Ka Nupepa Kuokoa, Volume LXII, Number 18, 3 May 1923 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA
Na Kanawai Kau o 1923
KANAWAI 40.
(B.H. Helu 202)
HE KANAWAI
E Hoomaopopo Ana i ka Uka Ana Aku i ka Hui Mahiko o Lihue, Kaupalenala, no ka Halii Pohaku Ana i ke Alanui o Ahukini, Kauai.
E Hooholoia e ka Ahaolelo o ke Teritore o Hawaii:
Pauku 1. O ka lunahooia o ke Teritore o Hawaii ma keia ke hoomanaia aku nei a ke kuhihuhiia aku nei e kakau i palapala kikoo dala maluna o ka puuku o ke Teritore o Hawaii, e uku ana ma o ke kauoha a ka Hui Mahiko o Lihue, Kaupalenaia, no ka huina o iwakalua-kumamaiwa tausani eha haneri dala, ($29,400.00), a e haawi aku i ua palapala kikoo dala la i oleloia i ka Hui Mahiko o Lihue, Kaupaleaia.
Pauku 2. O ka huina i oleloia e ukuia aku no mai ka wai@ ma ii hookaawaleia a i loaa i keia Manawa no keia @ maloko o ka itamu 53 o ke kanawai 218 o na Kanawai o ke Kau o 1921, a e heluhelu ana ua itamu nei penei:
“Halii pohaku ana alanui o Ahukini……$30,000.00”
Pauku 3. E mana no keia Kanawai i kona aponoia ana.
Aponoia i keia la 7 o Aperila. A.D. 1923.
@ W.R. FARRINGTON,
Kiaaina o ke Teritore o Hawaii.
KANAWAI 41
(B.H. HELU 203)
HE KANAWAI
E Pili Ana i ka Lawaia Ana Maloko o ke Alawai Hoopakele Ana Ia Waikiki.
E Hooholoia e ka Ahaolelo o ke Teritore o Hawaii:
Pauku 1. E lilo no i mea ku-e kanawai no kekahi mea e lawa’a maloko o na wai o ke Alawai Hoopakele ia Waikiki me na ano lawaia apau, koe wale no a me hookah aho, a i ole hookah makoi ame aho, aka nae o ua aho la ma na ano apau aole e paa a oi aku mamua o elua makau.
Pauku 2. O kela ame keia mea e ku’e ana in a hoakaka a keia Kanawai i kona ahewaia ana e hoopaiia no aole e oi aku mamua o hookah haneri dala ($100.00) a aole e emi iho malalo o iwakalua dala ($20.00) a i ole e hoopaahaoia aole e oi aku mamua o eono (6) mahina.
Pauku 3. E mana no keia Kanawai i kona aponoia ana. Aponoia i keia la 7 o Aperila, A.D. 1923.
W.R. FARRINGTON,
Kiaaina o ke Teritore o Hawaii.
KANAWAI 42.
(B.H. HELU 83.)
HE KANAWAI
E Hookaawale Ana I Dala No Ka Pomaikai O Na Kanaka e Hookuuia Mai Ana Mai Ka Halema’i o Kalihi ame ka Panalaau lepera Maluna o Molokai.
E Hooholoia e ka Ahaolelo o ke Teritore o Hawaii:
Pauku 1. O ka huina o kanaha-kumamalima tausani dala ($45,000.00) ma keia ke hookaawaleia nei mailoko ae o na waihona i makaukau no ka pomaikai o na kanaka iluhune e hookuuia mai ana mai ka Halema’i mai o Kalihi a i ole mai ka Panalaau Lepera mai o Molokai.
Pauku 2. I ka manawa koke e hookuuia mai ai kekahi mea i manaoia e ka Papa Ola he ilihune mai ka Halema’i mai o Kalihi @ ole mai ka Panalaau Lepera mai Lepera mai o Molokai.
E haawi aku no ka Papa Ola ia Mea i palapala hooia no ia hookuuia ana.
