Ka Nupepa Kuokoa, Volume LXII, Number 16, 19 April 1923 — OLELO HOOHOLO HOALOHALOHA NO HIRAM KAAHA. [ARTICLE]

OLELO HOOHOLO HOALOHALOHA NO HIRAM KAAHA.

Oiai, ua oluolu loa i ka Mea Maua Loa, ka lawe ana aku i ka uhane o lliram Kaaha, kekahi o na kauwa a paahana kupaa a hoopono, he kanaka haipule oiaio ahiki i kona kaheaia ana m;ii ]a, a OIAI HOI, oia hookahi ka lunakahiko i noho loihi ma ka apana o Kamoiliili, no na makahiki he umi-kumamalinia i hala, me ka malama pono i ka laahia o ka oihana lunakahiko o ka ekalesia o Kawaiahao, he kakaikahi ka poe i like me ia, a OIAI HOI, mamuli o kona hale ana aku la, ua ili iho maluna o na hoahanau o ka apana o Kamoiliili, na haawe kaumnha, ke aloha ame ka minamina nui oiai ua nana mau ia nku oia ma ke ano, he makua no ka apana, e malama ana i kana oha-

na leeiki, me ke alakai, a a'o ana ma na ala maikai apau e loaa ai ka noho maluhia ana, a no kona mau ano maikai apau a makou J hoomaopopo ai nona, nolaila, E HOOHOLOIA; o makou o na hoahanau o ka apana o KKamoiliili, Kapahulu, ame Kaimuki i huiia, ke komo pu aku nei me ka ohnna i haaleleia iho iloko o ka luuluu ame ke kumakena, ma ke kanikau pu ana nona, a ke nonoi ae nei i ka lokomaikai ame ka oluolu o ka Makua Lani, e hoomama mai i na naau luuluu o na keiki makua ole, na moopuna hoi, na makamaka ame na hoaloha i hooneleia i ka mea aloha, a e HOOHOLO HOU IA; e hookomoia i hookahi kope o keia olelo hooholo i ka Nupepa Kuokoa, a i hookahi kope i na keiki uiakua ole.

O makou no, ma o ko makou komite la, me ke aloha paumako no ka makua i haalele mai i keia ola honua ana. PAIAINA, MRS. HANA PAIAINA, NAKAI, MAHOE, Kamoiliili, Aperila 11, 1928.