Ka Nupepa Kuokoa, Volume LXII, Number 18, 3 May 1923 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

Makalei, ka Laau Pii On a a kaI'a o Moaula-Nui-Akea i Kaulana.

 

@e Moolelo Kahiko no ka Huli Koolau o Kailua ame Waimanalo, ka Na-nea o ke Au o ka Manawa.

 

            Olelo mai la o Kahauolopua; "auhea oe e ke alii, anoai paha he @ n@ hoi ko ke alii kaulua ana, @ole hoi he mea e lele ai ka oili, in a paha he kuia nui eia ke kukini a olua imua o kou alo mai houpuupu oe i ka ia la huakai anoai o ka ia la moe pomaikai no ia o ka po, pipio ka laau kakauhu i ka i'a haehae upena o Makapuu."

            O ke kumu o keia olelo o Kahauolopua i ke kane pela, no kona hemaka ana i na hana, a kana aikane i ku i ke aiwaiwa, me ke kupanaha pu.

            "Auhea oe e ka wahine a ke alii, he haohao ko'u i ka lohi o ke alii i ke alahele, oiai o ka olelo a ke kukini a maua, ana i hoouna mai ai, e hiki mai ma oia me ke aloalii o maua i kela la aku nei, alua po i ke ala aole i puka mai kuu @kane, owai hoi ia mca lele ole o ka oili."

            "Ua ike oe e ke alii, aia he nui na hoa aina o olua mamua o ke alahele, akahi no ke alii a hele mai no kou la hiuwai o ka noho ana, nolaila ike na konohiki ai aina o olua hoomakaukau, ia hiki ana mai o ka huakai, paa i ka an'aia, aole paha he hana maikai no olua e na'lii ke pale a hoole manawaino i ka leo o ke kanaka, @ oiai @a ike no hoi oe ia oe ame kau hana i kou mau hoa aina, pela oe i @lo ai i mea aiohaia @ kou poe hoa aina na makaainana hoi o ko aikane," wahi a Kahauolopua @ peepee pueo nei i ke kane a laua.

            "Nolaila mai hooluhi oe i ke kanaka, e kahali malie no kaua i ke alii ahiki mai."

            "Eia hoi ia mea ha'oha'o a'u, o ke aikane a kaua," wahi a Ahiki @ ka wahine, "alua po o kuu aikane i ke ala, akahi hoi po o ke aikane a kaua i nalwale ai, kupnaha no hoi ko kaua kokookolu, oka mea hoi ua pumehana iho ke aloha o ka noho ana, eia ka he manao no paha iloko on a e noho nei kakou."

            "He mea oiaio hoi ia eke kane au e kaniuhu nei i ke aikane a kan, "anoai pha, ua hele no hoi @ hoi mai, loaa paha i ka mea opu aloha, paa i ka auaia, oiai ua ike no oe ia wahine au, he palupalu ma na mea apu, aole paha e nelo ka pulama mai o kamaaina i ka malihini, nana i hoohihia i ka pikowai o Wailua, e nawe mailie ana ka wai i ka pua hau o Maluaka.

            "Eia iki walo iho no ka hoi kahi nani o Hilo la, o ke keha nae a ka manao aloko o ke kanaka, nani Hilo onaona i ka ua Kanilehua," @ahi a Kahauolopua e anlu olelo nei i ke kane.

            Ke olezzo nei oia ia Ahiki nona iho, oiai aole oia i manao e loaa ana iaia keia kulana, a e lilo ana ke Konohiki i kokoolua nona, oiai @a ike iho no oia i kona kulana kii, he huewai nukupuu no ke kula pilipiliula, eia ka, i ke kapena boy o ke Kahulihuli (Haumea) e huikau ai na pe'aheke; a lilo hoi kona helehelena i kamaaina i na mea @pau, i mea ha'oha'oia mamuli o na hana oikelakela a keia kaikamahine mali@nini ana i hookipa ai, me kela manao he opio u'i kea elike m@ kona kulana eia ka o ke aikane keia nana e hookau aku iaia i ka poohiwi o Hihimanu, a pili me ke alii Konohiki punahele a Olomana.

            O ke aikane hoi ana i ike ai i ka nui oikelakela o ka mana, na@a i hoonaluea i ka manao o ke alii konohiki, a hahao pono iloko ka ukana a ke aloha.

            O ke kuko o ka Ii'a o ka manao a haalele,

            Haule wale Hookeleipuna e,

            O ka onohi kahi o ka lai,

            Ua pooa e ke ke hau e,

            O kuu puni o ke alo ha e la.

