Ka Nupepa Kuokoa, Volume LXII, Number 18, 3 May 1923 — HE ALOHA PAUOLE NO KUU BEBE MAILANI. [ARTICLE]

HE ALOHA PAUOLE NO KUU BEBE MAILANI.

Mr. Lunahooponopono o ke Kuokon; Aloha oe:—E oluolu mai oe i kekahi rumi haawale o ka kaua Aloha, Auwo kuu minamina pauole ia oe! Ua hanauia kuu bcbe aloha i ka la 25 o Mei 1922; elua mahina i koe, iaia hookahi makahiki o kona hanu ana i na ea o keia ao; a pauaho mai oia i ka la 26 o Maraki 1923. Auwe kuu bebe aloha, aiwe kuu hapapa wale nei no ia tfe, aole oe e loaa ia'u. 0-keia ka 12 o ka'u keiki o kuu bebe a haalele mai" la oia iji mnua, ame na kaikuaana, me na kaikunane, auwe kuu aloha pauole ia oe e kuu Mailani aloha. Ua nui no kona hoomanawanui i na ma 'i like ole, ua nui no k|i huli i ke ole.

E kuu Maraea malama pokii, aia ihea ka Mailani alolia a kakou? He bebe hele mau oia i ko makoa halepule i ka Lapule me ka Poakolu, mea ole ka wela o ka la, ine ka makani ehu lepo o Kihei, ua pau kou hoopulu ana i kona mau lihilihi, ame ke kula wela <» Kealia, ua pau ko olua ike hou aua i kuu Mailani aloha. E Puunene helu o, u a pau kona maalo hou ana i ka liuihui o ka makani. Auwe kuu lei aloha!

Mrs. Mahoney, ua pau ka maalo ana o kahi pokii o oukou malaila ua naio, ua naio i»o ka wa mau ioa. Aole au i poina is oe, ua lilo keia mau la i mau la eha* eha o k a paau, ke au wale nei 110 i ka ukana, o ke aloha me ka waimaka, ko au wale nei no e ike i ka helehelena o kuu Mailani aloha. Auwe kuu kaikuaana, o niaua no ka puili pu ana iaia i kona manawa hope loa. Auwe kuu mau kaikuaaiia ame ka ohana i hui pu mai mc makou me ko aloha poina ole i kuu Mailani aloha. E Paia e, aloli a ia wahi a kaua e hele ai, auwe kuu mau keiki hoomanawanui, Mr. ame Mrs. Jim Kaahawanui i ka hoomanawanui ana ia mau la a hoi mai maua me ka maikai, aole nae olua i ike iaia. Mamuli o kuu al£»ha, a minamina pauole i kuu bebo o ia au e homanawanui nei i keia mau wahi kanaenae uou e kuu Mailani aloha. Ke liaawi aku nei makou ka ohana i na hoomaikai ia oe e Mrs. Mary Antone Pierra i kou haawi ana mai i ke kaa kalaka no ka lawe ana i k a ohana i ka halepule me ka poe i haawi mai i na makana p/a. Ua malamaia kona anaina haipule maloko o ko makou luakini e na lunakahiko ekolu; Mr. E. Pake, Mr. Kabi Kenolio, Mr. Pine Poepoe. Ke hoomaikai nei au i ka ohana ame ka poe apau i akoakoa mai ahiki i ka hoomocfa ana o kona kino aloha maloko o ka pa luakini o Kihei. E hoomaikaiia no ka Makua lani, ka Mea Nana i hana mai, a i lawe aku, i na kaumaha ame na luuluu mai kau poe kauwa nei. E kuu Makua e, Kuu Haku makamae ; I ou la au e hele ai, O oe kuu pomaikai. A noho pio au, Ma kalii pouli no, He maamaama mau, A launa oe me au. A launa oe me a'u, Maanei ma kela ao, Ma kahi a'u e hele ai, He Paredaiso mau. Owau iho no me ka luuhui, MES. ANNIE POO SUM, Kihei, Maui. Apr. 32, 1923.