Ka Nupepa Kuokoa, Volume LXII, Number 16, 19 April 1923 — Makemake e Ohi Pu o Hawaii Nei i na Pomaikai o Amerika Hookomoia he Bila no ke Kohoia he Komisina i Wahi e Komo Pu Ai o Hawaii Iloko o na Pomaikai a na Mokuaina e Ohi Nei [ARTICLE]

Makemake e Ohi Pu o Hawaii Nei i na Pomaikai o Amerika

Hookomoia he Bila no ke Kohoia he Komisina i Wahi e Komo Pu Ai o Hawaii Iloko o na Pomaikai a na Mokuaina e Ohi Nei

Maloko o ka hale o na lunamakaainana, ma ka Poakahi iho nei, i hookomoia ae ai e ka Mea Hanohano J. H. Coney, he bila kanawai, e koi ana, e kohoia he komisina o ekolu lala, no ka liooikaika ana aku i ka ahaolelo ma Wakinekona, i wahi e komo pu ai o Ilawaii nei, ma ka ohi ana i na pomaikai, elike me ia e loaa nei i na mokuaina apau o Amerika Huipuia. He bila leanawai kela i hoomakaukauia e ke kiaaina mua W. F. Frear ame L. A. Kakina, mamuli o ko kauolia a Kiaaina Farrington, a o kekahi hoi o na bila loihi hookahi, i hookomoia iloko o ka ahaolelo ina keia kau. Maloko o kela bila, e hoakaka ana ia, no ke kohoia o kekahi komisina o ekolu lala, e ke aupūni, no ka holo ana aku i Wakinekona, e hooikaika ai imua o na luna oihana o ka aina a imua hoi o ka ahaolelo lahui, ma ke koi ana i ko Hawaii nei kuleana, iloko o na pono hooponopono ahaolelo apau, e hanaia ana e ka ahaolelo

lahui; ma ke ano he hapa o Hawaii nei no Amerika, ma ia ano iho la e holo like mai ai na pomaikai i keia teritore, ka mea i loaa ole i keia manawa. 0 na hooponopono ahaolelo lahui apau e hanaia ana e ka ahaolelo lahui, a i holo aku hoi i na mokuaina apau o Amerika Huipuia, o na inea ia i makemakeia aku ai, e kuleana pu o Hawaii nei, ma ka ohi ana mai ia mau pomaikai, e laa na hooponopono ahaolelo pili i na alanui maikai, ka oihana hoonaauao na hoaio dala, na ike oihana mahiai, na ike hanalima, ame na hana no apau i pili aku i na mokuaina. 1 ka hookahua ana i ke koi a Hawaii nei, no na pomaikai mai ke aupuni makua mai, e hoakaka ana kela bila, no ka lilo ana o keia Teritore i hapa no ka uniona elike me na mea oiaio i paa maloko o na moolelo e ku nei i keia wa; a ma ke ano he hapa no Amerika, he mea pono, e holo mai na pono ame na pomaikai ia Hawaii nei, elikē me ia i loaa aku i na mokuaina- apau o ka uniona.