            Mamuli o keia mau nalu olelo a Kahauolopua i ke kane ana, e hoao aku ai, ua pau iho @a kona manao hoouna ia Ahiki e ukali i ka huakai a ke alii  a loaa aku, huli mai @a @ oia a olelo i ka wahine:

            "Heaina la hoi, i kakali kaua i mai i keia la, alaila imi au i kuu aikane, a loaa aku i kahi e loaa ai, @oai  hoi o halawai ia huakai a'u @ ke aikane a kaua hookahi ko makou hoi like ana mai, oiai @ no iloko o'u he manao no olua e na wahine.

            "Elua no hoi olua, a elua no hoi maua me ka'u aikane, ia hui ana ae no o kakou, aohe loca i ka wai oopu, eia ka hoi e upoi e ana na hui o ka honu o Haupu lele oni i ka makani."

            "Mai hele oe e ke kane ia manao manakoi ou, eia iho no ka @ipukai o Oahu ua ku i ke alo, lawa, noho iho," wahi a Kahauolopua.

            "Anoai o hoea mai ka luna me ka olelo, o ia ka kaua e nana aku i keia la.  Ina he kauoha hookuu aku au ia oe e hele, " wahi a Kahauolopua.

            "Ina hoi ha pela ua pono," wahi a Ahiki, "e kakali io kaua i keia la, a i hala hou keia po, apopo au hele, a-mai au'a hou oe ia'u," whai a Ahiki.

            "Aole au e au'a hou ia oe, in a e hala keia po, aka e anan aku hoi kaua i keia la aia no he kumu ko ke alii e ka'ulua nei kana huakai, a heaha la ia kumu," wahi a Kahauolopua e hoopahulu nei.

            O ka hele ia a awakea, aohe wahi mea a loheia aku o ka leo kanaka i ka hooho mai no ka ikeia aku o ka huakai alii, nolaila haalele iho la o Ahiki  i ko laua hale, a hele aku la i kahi o na hoaaina e noho ana me ka makaukau no ka hiki mai o ke alii.

            I ke kane no a kaawale aku, ia wa o Kahauolopua i hoao ai e kahea i ke aikane elike me kana kauoha:

            "E kuku-aimokulani o Nuumea e, auhea o-c."

            E-o, " wahi a ka leo o kanaaikana e pa-e nei i ka welelau makani.

            "Heaha neia leo uwalo au e kahea nc-i" a mohala ana no ka helehelena puloku o kana aikane i ka puka o ka hale.

            Ia laua i hui ae ai, ninau mai la o Haumea i ke aikane.

            "Heaha ka manao nui au i ui ae nei ia'u."

            "I kahea aku nei au ia oe no ke kane alii a kaua, pehea la kana huakai e hele mai nei.  Eia ke aikane la ke kuaki nei no keia lohi o ke alii i ke ala."

            "Eia makou ke hele mai nei no kahi a'u i hai aku ai ia oe, aia a lohe mai oe i ka piha o Oneawa i na kanaka, manao ae oe, o@au ia ame ke alii o ke Koolau nei, ia wa oe e hoouna ae ai i ke kane a kaua i kua-la o ka ia."

            "Ua lohe ae la au, o hoi i ka malihini, o ha'oha'oia mai auanei!"

            He malu ana na kaohu i kaipuka o ka hale, ua hala aku la ua @u nei no kahi a ka huakai e makaukau nei.

            "Anuhea oe e ke alii," whai a Haumea, "hookuuia aku na kanaka ou e ke alii mauka o ka aina, a maluna aku kaua o na waa, a kau i kela one e hulali mai la ka unahi i ka wela o ka la."

            "Mamuli o keia olelo a ka malihini, ua lilo no ia he mea maikai i ka manao o Olomana, kauoha mai la oia i kona poe, e hele mauka a hui aku lakou i kai o Oneawa.

            Ua pono ia i ka manao o na mea apau, a hoeu mai la ka huakai a na hoahele o ke alii no na lae makawalu o ke Koolau, no Oneawa ka pahuhopu.

            I ka hala ana mai o ka huakai a na hoa ukali o Olomana, ua makaukau mai la na kanaka o Haumea no ka haalele anu iho i ka lae o Kaihuwaa, i hakalia no a kau o Olomana iluna o kona mau waa kaulua ia wa i haalele iho ai o Haumea i ka ipuka o ka halau, a hele aku la a kau iluna o kona mau waa, o ka wa no ia i uhi iho ai ka noe uaawa, me ka pi'o ana o ke anuenue, e uhi paa ana i ka ilikai, a nee aku la na mea apau iloko o ka ohu halii o ka uakoko meka alewalewa.

