maria, na wahine hoahanau i hookipa aku ai i ka Haku, a i kuhalahala ai o Mareta no ka hele ole aku o ke kaikaina o kokua iaia, oiai o Maria e nolio ana ma na wawae o ka Haku, he hana a Maria i pane aku ai ka Haku ia Mareta, "ua koho o Maria i ka mea maikai loa aole e laweia mai ona aku," a me ka moolelo o ka wahino hewa i holoi ai i na wawae o ka Haku me kona lauoho, he mau moolelo i_pili wale no i na wahine ame ka lakou mau hana maikai, me ka nana ole ia o ko lakou mau hemahema. Ua hookuuia na hana o ia ahiahi iloko o na manso ulumahiehie o ko anaina mahope o ka himyj

ana o ke anaina ma ka aoao 149 o ka L. H., me ka pule hookuu mai ke Kahu Akaiko Akuna.