Ka Nupepa Kuokoa, Volume LXII, Number 17, 26 April 1923 — MAKE KA BEBE MA KA HANAU ANA MAI [ARTICLE]

MAKE KA BEBE MA KA HANAU ANA MAI

Na Mr. ame Mi|j. Peter Kamano, Jr., o "ka Home Hookuonoono o Waiakea, Hi!o, Hawaii, i hanau mai ai he bebe kaikamahine, ma ka la 3l o ka mahina aku nei o Maraki i hala, maloko o ka halema'i o Hilo, eia nae, ua make ka bebe ma kona manawa i hanauia mai ai. Maloko o Mrs. Kamano o ka halema'i o Hilo kahi i waiho ai i ka ma'i, a hanau wale mai kana bebe, eia nae ua palekana oia mai ka ma'i mai, a ua huli hoi aku no kona home, me ka pii mau ae o kona maikai i kela ame keia manawa, malalo o na lapaau ana a Kauka A. T. Eoll, ko laua kauka ohana. He kiko-la o Mr. Peter Kamano, Jr., no ka Hui Matson Navigation, no na makahiki lehulehu ae nei i

hala, ahiki wale mai no i keia manawa, a e lilo ana ka meahou no ka make ana o kana bebe i mea e hookaumahaia aku ai ka manao o kona mau hoaloha lehulehu ma Honolulu ame Kauai, ke ike iho lakou i keia nuhou hookaumaha noonoo. He mau hoaloha lehulehu ko laua ma Hiloj me ka hookaumahaia ana o ko lakou manao no kela nuhou, me ko lakou hele ana ae e ike ia laua,' a haaawi aku i na olelo hoolana, iloko o ka wa o ka luuluu. O keia iho la ka elua o na keiki a keia mau makua, i make ma ki hanauia ana mai; a ke noho nei laua me ka nele i ke keiki. O. K. K. Oiai ke hookokoke mai nei ka La Kaupua, o ka poe i kuleana i ka pa ilina o Pauoa, ua makemakeia lakou e hele ae e hoomaemae i kela pa ilina, iloko o keia mau la.