            Me he mea la i ka Olomana ike iho, cia lakou ke holo nei iluna o ka ili o ke kai, elike me ka nee ana a ka makani heleuluulu, no ka mea aole i u iho, kau ana ka ihu o na waa i ka ae kahakai.

            Ia wa i ku ae ai ke aliiwahine me ke apo ana mai o kona poe, a hapai aku la nouka o ka ana, a pela pu no hoi me ke alii Olomana i hoohiwahiwaia ai, ma o kona hapaiia ana e na aialo o Kukuaimoku.

            I ke ku ana iho o ko laua mau kapuai i ka honua aina, ua mao ae la ke po'i ana a ka noe, waiho wale mai la na wahi apau o ka aina Koolau, ike aku o Olomana i na kanaka o ke aliiwahine, e liuliu mai ana i na mea apau e pono ai ka huakai hoomaha a ko lakou aliiwahine u'i loa, a Olomana e kuhihewa nei iloko on a, he u'i keia i like me kona ano kanaka, eia ka auanei;

            He aloalo kuaua au no Hanalei, He hueu @e eucu no Kamanowai, He laau lala ole ia no Luaiki, Ua luloa e ka ua a oki ka nahele He koa pa ki wailua no Kahikikolo,

            He hoopaki-pakiwai ua no Puuco, He o-kaa oniu owala laau no Puukapele.

            I kona ike ana aku, ua makaukau na mea apau, i wale iho la no o Olomana iloko on a, "ianei mua iho nei ka paha kekahi poe o keia huakai kahi i hoomakaukau ai no ka nee mai o ko lakou aliiwahine, i ku mua ai keia hale nui a ka lauana ole, ame keia kauhale liilii, ka o ka hana no hoi a ka mea nui o ke kanaka la, liilii na mea apau, he pupukahi wale ia no i ka lima."

            Haele aku l laua nei me ke kuiee ana me ke aiwaiwa, ame kona mau ukali e hoopuni ana, ahiki i ka puka o ka hale, ua papaleia ae waiho wale mai la na mea apau oloko o ka hale i hanaia me ka noe au o na kupuna.

            Ia laua i komo aku ai iloko me ko laua mau ukali, ua lohe aku la o Olomana i ka owe o ka ohe puili, ame ke kapalili o ka puniu i ka lima o kekahi mau mea a hoene ae la ka leo le'a o ka poe hula, ana i ike ole aku ai i ko lakou mau helehelena, e hea ana hoi i ka inoa o ko lakou lani alii hoepa.

            O Lupea ka lau, haimalule ke koa

            Ia lau pi'owai o Pilaa,

            Laa kapu e lilo ilaila,

            I kana puni no o kau malama,

            Malama ka malama,

            Kau me Kalco,

            Ho eelo i ka huihui a Makalii,

            Ko-ia e ka moku,

            Okia e ke kai,

            Kai ku'i i ke alo o ka pali,

            I ka nuu pali o Nuumea,

            Ka wahine ku'iku'i hanau,

            I ka huluhuluii,

            I ka hululu a-,

            I ka eweewe o Kinikuapuu,

            Koupu no i kona kapa,

            O ka punohu o ka uakoko,

            O ka lihilihi o Laumiha,

            Omiha ka lani miha ka honua,

            Oneone i honua,

            I ke ka kuai e malu ka la-ni.

            Ua lilo keia mau lalani ame na leo o keia poe ana e ike ole nei, i mea no Olomana e pahaohao ai, aole nae oia i puai leo ae@ aka ke manao nei oia o ke alo alii o keia kaikamahine he aloalii ia i piha me na mea hoohiluhilu a kona mau makua i pulama ai, elike me ka nui o kona u'i.

            I ka mao ana ae o keia mau mea, oiai ke alii e nanea nei me kona kamaaina i na hookaau olelo, e hiki aku ai i ka lae o Kawaihoa aia ka manao iloko o ke alii o na pali Koolau, e lilo ana paha ia nei i hoa noho no Ihiihi (Oloman), ke nana aku nei oia i ke kiina o ka olelo a keia kaikamahine, aia wale no ka ono o kana mau mapuna leo apau iluna ona;

            Mikikai a penu i ka lima,

            Nahunahu pu i ke alo o ka piko,

            Pa iho i ke alo ia moana,

            A he i'a nuuhala na ke ki-na'u.

