Ka Nupepa Kuokoa, Volume LXII, Number 16, 19 ʻApelila 1923 — KE KOI A HAWAII I KONA PONO. [ARTICLE]

KE KOI A HAWAII I KONA PONO.

Me ke kanalua ole ke noonoo aku, e hooholo mai ana ko kakou ahaoleio, i ka bila i hookomoia, aku e ka Mea Hanohano J. H. Coney o Kauai, 110 ke kohoia o kekahi komisina o ekolu, no ka hooikaika ana aku ma Wakinekona, a iloko hoi o ka ahaolelo lahui, e loaa mai ia Hawaii nei, kona mahele 0 na pomaikai, ma na hooponopono apau.. e hoopomaikaiia ai na mokuaina lehulehu o Amerika Huipuia. Maloko o kela bila, ua hookahua pono ia na kumu koi apau a Hawaii nei, no kona kuleana iloko o na pomaikai elike me ia i loaa aku ai i na mokuaina o ka Uniona, maluna o na mea oiaio e paa nei maloko o na moolelo, no ka lilo ana aku o Hawaii nei, i hapa no Amerika Huipuia; oiai nae, no na makahiki lehulehu i kaahope aku nei, ua hooneleia mai keia Teritore, ia mau pomaikai, koe wale no ma kekahi ano e ae, 1 hooikaikaia aku, ma o ka elele la mai Hawaii aku nei. Me ia lilo no nae o Hawaii nei, i hapa no Amerika Huipuia, he o ia mau no ka noho pouliuli, o kekahi mau hoa o ka ahaolelo, ame na luna oihana o Amenka, i ko kakou kulana oiaio, e ku nei i keia la, a mai kela manawa mai no hoi i hoohuiia aku ai o Hawaii nei, me Amenka. He hana nui a ko'iko'i maoli ka kela komisina, e lawelawe aku ana, ina nei no ka lilo o keia bila i kanawai; a e komo ana hoi ke aupuni iloko o kekahi hoolilo nui hewahewa, no ka holomua o ka misiona a kela komisina i Wakinekona; eia nae, ma*kekahi ano lee nana aku, he mau hoolilo ia a Hawaii nei, e minamina ole ihp ai, pela wale no e loaa aku ai ka ike oiaio i na luna oihana ma Wakinekona, a i na hoa hoi oloko 0 ka ahaolelo lahui, no Hawaii nei, ame ko Hawaii nei kuleana 1 na pomaikai apau, i hooneleia ai ia i na makahiki i kaahope aku nei, a kakou e kanalua ole ai ke olelo ae, e hoea mai ana i ko kakou wa e ike ai i ka waiwai o ke koho ana i komisina o keia ano.