Ka Nupepa Kuokoa, Volume LXII, Number 16, 19 April 1923 — [Illegible] HOOMAU MAHOPE O KA HAKAKAIA ANA [ARTICLE]

[Illegible] HOOMAU MAHOPE O KA HAKAKAIA ANA

O ka bila senate 63 e kauoha ani i ke Kalana o Hawaii o uku ae i kekahi mau uku hoomau ua holo ma ka heluhelu ekolu ana a ka hale ma ka Poalua nei, mahope o ka paio ana a na hoa no kekahi manawa. Ua makemake ka Lunamakaainana Da Silva e okiia ka haawina dala i hoakakaia no ka uku lioomau o Mrs. Kawaha mai ke $60 a i ke $35 no ka mahina. Ma ka Silva hoakaka he makai ke kane a Mts. Kawaha no ka puali makai o Hilo a no eha wale no makahiki kona noho hp.na ana malalo o ke kalana. I ka manawa e hoomaha ai ka Kawaha hana me ka puali makai, oia hoi i ka manawa e huli ai o kana uwaki ua hele aku oia e hana ma ka uwapo ma ke ano Stevcdoro, wahi a Silva. Ia Kawaha ma keia hana i loaa ai oia i kekahiulia a i lilo ai hoi ia ulia i kumu make nona. Aole i make o Kawaha i kona manawa e hana ana me ka oihana. Iloko o keia hoakaka a Silva, eia nae, ua hooholoia ka bila ma ka heluhelu ekolu ana. O Lowrev, Silva ame ka lunahoomalu Cookc ka poe i koho kue i ka bila. Pehea keia liana hoomaunauna wale i ke dala a ka lehulehu?