            Ia laua nae e kupopou ana i ke kaulu pali o Hainainau mea ipo ana ka nahele, ike aku la o Olomana i ka hoholaia ana mai o ka papaaina, he manawa ole ua piha oluna o ke pakaukau i na mea apau.

            "Auwe! aole au i ike i ka puaa aole hoi i lohe i ka leo alala, eia ka ua mo'a ka, o ka hanana paha ia o ka a-ipuupuu, auwe no ka hoi ka mea nani e!" wahi a Olomana iloko on a.

            Hoeu mai la kona kamaaina, aia laua nei me ko laua mau hoaai ke nuu la i na puahala ai a ke kinau, nui ka hanu i n lehua o Luluupali,

            A Wainiha i Kaumak,

            Kuhia ke ala ma Puuhinahina,

            Ua kaikoo lalo o Kealahula,

            I ka hao a ka lawakua o na pali,

            Waihowale luna o Puakei,

            I honi i ke ala lauae o Makana,

            He makana ka oopu peke no Hanakapiei,

            Ka ua mea o ka nui o ka ono, i ka hoopehuia e ka manao aloko, aohe wahi mea a hoomanao ae o Olomana no kana aikane e kakali mai la.

            Hele no hoi a no-a ka imu puhi a kamalii o kini Kailua, he mano Kaneohe, hiki no hoi ka huakai a na hoahele o Olomana i kahi a na lii e luana nei.

            Aole no he wahi mea a loheia o ka ikeia aku o ka huakai a ke alii, mamua o ka noe ana mai o ka poeleele, hoea mai la keia mau keiki imua o kahi Ahiki e noho nei.

"E hele ana makou i kai o Oneawa, e nana i ka lealea a ke kaikamahine malihini o ka la hiki, lohe mai nei makou aia me ua kaikamahine la ke alii o kakou, o Olomana."

            O keia mau keiki, he mau elele kii keia i kehaki o ko Ahiki alo, i mea e ike ai o Kahauolopua, ua hiki mai kana aikane i kahi ana i olelo mai ai iaia.

            Mamuli no o kela mana ume o keaiwaiwa, ua hihia aku la ka noonoo o kekahi poe kamalii, hookahi ke ka'i auna ana o ke ano ahiahi, aia ka heke iluna i kai o Oneawa.

            Ua ike oe e ka mea heluhelu i na hana o ia mea he le'ale'a aia no ka palena i ka pili o ke ao."

I eia põe keiki e hele nei ua puka mai la o Ahiki iwaho, a ike mai la i keia puulu kamalii.

            Hele aku la oia ahiki imua o kona mau aialo, ninau aku la:

            "E hele ana ihea kela kamaliii@"

            "E hele ana i kai o Oneawa,"

wahi  a Nihiole, "olelo mai nei he mau keiki malihini, aia ka i kai olaila he wahine alii, ame Olomana pu."

            I kona lohe ana i keia, hoi aku la oia a mua o ka wahine, olelo aku la, "lohe mai la au i na aialo o kaua, aia ko kane me ke aliiwahine malihini i kai o Oneawa, nolaila e iho wale hoi au e nana, he oiaio paha, aole paha@"

            "Mai hele oe ua po, he loa keia ka poe nana e hoohalua nei ia oe @alakou nei mau hana hoopunipuni, ia hele ana aku ou, o kou loaa mai no ia, he pomaikai ka pakele, nolaila noho kaua a kakahiaka, hooike oe i ko aikane ame ka malihini ana, kono aku ia laua me ko laua mau aialo apau," wahi a Kahauolopua.

 

HE PUOLO WAIMAKA NO KO MAKOU PAPA HULI AHULAU.

 

 

MR. HULI AHULAU.

 

            Mr. Solomon Hanohano, Aloha kaua a nui loa:-- Ke nooi aku nei au i kou hanohano, ina he kowakaawale kekahi o kau hiwahiwa, e oluolu hoi oc c hookomo iho i keia wahi puolo waimaka no ko makou papa i aloha nui ia, i ike mai hoi ka ohana, ame kona mau hoaloha he nui wale.

            He puuwai hamama ko makou papa, he hookipa oia i na hoaloha, na malihini, ame ka poe no apau ana e ike ai.  Hookahi no ana kaniuhu ana, o ia no kona wa i kokoke loa ai e haalele mai ia makou i kana mau mea i aloha nui ia eia

            Auwe no hoi ke kaumaha ame ka luuluu ke huli ae a nana ihope i kana mau mea aloha i hana ai a e lilo ai hoi i kiahoomanao mau no kana mau mea aloha e noonoo mau ai nona.