Pauku 3. I ka waiho ana aku ia palapala hooia i ka Lunahooia o ke Teritore, e kakau mai no oia i palapala kikoo dala no ka mea paa i ka palapala hooia i oleloia i ka heluna o kanaono dala ($60.00) ia Manawa koke no a e hoomau aku ia uku ana mamuli o ka palapala kikoo dalai a mea e paa ana i ka heluna o kanakolu dla ($30.00) i kela ame keia mahina mahope aku no na mahina ekolu e nee mai ana.
Pauku 4. E mana no keia Kanawai mai a mahope aku o ka la o kona aponoia ana.
Aponoia e keia la 7 o Aperila, A. D. 1923/
W. R. FARRINGTON,
Kiaaina o ke Teritore o Hawaii.
KANAWAI 43
(B. S. HELU 35.)
HE KANAWAI
E Hoololi Ana i Ka Pauku 1517 o na Kanawai i Hooponopono Houia o Hawaii, 1915, elike me Ia i Hoololiia, e Pili ana i Ke Aupuni Kalana.
E Hookoloia e ka Ahaolelo o ke Teritore o Hawaii.
Pauku 1. O ka Pauku 1517 o na Kanawai i Hooponopono Houia o Hawaii, 1915, elike me ia i hoololiia, ma keia ke hoololi houia aku nei i heluhelu ai penei:
Pauku 1517. Manawa o ke koho ana ame lawe oihana ana. O na kohonui ana apau o na lunanui o na Kalana o Hawaii, Maui ame Kauai, e malamaia no i ka Poalua mua mahope iho o ka Poakahi elua iloko o ka mahina o Novemaba, iloko o ka makahiki 1923, a iloko o na makahiki elua apau mahope aku o ia Manawa, a e lawe no na lunanui i ko lakou mau @ ka hora 12 awakea i ka la elua maloko o ka mahina o Ianuari mahope iho o ke kohoia ana o lakou, koe nae a he Sabati ia la, a ia Manawa e lawe no lakou i ko lakou mau kulana i ka la ekolu o ia mahina. O na lunanui o na Kalana i oleloia i kohoia e paa no i ko lakou mau kulana ahiki i ke kohoia ana o ko lakou mau hope a hookuponoia.
“O na hoolilo o ia mau koho ana e ukuia no e na Kalana like ole maloko olaila i kohoia ai.”
Pauku 2. E mana no keia Kanawai i kona aponoia ana.
Aponoia i keia la 7 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 44
(B. S. HELU 64.)
HE KANAWAI
E Hoololi Ana i ka Pauku 2 o ke Kanawai 185 o na Kanwai 185 o na Kanawai o ke Kau o 1917, e Pili ana i ka Hana Hou Ana am eke Kukulu Hou Ana o ka Kalewai o ka Muliwai o Waimea, Mokupuni o Hawaii.
E Hooholoia e ka ahaolelo o ke Teritore o Hawaii:
Pauku 1. O ka Pauku 2 o ke Kanawai 185, o na Kanawai o ke Kau o 1917, ma keia ke hoololiia ne ii heluhelu ai penei:
“Pauku 2. O ka huina o kanalima tausani dala ($50,00.00) i hookaawalei ma keia e hooliloia no maluna o na kikoo dalai hoopukaia e ka lunahooia i hookahuaia maluna o na bila aie i kakauia e ka Lunanui o na ana Hou o ka Lehulehu, iaia ka hoomalu o ke kukulu ana, hoomaemae hou ana am eke kukulu hou ana o ka palewai i oleloia; aka nae, o ka Lunanui o na Hana Hou o ka Lehulehu e hana aelike no ke kukuluia ana o ka palewaii i oleloia ina e loaa ana kekahi koho kupono ana; aka nae ina aole e loaa ana kekahi koho kupono ana a i ole aole paha e loaa kekahi koho ana ma keia ke hoomanaia nei ka Lunanui o na Hana Hou o ka Lehulehu e hoohana aku i ka hana ma o ka hoolimalima ana i poe hana la, aka aole loa e oi aku ka huina e hooliloia ana maluna o kanalima ausani dala ($50,000.00).”
