Ka Nupepa Kuokoa, Volume LXII, Number 16, 19 April 1923 — HOOKOIA KE KANAWAI SABATI. [ARTICLE]

HOOKOIA KE KANAWAI SABATI.

Ma ke Sabati aku la i hala, i hopuia ae ai kekahi poe Pake, mamuli o ko lakou lawelawe ana i ka hana kamana i ka la Sabati, me ka haalele ana nae i ko lakou bela, i ole ai e hookolokoloia ko lakou hihia, a kau mai na ahewa ana a ke kanawai maluna o lakou. Aia ma na wahi like ole, e lawelaweia nei na'hana o keia hiio ma ke Sabati, eia nae, mamuli o ka hooko ole ia o ke kanawai, ua lanakila ia mau hana, a ua.lilo i mea hana mau ia i kela ame keia manawa, me he mea la, ua noa ia mau hana ma ke Sabati. / Ua ili iho ke ko'iko'i maluna o na luna oihana, ia lakou ka mana ame ke kuleana o ka hooko ana i ke kanawai, ka hopuhopu ana i ka poe e lawelawe ana i ka haiia kamana, a mau hana e ae, o kela ano; pela wale no e hiki ai ke hookaoko'aia ae ke Sabati, mai na la e ae iloko o ka pule. lie umi wale no la a oi i koe, alaila hookuu keia kau o ko kakou ahaolelo kuloko, me ka nui o na hooponopono ahaolelo i lawelaweia. I ka huli hoi ana aku o na hoa o ka ahaolelo no ko lakou mau wahi iho, e waiho iho ana lakou mahope i na kiahoomanao o ka lakou mau hana, no ko lakou mahaloia, ame ka ole; a o na haku makaainana no na lunakanawai, na lakou e kaupaona mai, i ka wa e hoea hou mai ai i keia kau koho haloka ae, iloko o na makahiki elua.