            Ua haalcle mai ko makou papa aloha i kana mau mea aloha i ka hora eiwa me ka hapa kakahiaka Poaono, la 30 o Maraki, 1923.  E hoomaikai mau ia ka Makua Lani, ka Mea Nana i hana a Nana no i kii mai la.  Pela no e laweia aku ai na luuluu ame ke kaumaha maika ohan aku.

            Ua heleia o Kona i ka po, o Waimea i ka po a peia no na pali o Hamakua, ua nohoia na ululaau o Puueo, na ululaau o Piihonua e ko makou papa aloha hoomanawanui ame ke aloha ohana, mea ole ka hoi na kahawai ame na ululaau i ka heleia i ka po ame ke ao.

            Ua hanauia ko makou papa aloha mai ka puhaka mai o Kapu kona mama ame P.S. Ahulau kona papa a haalele iho la oia, he ohana nui e kumakena mau ana nona no kana mau hana aloha poina ole; auwe no hoi ke aloha, auwe no hoi ka luuluu ke hoomanao ae ia oe e papa, ko makou papa aloha i haalele mai ia makou e auwe mau aku nou, no na kau a kau.

            Ua puanuanu ka hale, ua hele aku la no oe e papa, i pumehana no ka hale i kou noho mai.  E aloha ae ana makou i ko makou Uncle ame ko makou i ko makou Uncle ame ko makou Aunty Mr. ame Mrs. Samuel K. Kalainaina, mea ole ka loa i ko laua lohe ana i ka pilikia o ko makou papa aloha, ka makua hoi o ka ohana nui ame na hoaloha.

            O makou kona ohana nui ame kana aikane aloha ma kona moe, ahiki i kona haalele ana mai, auwew no hoi ke aloha e, ko makou makua ahonui e aia aku nei oe ihea kahi i hele ai auwe makou e, i ka hooneleia i ka papa.

            Ko makou papa ahonui ko makou mama Mr. ame Mrs. Jack P. Piilani kekahi i hiki mai no ka ike hope ana i ka hlelheleua aloha o ko makou papa hoomanawanui e huli ana mao a maanei i wahi ola no makou kona ohana nui.

            I ka Lapule, la 31 o Maraki, hora ekolu 3:00 p.m., i nalo aku ai ko makou papa aloha mai ia makou aku i ke alanui heleloa.

            Ke haawi aku nei makou i ko makou mahalo a nui i ka ohana, na hoaloha, ka Hui Pueo (Order of Owls) ame ka poe no apau i akoakoa mai i ko makou manawa o ka luuluu ame na @o-ke pua i hoohiwahiwala ai ke kino wailuna o ka makou papa aloha, auwe no hoi ka ehaeha o ka naau e!

            Me oe e kuu Solomon Hanohano ame kou mau limahana na hoomaikai ana lie nui; o makou iho no me ka luuluu a i hooneleia hoi i ka papa, he wahine, na' keiki, me na moopuna.

MRS. LANI H. AHULAU,

MISS JULIA N AHULAU,

GABRIEL HULI AHULAU,

MISS JULIA AKIAO,

MAS. KAIWIPAA KAUHI

MISS ANNA L. AHULAU,

MRS. GABRIEL H. AHULAU,

 

NA LEKA I KII OLE IA MAI

AHIKI I APR. 28, 1923

 

Alohikea, A. U.          Kelepine, John (2)

Apua, Mrs. Henry       Kepilino, John P.

Hao, Mrs. Kapaihi       Kiakona, Mrs. Jennie

Haleili, Mrs. Mary       Maunakea, Mrs. Alice

Kaawa, Miss Mary K. Makalii, Miss Elizabeth

Kahele, Mrs. Agnes    Nawai, Robert

Kaniuhele, Tom           Noa, Kauhai

                                    Simeona, Ahoi K.

 

            E ninau mai ma na leka i hoolahaia ke kii mai.

                                    D. H. MacADAm,

                                                Lunaleka,

 

PILI KA HEWA I KA MEA PE-

PEHIKANAKA.

 

            Ma ka noho ana o ka aha kiure kiekie Teritore e ninaninau pono i ka hihia o Juan Salsedo, he luna Pilipino no ka mahiko o Kahuku, a o ka mea hoi nana i ki a make ia T. Soto, he hoalahui no nona, ua loaa ka ike i ka papa kiure no ka pili o ka hewa ia Juan Salsedo, a ua hoopii hoahewaia ae oia imua o ka aha kaapuni a Lunakanawai Ray O'Brien ma ka Poalima aku la i hala, no ka hewa pepehikanaka ma ke degere ekahi.