Pauku 2. E mana no keia Kanawai i kona aponoia ana.
Aponoia i keia la 9 o Aperila, A.D. 1923.
W. R. FARRINGTON,
Kiaaina o ke Teritore o Hawaii.
KANAWAI 45.
(B. S. HELU 68.)
HE KANAWAI
E Hookaawale Ana i Kala no ke Kukulu Ana o na Alanui Maloko o na Aina Hookuonoono o Kaauhuhu, o na Mahele 1 ame 2, Kohala akau, Hawaii.
E Hooholoia e ka ahaolelo a ke Teritore a Hawaii:
Pauku 1. O ka huina o umi-kumamalima tausani dala ($15,000.00) ma keia ke hookaawaleia nei mailoko ae o na dala maloko o ka waihona puuku o ke Teritore o Hawaii, aole i hookaawale e ia, no ke kukulu ana in a alanui maloko o na aina Home Hookuonoono, Mahele 1 ame 2, Kohala Akau, Kalana o Hawaii.
Pauku2. O ka huina i oleloia o umi-kumamalima tausani dala ($15,000.00) i hookaawaleia ma keia e hooliloia aku no maluna o na kikoo dalai hoopukaia e ka lunahooia, i hookahuaia maluna o na bila aie i aponoia e ke Komisina o na Aina Aupuni, iaia ka hoomalu ana o ke kukulu ana in a alanui i oleloia. O ke komisina o na aina aupuni ka mea nana e hana aelike no ke kukulu ana in a alanui i oleloia, aka nae aole e hana aelike no kekahi huina i oi aku mamua o umi-kumamalima tausani dla ($15,000.00).
Pauku 3. O ka huina i hookaawaleia ma keia e loaa no, a e hoomaka ke kukulu ia ana o na alanui i oleloia elike ka hikiwawe me ka hoopaaia ana o ka aelike no ke kukulu ana pela.
Pauku 4. O ka huina i oleloia o umi-kumamalima tausani dala ($15,000.00) i hookaawaleia ma keia, a i ole o kekahi hapa o ia heluna elike ka nui me ka mea e hooliloia aku ana ilike me na hoakaka malalo o keia Kanawai, e hoihoi hou ia aku no iloko o ka waihona laula o ka waihona puuku o ke Teritore o Hawaii main a loaa mai o na aina o ka lehulehu i hooliloia aku maluna o ka Mokupuni o Hawaii.
Pauku 5. E mana no keia Kanawai i kona aponoia ana.
Aponoia i keia la 9 o Aperila, A.D. 1923.
W. R. FARRINGTON,
Kiaaina o ke Teritore o Hawaii.
KANAWAI 46
(B. H. HELU 46.)
HE KANAWAI
E Hoololi Ana in a Pauku 8 ame 9 o ke Kanawai 225 o na Kanawai o ke Kau 1919, Elike me Ia i Hoololiia Ai e ke Kanawai 217 o na Kanawai o ke Kau o 1921, e Pili Ana i ke “Kanawai Hoaie i ka Poe Mahiai o Hawaii.”
E Hooholoia e ka Ahaolelo o ke Teritore o Hawaii:
Pauku 1. O ka Pauku 8 a ke Kanawai 225 o na Kanawai o Ke Kau o 1919, i hoololiia, ma keia ke hoololi houia ne ii heluhelu ai penei:
“Pauku 8. Waihona kaapuni hoaie i ka poe Mahiai. E haawiia, a ma keia ke hookaawaleia nei mai ka waihona laula ae o ke Teritore o Hawaii, ka huina o hookah haneri tausani dla ($100,000.00) a mai ka waihona koena o na aie i ka poe Mahiai e hoakakaia aku ana ma keia hope aku ka huina pakui iho o eono haneri ame kanalima tausani dala ($650,000.00) no ka hoaie ana aku e ka papa hoaie i ka poe Mahiai o Hawaii, malalo o na hoakaka o keia Kanawai, a o ua waihona la e ikeia o ka Waihona Kaapuni Hoaie i ke Poe Mahiai.’ “
Pauku 2. O na huaolelo amen a huahelu “eha haneri tausani dala ($400,000.00)” maloko o Ka laina 17 o ke poohou elua o ka Pauku 9 o ke Kanawai 225 o na Kanawai o ke Kau o 1921, ma keia ke hoololi houia aku ne ii heluhelu ai “eono haneri ame kanalima tausani dala ($650,000.00).”
