Ka Nupepa Kuokoa, Volume LXII, Number 15, 12 April 1923 — Haawi ke Kiure he $5000 ka Nui o ka Huina Poho Aponoia ke Koipoho a ka Makuakane no ka Make Ana o Kana Keiki ma ka Ulia HOOHALAHALAIA NAE KA OLELO HOOHOLO Manao ka Loio o ka Mea Hoopiiia ua Nui Loa ka Huina a na Kiure i Hooholo Ai [ARTICLE]

Haawi ke Kiure he $5000 ka Nui o ka Huina Poho

Aponoia ke Koipoho a ka Makuakane no ka Make Ana o Kana Keiki ma ka Ulia

HOOHALAHALAIA NAE KA OLELO HOOHOLO

Manao ka Loio o ka Mea Hoopiiia ua Nui Loa ka Huina a na Kiure i Hooholo Ai

Ma ka hoopii koipoho, o umi kaukani dala, no ka make ana o kana keiki, ma kekahi ulia kaa, he manawa pokole wale ae nei no i hala, i apono mai ai ke kiure ma ka po o ka Poaono aku la i hala, e loaa ia Hasakichi, ka huina o elima kaukani dala, he hapalua hoi o ka huina, ana i koi ai ma kana hoopii koipoho. ' Ua hoomaka ka hooloheia ana o kela hihia koipoho, e ku-e ana i ka Hui Aila Associated, ka hui nona ke kaa kalaka i hooku'i ai me ke keiki Kepani opio a make, ma ka la 2 iho nei o keia mahina, a hele no hoi, ahiki i ka po o ka Poaono nei, akahi no a loaa ka olelo hooholo, a* na kiure, elike ae la me ia maluna ae nei. Ma ka oleloike e pili ana i kela hihia, ua liooku'iia aku ke keiki Kepani, nona ka inoa o Kazumasa Wada, e ke kaa kalaka o ka Hui Aila Asaoeiateda, ma ke alanui Maunakea, ma ka la 6 o Dekemaba, 1922, oiai ke keiki opio e kau ana maluna o kona kaa baikikala. Ma ka oleloia e holo ana kela keiki Kepani opio maluna o kona kaa baikikala ma ke alanui Beritania, no Waikiki o kela alanui, a e holo mai ana hoi ke kaa kalaka o ka hui aila ma kela alanui hookahi, no, a i 4 ka wa i hoohuli ae ai no ke ala,uui Maunakea, o ka wa ia i hooku'i aku ai me ke keiki opio. He elima hora ka noonoo ana o ke kiure i kana olelo hooholo ma kela hihia koipoho, a he hapaha i hala, o ka hora eiwa o ka po, akalii no a loaa ka olelo hooholo, e haawi ana i ka pono, no ka aoao hoopii, me ka huina nae, i hoemiia iho, i ka elima kaukani dala. IPa hoohalahala ka Lunakanawai Robertson, ka loio ma ka aoao o ka hui aila, no ka nui hewahewa o kela huina o ke koipoho, a na kiure o ka hooholo ana.