            I ka loaa ana ae o ka hoopii hoahewa a ke kiure kiekie ua hoopuka koke ae ka aha i kekahi palapla hopu no Juan Salsedo no kona hopuia, a ua hookuu hou ia aku nae o Salsedo mamuli o kona bona ana $5000.

            Ma ka moolelo e pili ana i keia  ki pu he aha lealea ka i malamaia maloko o ka hale o Juan Salsedo ma Kahuku ma ka poo o ka la 8 o Aperila i hala aku nei, he papa ahaaina me hulahula ka i haawiia ma ia po.

            Maloko o kela hale ma ia po he lchulehu na kaikamahine huapala Pilipino i akoakoa ae, aku nae, iwaena o ia mau kaikamahine Pilipino apau hookahi o lakou i oi aku ke onaona o na maka, ka nohea no hoi o kona helehelena, oia ke kaikamahine ponoi a Salsedo.  Ma ka oleloia ua like kona heleheleua me kona mau kahiko me he moiwahine la, a he ui maoli no ka kona helehelena i paumi ia iho iko na kaikamahine e ae.

            E aneane aku ana i na hora kuliu o kela po, o ka hora 11 ia, hoea aku ana o T. Soto me kahi hoaloha on a, elike me na oleloike a ka poe i ikemaka o ka hoike ana ae imua o ke kiure kiekie terotore.  Ia komo ana mai a Soto iloko o ka hale, a oiai ka poe e hulahula ana ia manawa ua kii aku la o Soto i ke kaikamahine a Salsedo i pakana nona e hulahula ai, a oiai laua e hoohehelo ana, aia mau maluna o Soto ko Salsedo mau maka kahi i haka mau mai ai, a e hakilo mau mai ana o Salsedo ia laua i na manawa apau a laua e hulahula ana me ka manao inaina iloko on a. Ua liu wale ia hulahula ane a Soto me kona hoa a hele aku la o Salsedo a hopu ino aku la i na poohiwi o Soto a kulakulai aku la iaia me ke kipaku pu ana e hookaawale mai ka hale aku elike me na oleloike a na hoike o ka hoakaka ana ae imua o ke kiure.

            Mahope wale iho ka ua mihi hou o Salsedo no ia hana ana ana, nolaila ua kahea hou aku la ia Soto e komo hou mai iloko ka hale a e hulahula hou, a oiai o ko Soto makemake no ia ia manawa o ka pa aku o kahea a ka haku hale, ua komo hou mai la oia iloko, a ia manawa i kauoha aku ai o Salsedo iaia e hele e kuai i rama no na mea apau maloko o ka hale ia manawa, i mea hoike ua hoaloha hou laua.  Ua kaulua o Soto no ia kauoha e hele oia e kaui rama, me kona olelo pu mai ka aohe ana dala.

            "Ua hiki ia oe ke hookaa aku ia rama mahope," wahi ka Salsedo o ka pane ana aku, elike me ka olelo a na hoike.  No keia pane a ka haku hale o ko Soto oili aku la no ka ia a hoi mai ana me ka rama, a hoomaka ka inu ana o namea apau.  Ia manawa i koi maiai o Salsedo ia Soto e hoihoi aku i kana kala o ka lilo ana i ka rama, a o ka Soto pane iaia e hoomanao he aelike ka laua i hana ai mahope e hookaa aku ai ia dala.

            Ma ka olelo a na hoike imua o ke kiure ua piha loa o Salsedo i ka huhu ia manawa, a hoomaka kona kulakulai ana ia Soto me ke kipaku pu e hele no ka lua o ka manawa.  Ia Soto ka i hoomakai ai e haalele iho i ka hale, ua kahea hou aku la o Salsedo iaia, elike me ka hoakaka a kehahi o na hoike; ua hoi io mai o Soto iloko o ka hale, o ia no ka manawa a Salsedo i ki aku ai i ka pu a i lilo ai i kumu make nona.

            He mau keiki ka Salsedo ehiku ko lakou nui.  Na ka hope loio kulanakauhale ame kalana i waiho ae i ka hihia o Salsedo imua o ke kiure.

            Ua ninauia aku nei na Hui Halakahiki nunui o kakou, in a paha lakou e ae mai ana e hoaie dala i na kanaka kanu halakahiki.  Aole no keia he mea ano nui, no ka mea ua lawa no ke kanaka e hoi aku ana ma Molokai i kana mau kala ma ka aoao o ke Komisina.  He komo wale ana aku no ia iloko o ka pilikia ke lawe mai i na dala a ia poe.