Pauku 3. E mana no keia Kanawai i kona aponoia ana.
Aponoia i keia la 9 o Aperila, A.D. 1923.
W. R. FARRINGTON,
Kiaaina o ke Teritore o Hawaii.
KANAWAI 47.
(B. H. HELU 133.)
HE KANAWAI
E Hooloki Ana i ka, Pauku 262 o na Kanawai i Hooponopono Houia o Hawaii, 1915, Elike me Ia i Hoololiia ma o ke Kanawai 72 o na Kanawai o ke Kau o 1919. e Pili Ana i ka Hoonaauao Lehulehu.
E Hooholoia e ka Ahaolelo o ke Teritore o Hawaii:
Pauku 1. O ka Pauku 262 o na Kanawai i Hooponopono Houia o Hawaii, 1915, elike me ia i hoololiia ma o ke Kanawai 72 o na Kanawai o ke Kau o 1919, ma keia ke hoololi houia aku ne ii heluhelu ai penei:
“Pauku 262. Hookohu, hoopau. Ua hiki i ke keena, mai kekahi Manawa a i kekahi Manawa, e hookohu a e hoopau ia mau lunanui, akena ame ka poe lawelawe elike me ka makemakeia no ka hooko ana in a hoakaka a keia mokuna, a e hooponopono i ka lakou mau hana, na mana ame ke ko’iko’i o na hana, ina aole i hoakakaia e ke kanawai.
Aka nae, i ka hookohuia ana o na kumukula, e haawiia na kulana mua in a kumukula kuloko ne ii loaa ke kulana like, papa a i ole heluia ana me ka poe maiwaho mai. A e hoomaopopo houia no hoi, o ka heluia ana ame ka loihi o ka hana ana ma kekahi kulana o kekahi kumukula aole e kaukaiia maluna o ka helunanui o na haumana i hoopiiia ae a i ole hoopuka pono ia paha, aka maluna wale no o ka loihi o ka noho hana ana, makaukau ame ka ike o ia kumukula.”
Pauku 2. E mana no keia kanawai i kona aponoia ana.
Aponoia i keia la 9 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
(B. H. HELU 190.)
HE KANAWAI
KANAWAI 48
E Hoolai ana i ke kanawai 668A o na Kanawai i Hooponopono Houia o Hawaii, 1915, e Pili ana in a Waiwai Laweia no ka Pono o ka Lehulehu.
E Hooholoia e ka Ahaolelo o ke Teritore o Hawaii:
Pauku 1. O ka Pauku 668A o ka Mokuna 48 o na Kanawai i Hooponopono Houia o Hawaii, 1915, elike me ia i hooholoia ai e ke Kanawai 63 o na Kanawai o ke Kau o 1919, ma keia ke hoololiia ne ii heluhelu ai penei:
“Pauku 668A. Ka hoohana ana i ka mana ma o ke kalana a i ole kulanakauhale ame kalana. I kela ame keia Manawa a ka papa o na lunakiai o kela ame keia kalanakauhale ame kalana e manao ai he mea pono a i ole makemakeia e hoohana aku i ka mana e lawe ma ii kekahi waiwai no ka pono o ka lehulehu no ka hoohana ana aku i kekahi hana no ke aupuni e homanaia aku ana manua aku nei a i ole ma keia hope aku, ua hiki e laweia main a hoopii o ia ano elike me ia i hoakakaia maloko o ka Pauku 669, elike me ia i hoololiia, mahope iho o ka hoomana ana mai a ia papa lunakiai ia hoopii ma o kekahi olelohooholo i aponoia a i hooholoia. O ia olelo hooholo, ma na hihia o ke Kulanakauhale ame kalana o Honolulu, e hanaia, mahope o kona hookomoia ana mai, e hoolahaia maloko o kekahi nupepa a i ole mau nupepa, me na ae amen a hole, no kekahi mau la aole e emi iho malalo o ekolu e neepapa ana (koe na la Sabati amen a la kulaia) manua o kona noonoo hope ia ana, a ma na mea o ia ano no na kalana e ae, e hoolahaia maloko o kekahi nupepa, me na ae amen a hole, no aole e haule iho malalo o hookah la (koe na la Sabati amen a la kulaia) mamua o kona noonoo hope ia ana.”
