Ka Nupepa Kuokoa, Volume LXII, Number 18, 3 Mei 1923 — HOOKOLOKOLOIA O CONKLING E KE SENATE [ARTICLE]

HOOKOLOKOLOIA O CONKLING E KE SENATE

Mamuli o ka hopuia ana o ke kaa otomobile i haawiia aku e ka hui o Seh.uman ma, no ka lioloholo ana o Senatoa Akina, e ka Puuku D. L. Kalana o Honolulu nei, i lilo ai ia hana ma ka aoao o ka Pnuku Con"kling, i kumu ilona e hookolokoloia ai, imua o ka aha senate, ma ke kakahiaka o nehinei, me ka haawiia ana aku o fce kauoha iaia, e hoihoi koke mai i kela kaa, ma ka hora elua o ka auwina la, o hoopaaia aku oia maloko o ka halepaahao. 0 ka moolelo o ka hopuia ana o leela kaa a Senatoa Akina e holoholo ana, penei no ia: • Ma ke awakea o lea Poalua nei, ua kukuluia ke kaa ,otomobilc o Senatoa Akina ma ke alanui Moi, e kokoke la i ke alanui Alakea, me ka hele ana o Senatoa Akina me kona mau hoa senatoa, e ai i ko lakou aina awakea. Oiai kela kaa e ku ana ma ke alanui, ua ike mai la ka Puuku Conkling, he kaa kela i uku ole ia ka laikini, no ia kumu, i kau aku ai oia Lkekahi pepa hoike maluna o kela ntaa, e hoike ana, no kona hopuia ana, mamuli o ka auhau. 1 ka huli hoi ana niai o Senatoa Akina me kona mau hoa, a ike i ka mea i hanaia, ua ninau aku la oia i ka Puuku Conkling, o ka pane i loaa aku, o ia no ka hopuia ana o kela kaa, no ka auhau. Mamuli nae o kela hana ma ka aoao o ka Puuku Conkling, i hoopukaia ae ai he palapala kii no Senatoa Akina, no kona hoea ae imua o ka aha apana ma keia Poalima, no ka pane ana i ke kumu hoopii hoohalahala e ku-e ana iaia. Ma kahi nae o ka lilo o ka hana ma ka aoao o ka Puuku Conkling, i kumu nona e mahaloia ai, ua hoo unaia mai ka makai o ka aha senate, no ka lawe ana aku iaia imua o ke senate, ma ke kakahiaka o ka Poakolu iho nei, a imua o kela aha i hookolokoloia ai oia, a haawiia ka olelo hooholo me ka lokahi o na hoa apau o ke senate, e ahewa ana iaia no ka hana hoohaahaa i ka hoa oloko o kela hale hanohano, me kona kauoha okoa ia ana aku, e hoihoi koke mai i ke kaa otomobile, ana i lawe ai; ina aole pela, alaila e hoopaahaoia oia maloko o ka halepaahao, me ka hiki ole i kekahi mana ke hoopakele ae iaia.