 

MAKEMAKE.

 

            E hoolimalima 3 a oi aku eka o ka Aina Kanu Kalo, ma Oahu.  No na hoakaka piha e kakau mai ia "Mao", keena o ke Kuokoa.

H. HANEBERG

                                                            @ Hon. Const. & Bldg Co.,

                                                            6552-PR. 19, 26; MEI 3.

 

T. O. MURATA FURNITURE STORE

(Na noho hoolimalima me lako pa maanei.)

Na lako Hale Hou me Kahiko.

Hoolimalima me Kaui Hoolilo.

715 Alanui Hema, Honolulu, T.H.

Kelepona 1695

 

Ma ke Kauoho,

 

TERITORE O HAWAII

 

Keena o ka Puuku, Honolulu, Oahu,

 

            Ma ka hana e hoppau ana i ka W. W, HALL, LIMITED.

            OIAI, O KA W. W. HALL LIMITED, He hui ia i kukuluia a e ku ana malalo a ma ka mana o na kanawai o  ke Teritore o Hawaii, i kulike ai me ke kanawai i hoomakaukauia ma na hana o keia anom ua waihoia mai iloko o keia keena he palapala noi no ka hoopani ana i ka hui i oleloia, hui pu me kekahi palapala i hooiaioia i hoohui pu iame ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 21 o Mei, 1923, a o kela ame keia mea e makemake ana e hooloheia aku maluna i ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu in a he kumu kekahi, i wahi e ae ole ia aku ai ka palapala noi i oleloia.

HENRY C. HAPAI

Puuku, Teritore o Hawaii.

Honolulu, Maraki 12, 1923.

6547 -- Mar. 15,22,29; Apr. 5, 12, 19, 26; Mei. 3, 10, 17.

 

TERITORE O HAWAII.

 

Keena o ka Puuku, Honolulu, Oahu,

 

            Ma ka hana e hoopau ana i ke            KAHULUI WHOLESALE LIQUOR COMPANY, LIMITED.

            OIAI, o ke KAHULUI WHOLESALE LIQUOR COMPANY, LIMITED,, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomkaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.

            TERITORE O HAWAII.

 

Keena o ka Puuku, Honolulu, Oahu,

            Ma ka hana e hoopau ana i ke KAHULUI WHOLESALE LIQUOR COMPANY, LIMITED.

            OIAI, o ke KAHULUI WHOLESALE LIQUOR COMPANY, LIMITED,, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena ma, a i ole mamua ae o ka la 22 o Mei, 1923, a o kela ame keia mea e makemake ana e hooloheia aku maluna o ia mea, he pono e hoea kina ae ma ke keena o ke mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka lai oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

HENRY C. HAPAI,

Puuku Teritore o Hawaii.

Honolulu, Maraki 14, 1923.

6547-- Mar. 15, 22, 29; Apr. 5, 12, 19, 26; Mei, 3, 10, 17.

 

TERITORE O HAWAII.

 

Keena o ka Puuku, Honolulu, Oahu,

            Ma ka hana e hoopau ana i ke CASTNER REALTY COMPANY, LIMITED.

            OIA, o ke CASTNER REALTY COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku mei ka hoolaha i kekahi mea, a i na kanaka apau, he mau kuleana mamua a e kuleana mei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, ai ole mamua ae o ka la 21 o Mei, 1923, a o kela ame keia mea e makemake ana e hooloheia aku maluna o ia mea he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

HENRY C. HAPAI,

Puuku, Teritore o Hawaii.

Honolulu, Maraki 12, 1923.

67547-- Mar. 15, 22, 29; Apr. 5, 12, 19, 26; Mei. 3, 10, 17.

 

E KUAI I KOU MAU

Pono Hale

ma ka

Hawaii Furniture Co.

Helu 469 Alanui Moi

kokoke i ke kihi o ke Alanui

Liliha

He oluolu na kukai olelo ana

 

DEFLEXOGRAPH

Mea Leo Mele Ku i na Ipu Olelo apau

Na ano kui like ole.

Hiki ke loaa ke kahi

me ka nahenahe.

$1.00 ma ke e@eleka.

PAPA GULA, $1.50, PAPA METALA, $1.00

@ANTONE CO.,

Dept. 407 110 W. 15th St., New York N.Y.

 

CITY MILL CO.

KEKAHI O NA HUI KAHIKO LOA MA HONOLULU, @EI.

            Poo kaui Papa, P@hale @ lako Pa@ @a L@ Puka Aniani me Panipuka, lako Pili Hao; na mea no apau no ka home ma ke kumukuai oluolu loa.