Pauku 2. E mana no keia Kanawai i kona aponoia ana.
Aponoia i keia la 9 o Aperila, A.D. 1923.
W. R. FARRINGTON,
Kiaaina O ke Teritore o Hawaii.
KANAWAI 49
(B. H. HELU 48.)
HE KANAWAI
No Ka Pomaikai o ka Pohai Aloha o na kaikamahine a na moi amen a keikikane o Hilo, Hawaii.
OIAI, o ka Pohai Aloha o na Kaikamahine Moi amen a Keikikane o Hilo, ma ke Kanawai 75 o na Kanawai o ke Kau o 1921, ua hookuuia main a auhau ae maluna o na waiwai paa ame lewa, a o ua Kanawai la ua aponoia i Aperila 8, 1921, a ua mana i kona ponoia ana; a
OIAI, ua ohi hewaia e ka lunaohi auhau o ka Mokupuni o Hawaii ka huina o hookah haneri kanaiwa-kumamahiku ame 25/100 dal ($197.25) ma kea no auhau maluna o ka waiwaipaa ame (a i ole) waiwailewa mai ka Pohai Aloha o na Kaikamahine Moi amen a Keikikane o Hilo, Hawaii, no ka makahiki 1921; nolaila,
E Hooholoia e ka Ahaolelo o ke Teritore o Hawaii:
Pauku 1. O ka papa o na lunakiai o ke Kalana o Hawaii ma keia ke hoomanaia aku nei a ke kuhikuhiia aku nei e hookaawale a e uku aku i ka huina o hookah haneri kanaiwa-kumamahiku ame 25/100 dala ($197.25) i ka Pohai Aloha o na Kaikamahine Moi amen a Keikikane o Hilo, o ia ka huina i ohi hewaia no na auhau no ka makahiki 1921.
Pauku2. E mana no keia Kanawai mai a mahope aku o ka la o kona aponoia ana.
Aponoia i keia la 9 o Aperila, A.D. 1923.
W. R. FARRINGTON,
Kiaaina o ke Teritore o Hawaii.
KANAWAI 50
(B. H. HELU 51.)
HE KANAWAI
E Hoomopopo ana i Haawina o Ekolu Tausani Dala (3,000.00) e Loaa Koke Aku no ke Kuai Ana i Mau Buke Kanawai no ka Hoohanaia Ana e ka Aha Kaapuni o ka Aha Hookolokolo Kaapuni Eha.
E Hooholoia e ka Ahaolelo o ke Teritore o Hawaii:
Pauku 1. O ka Papa Lunakiai o ke Kalana o Hawaii ma keia ke hoomanaia aku nei, a ke haawiia aku nei a ke kuhikuhiia aku nei e hookaawale i ka huina o ekolu tausani dala ($3,000.00) mailoko ae o na koena maloko o ka waihona laula o ka waihona puuku o ke Kalana o Hawaii, aole i hookaawale mua ia a i ole i aelike mua ole ia, no ke kuai ana i mau buke kanawai no ka aha kaapuni o ka aha hookolokolo kaapuni eha.
Pauku 2. O ka huina o na dalai hookaawaleia ma o keia kanawai e loaa koke mai no i ke aponoia ana o keia Kanawai, a e hooliloia a e ukuia aku maluna o na kikoo dala kupono i hooiaia e ka lunakanawai kaapuni o ka aha hookolokolo kaapuni eha.
