Ka Nupepa Kuokoa, Volume LXII, Number 17, 26 April 1923 — HUA'IIA KA PUULU O KA POE KUAI I NA WAHINE OPIO [ARTICLE]

HUA'IIA KA PUULU O KA POE KUAI I NA WAHINE OPIO

Iloko o ka pule aku la i hala, i hooa mai ai kekahi hoike i Honolulu nei, 110 ka hua'iia ana ai imua 0 ke akea, e na luna oihana federala o Kapalakiko, o kekahi hana imi loaa o ke ano kolohe a hoohaahaa loa i lawelaweia e kekahi puulu, o ia ke kuai hooliloia ana o na kaikamahine ame na wahine opio, no na hana hoohaumia, me ka lilo o Kina, i kahūa no ka hana imi waiwai ;i kela puulu, ma o na kaikamahine la. Ma kela huli a noii pono ana a n a luna oihana federala, ua loaa mai ka ike, aia ma kahi o ka hookahi kaukani, ka nui o na wahine, 1 kuai hooliloia aku ma ka Hikina, no na hana haumia, me ka ukuiu ania mai, i ka puulu na lakou e hoolilo aku ana i kela mau kaikamahine, mai ka elima kaukani dala : a emi mai. He elua ka makahiki, ka' loihi o ka manawa a kela puulu, o ka lawelawe ana i ka lakou hana ekaeka, a hoopoino i na kaikamahine opio o Amerilca, mamua o ka loaa pono ana i na kanaka o ke aupuni, He nui a lehulehu wale na alahele a kela puulu, e pahele ai i ka noonoo o na kaikamahine opio, e kekalii o kela mau alahele, o ia ne ka hoike ana aku ia lakou, i kekahi mau kulana oihana maikai loa e loaa ana ia lakou ma ka Hikina, a i ka wa e puni mai ai o kela mau kaikamahine, e laweia ana lakou mai Kaleponi mai, no Kina, a i ka hoea ana malaila, e kuai hoolilo i a aku ana, i ka poe iloko o na hana haumia, o ka lilo no ia o kela mau kaikamahine, i luahi, no na liana pelapela, e liiki ole ai ia lakou e pakele. Ma ka olelo ia, he wahine ke poo o keia puulu o ka poe hoopoino i na kaikamaliine opio, a he Pake ko n a kokoolua, oia kekahi o na Pake waiwai loa ma Kina, a i kamaa ina hoi ma Kapalakiko, ma ke ano ka moi o ka piliwaiwai. Mawaho ae nae o kela wahine me ka Pake, he mau kanaka Ame rika hou ae kekahi, aia m a Ameri ka kahi i noho ai, me ka manaolana o na luna oihana federala, e paa ana kela poe apau i ka hopuia a e loaa ana hoi, na wahi o na kaikamahine a lakou i hookomo aki ai iloko o na hana hoohaumia, i noho ai, ma lapana a ma Kina.