Kukulu makou i na hale ma ka uku liilii ana me na hookaa liilii.

O KA OI LOA AKU NO KA POE HOOKUONOONO.

Mai Poina --- Hele Mai la Makou

Kihi o na Alanui Moiwahine me Kekaulike. Honolulu, T.@.

 

START WITH THE LOT

 

NEW STRAUCH TRACK

 

            The New Strauch Tract in Kaimuki comprises twenty-five acres of gently sloping land lying makai of Maunaloa Ave.,  between 11th and 6th Avenues.

            One section of this tract beginning at the corner of 10th and Kilauea Avenues, and extending to 9th and Maunalei Avenues respectively, can now be inspected and selections of lots made.  No further subdivisions of this magnitude are possible in Kaimuki.  Tenth Avenues has been extended through to Hayden St., opening a much needed direct route from Kaimuki to Waikiki.  Similarly Kilauea Avenues has been opened from 10th Ave., to Alohea Avenues (formerly knows as Sixth or Diamond Head Ave.).  This tract is a center of growth from all directions.

LOTS OF HEALTH IN KAIMUKI

$750 to $900.  Lots 50x100, $20 @ $10 per month.

$1200 and $1275. Lots 50x150, $25

down, $15 per month.

$1675 and $1700.  Lots 50x200, $50 down, $20 per month.

Ask C.W. Carpenter. with

PAULO KALAUKA

(P.E). R. STRAUCH)

Alanui Moi, Helu 74, Mawaena o na

Alanui Papu âme Betela.

 

Keena Hawaii

NO NA

Lako Hana Mahiko

 

Hapuku Kila Oliver

Chilled âme na Palau

Na Katapila Cleveland

Na katapila Fordson

Na Kaa Kalaka White

Na Kaa Kalaka Federal

Na Kaa Kalaka Ford

Na Hana Pili Amala

 

HANA I NA KINO O NA KAA

UKANA ME KALAKA ME

KA HANA HOU ANA

 

Schuman

Carriage Co., Ltd.

 

Na Paionia o na Hana Halihali o

Hawaii nei

 

KA VICTROLA

Ka Meakani Mele Kilakila-- he meakani e pono e loaa ma kou home.  Kauoha mai i na buke hoakaka o na pahuolelo ame na Papa Leo Mele.

NA PIANO PAANI

NA ROLA PAANI

NA PEPA MELE HOU

NA PILA AHA

âme na mea apau pili i na mele.

 

Bergstrom Music Co.

1020 Alanui Papu  Honolulu

 

HALE UWI WAIU

-O-

MAPULEHU

PUKOO, MOLOKAI

E Hooholo Ana i ka

MOKUKUNA GESOLINA

LELEIONA

 

Mawaena o na Awa o Honolulu me Molokai

 

Geo. P. Cooke,

ONA.

Poe Lawe Hau me Waiu

 

Honlulu Planing Mill,

LIMITED.

 

POE HANA I NA PUKA LAAU

ANIANI LAAU HALE, OLEPELEPE, MOLINA, WAHI KAU.

ALANUI PAPU, ESPLANADE

 

Ka Pila

GRAFONOL'A

COLUMBIA

Maopopo ka Wa e Pau Ai

Na ka mea hoopaa nona iho e @ala @a ahiki i ka huaolelo pe loa.

Uku Liilii ke Makemakeia

Thayer Piano Co.,

LIMITED

148-150 Alanui Hokele

 

Kakela & Kuke

(KAUPALENAIA)

 

Poe kaepa ma ke

Komisina

-A H@-

Poe Agena no na

Mahiko Lehulehu

 

 

PAPA

NA LAKO

KUKULU

HALE

 

No ka hoahu ana i kou wai ma na Pahu Wai Papa Ulaula o 5000 a 10000 Galani.

E hoolakoia aku no na kumukuai ame na hoakaka ia oe ke noi mai.

ALLEN & ROBINSON, LTD.

HONOLULU, T. H.

 

Nupepe Kuokoa

 

No ka makahiki (one year) ….$2.50

O na Daia âme na Hoolaha apau e hoouna polalei mai i ka ADVERTISER PUBLISHING CO., LTD., wale no, P.O. Box 3410, Honolulu, T. H>

217 Alanui Moi ma Waikiki o ke Alanui Alakea; ka Nupepa Advertiser.

Entered at the Post Office at Honolulu, T.H. as Second Class Matter.

 

SOLOMON HANOHANO Luna@ponopono.

CHARLES S. CRANE, Luna Nui.