Pauku 3. E mana no keia Kanawai mai a mahope aku o ka la o kona aponoia ana.
Aponoia i keia la 9 o Aperila, A. D. 1923.
W. R FARRINGTON,
Kiaaina o ke Teritore o Hawaii.
KANAWAI 51.
(B. H. HELU 146.)
HE KANAWAI
E Hookaawale Ana i ka Huina o Hookahi Tausani Hookahi Haneri Kanahiku-Kumahaha ame Kanakolukumamawalu Keneka ($1,174.38), no ka Pomaikai o Kekahi Poe Hana o ka Halema’i ame ka Uku o na Pani.
E Hooholoia e ka Ahaolelo o ke Teritore o Hawaii:
Pauku 1. O ka huina o hookah tausani hookah haneri me kanahiku-kumamaha dala ame kanakolu-kumamawalu keneka ($1,174.38). ma keia ke hookaawaleia nei mailoko ae o na loaa laula o ke Teritore o Hawaii. no ka uku ana aku ia E. Kane, $164.77: a. Friedersdorff, $164.77; M. Joseph, $164.77, e loaa ana ka huina o $494.31, ame ka uku ana in a pan ii ka huina o eono haneri me kanawalu dala ame ehiku keneka ($680.07), oiai keia poe malalo iho nein a kanaka kumau W. Pirrie, A. Y. Awa, Wah Lee ame Lau Yuk, e lawe ana i ko lakou Manawa hoomaha i loaa ia lakou ke kuleana ma ke kanawai.
Pauku 3. E mana no keia Kanawai mai a mahope aku o ka la o kona aponoia ana.
Aponoia i keia la 9 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 52.
(B. H. HELU 147.)
HE KANAWAI
E Hookaawale Ana i ka Huina o elua Tausani Hookahi Haneri me Iwakalua Dala ame Kanawalu-kumamaha Keneka ($2,120.84) no ka Pomaikai o Kekahi Poe Lawelawe o ka Hale Pupule o Oahu ame ka Uku o na Pani.
E Hooholoia e ka Ahaolelo o ke Teritore o Hawaii:
Pauku 1. O ka huina o elua tausani hookah haneri @ iwakalua dala ame kanawalu-kumamaha keneka (#2,120.84), ma keia ke hookaawaleia nei mailoko ae o na loaa laula o ke Teritore o Hawaii, no ka uku ana aku ia M. Umi, $79.26; L. Na-o, $79.26; ame H. Pauahi, $79.26, a e loaa ana ka huina nui o $237.78, ame ka uku o na pani ka huina.o hookah tausani ewalu haneri kanawalu-kumamakolu dala ame eono keneka ($1,883.78), oiai na kanaka kumau malalo iho nei, L. Armsrng, . K. Norton, E. R. Kapuaala, L. K. Jones, M. Umi, L. Na-o, H. Pauahi, S. Ioane, M. Waipa, M. Parker, E. K. busch, G. Lokai, Leoma, Lu Chock, T. Koyama ame Lau Sung, e lawe ana i ko lakou hoomaha i loaa ia lakou ke kuleana ma o ke kanawai la.
Pauku 2. O keia mau huina e hooiaia aku e na lunanui kupono o ka papa ola, ame (a i ole) o kaHale Pupule o Oahu.
Pauku 3. E mana no keia Kanawai Mai a mahope aku o ka la o kona aponoia ana.
Aponoia i keia la 9 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 53.
(B. H. HELU 184)
HE KANAWAI
E. Hoomaopopo Ana i ka Uku ana o na Auhau Apau, Honkauia Mai, na Laikini ame na Helu Auhau, o na Ahahui i Hoohuiia amen a Hoahui Mamua o ko Lakouaeia Ana e Hoopau.
E Hooholoia e ka Ahaolelo o ke Teritore o Hawaii:
Pauku 1. Aole kekahi palapala hooia e hoike ana ua aeia kekahi ahahui i hoohuiia a i ole o kekahi hoahui e aeia e hoopau i ko lakou noho hui ana i ‘kukuluia a i ole e lawelawe ana malalo o na kanawai o ke Teritore o Hawaii e aeia aku a i ole (ame) e hoopukaia aku e ka mana o ke aupuni maloko o ke teritore ahiki a mahope o ka wailoia ana mai o kekahi palapala hooia kui i ke kanawai e hoike mai ana o na ahau, na auhau i hookauia mai, na laikini amen a helu auhau i hookauia mai mamua aku, ua hiki a ua ukuia e ua mau ahahui la a i ole hoahui paha, i ke teritore, a i ole (ame) kekahi o na mahele aupuni kulana, kauhale, a ua ukuia me ka piha pono a ua hoopauia. Aka nae, aole keia pauku e pili aku in a palapala hooia i hoopukaia elike me ke kauoha a ke Kanawai 57 o na Kanawai o ke Kau o 1915.
Pauku 2. E mana no keia Kanawai i kona aponoia ana.
Aponoia i keia la 9 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
E HOOLOHE.
Mamuli o ka pauaho ana mai o ko kakou hoahanau Mrs. Kauhi Kealoha i keia ola ana, a aia kona kino maloko o ka halekupapau o Borthwick ma ke alanui Nuuanu kahi i waiho ai, a e hemo ana a kauia ae no ka ike ana iho iaia ma ka auwina la, hora 1 o ka Poaono, a ma ka Ilina o Kawaiahao e hoomoeia aku ai ma ka hora 3 p.m., o ka Sabati, ke kauohaia aku nein a lala apau o ka Hui Kokua a Hookuonoono o na Wahine Oiwi Hawaii, e hele ae i ka halokupapau o Borthwick no ke ku kiai ana i ka hoahanau kahunapule i haalele mai ia kakou.
Ma ke kauoha,
MRS. MAIKAI KALEO,
Kakauolelo H. K. H. W. O H.
6554—Mei 3.
HOOLAIIA HALAWAI
Ma ka hora 1:30 p.m., o ka la Sabati, Mei 13, 1923, e malamaia ana ka halawai Pailina Kupapau o Kalaopohaku, ma ka home o Daniel Maunakea, ma Kunawai, Honolulu, e hiki main a Lunanui amen a lala apau i ka halawai no ke koho hou ana, i mau lunanui.
WM. K. KALEIHUIA,
Peresidena,
Honolulu, Aperila 30, 1923
6554—Mei 3, 10.
HALE O NA ALII O HAWAII.
(Ahahui Poo)
E malamaia ana ka halawai ku mau o ka (Ahahui Poo) o ka Hale o na Alii o Hawaii, ma ka Phoenix Hall, i keia Sabati iho, Mei 6, 1923, ma @ hora 2 p.m.
Ma ke kauoha a ka Iku Hai:
W. J. COELHO,
Iku Kau.
6554—Mei 3.
Every Atom of
Red Crown mixes with air
FOR POWER
“O ke gasoline o kea no maikai” he 100% ka MANO HOONEE. Ua hoomaemaeia : paa pono i ka mahu. O kela ame keia hunahuna ona ua huipu iloko o ka Ipu ea mai ka 12 a ka 16 manawa kona nui o ka ea no ka MANA HOONEE. Mo ka aila “ RED CROWN” e hiki koke ana e makaukau no ka holo ana –Hikiwawe ka nee ana, oi aku ka nui o na miie me ka hoomauia o ka holo Ikaika @.
E hooholo i kau kaa me ka “RED CROWN” aole kekahi mea e ne, aohe ou hoopilikiaia ana ma ka hooponopono ana i ka @. He like loa ma ka maikai ma kela ame kela wahi a ma keia ame keia manawa au e @ ai ia aila.
E hoopiha me ka RED CROWN ma kahi @ kauia ka hoailona, ma na halekuai aila a @ na halekaa a mai kekahi poe kuni aila e @.
STANDARD OIL COMPANY
(California)
The Gasoline
Of Quality